រឿងមួយដ៏សំខាន់ដែលអ្នកអាចធ្វើបានដើម្បីកំណត់ថាខ្លួនឯងមានបញ្ហាផ្លូវភេទ ឬក៏អត់នោះគឺការនិយាយដោយស្មោះត្រង់ និងបើកចំហរអំពីរោគសញ្ញារបស់អ្នកប្រាប់ដល់គ្រូពេទ្យ។ គ្រូពេទ្យនឹងសាកសួរអំពីទំនាក់ទំនងស្នេហា, ដៃគូ, ប្រវត្តិផ្លូវភេទពីមុន, ប្រវត្តិការនៃការប៉ះទង្គិចខាងផ្លូវកាយនិងចិត្ត, រោគសញ្ញានៃការបាក់ទឹកចិត្ត និងស្ត្រេស ឬការព្រួយបារម្ភផ្សេងៗទៀតដែលរំខានដល់សមត្ថភាពឆ្លើយតបនឹងការរួមភេទតែម្តង។
តាមរយៈអត្ថបទមួយនេះអ្នកនឹងអាចយល់ដឹង ក៏ដូចជាវាយតម្លៃទៅលើភាពអសមត្ថភាពខាងផ្លូវភេទរបស់អ្នកបានយ៉ាងល្អ ព្រមទាំងជួយអោយខ្លួនឯងសប្បាយនឹងជីវិតផ្លូវភេទកាន់តែខ្លាំងក្លាជាងមុនទៀតផង។
គ្រូពេទ្យនឹងធ្វើការពិនិត្យលើរាងកាយ, ពិនិត្យសម្ពាធឈាម, ជំងឺសរសៃឈាម, ជំងឺសរសៃប្រសាទ ឬសញ្ញាជាក់ស្តែងនៃបញ្ហាទាំងឡាយណាដែលប៉ះពាល់ដល់លិង្គ ឬពងស្វាសរបស់អ្នក។ អ្នកប្រហែលជានឹងត្រូវធ្វើតេស្តឈាមដើម្បីពិនិត្យរកមើលជំងឺទឹកនោមផ្អែម, ជំងឺក្រពេញទីរ៉ូអ៊ីត និងជំងឺអ័រម៉ូនផ្សេងៗទៀតដែលគ្រូពេទ្យសង្ស័យ។ លើសពីនេះ គ្រូពេទ្យនឹងសួររកមើលការប្រើប្រាស់ថ្នាំ និងសារធាតុដែលអ្នកប្រើប្រាស់ដើម្បីតាមដានថាតើវាមានទំនាក់ទំនងនឹងការអសមត្ថភាពផ្លូវភេទរបស់អ្នកឬក៏អត់។
ដោយសារតែបុរសធម្មតាមានការឡើងរឹងរបស់លិង្គច្រើនដងពេលដេកលក់ អ្នកនឹងប្រហែលជាត្រូវសួរថាតើមានការឡើងរឹងរបស់លិង្គទៀងឬក៏អត់ពេលភ្ញាក់ពេកដេក។ ពេលខ្លះមនុស្សប្រុសតម្រូវអោយធ្វើតេស្តដេកក្នុងបន្ទប់ពិសោធន៍ដើម្បីតាមដានការឡើងរឹងរបស់លិង្គពេលដេកលក់។ ខណៈពេលដែលព័ត៌មានមួយនេះអាចជួយប្រាប់ថាការងាប់លិង្គប្រហែលជាកើតឡើងដោយសារតែបញ្ហាជាមួយនឹងប្រព័ន្ធសរសៃប្រសាទ ឬសរសៃឈាមឬក៏អត់នោះ វាមិនមែនជារឿងសំខាន់ក្នុងការបញ្ជាក់ថា ការឡើងរឹងរបស់លិង្គគឺគ្រប់គ្រាន់សម្រាប់ការសូកបញ្ចូលលិង្គក្នុងពេលរួមភេទឡើយ។ ការពិនិត្យដោយថតអេកូអាចកំណត់ដឹងអំពីលំហូរឈាមចូលទៅក្នុងអាងត្រគៀកសម្រាប់កំណត់ថាតើមានលំហូរឈាម និងសម្ពាធក្នុងលិង្គគ្រប់គ្រាន់ឬអត់សម្រាប់ការឡើងរឹងរបស់លិង្គ។
ការវាស់ទៅលើសម្ពាធឈាមក្នុងលិង្គ ឬ Penile-Brachial Index ប្រហែលជារឿងមានប្រយោជន៍សម្រាប់ធ្វើរោគវិនិច្ឆ័យជំងឺសរសៃឈាមរបស់លិង្គ។ សារធាតុសម្រាប់ធ្វើតេស្តលិង្គដូចជា Papaverine ត្រូវបានចាក់បញ្ចូលទៅក្នុងលិង្គ បន្ទាប់មកទើបធ្វើការតាមដានថាតើមានការឡើងរឹងរបស់លិង្គដែរ ឬអត់។ ជាមួយគ្នានេះដែរ សម្ពាធឈាមរបស់លិង្គអាចវាស់បានក្នុងពេលលិង្គឡើងរឹង៕
