វានឹងល្អប្រសើរណាស់ ប្រសិនបើជំងឺគ្រួសក្នុងថង់ទឹកប្រមាត់ អាចត្រូវបានបង្ការ ជាជាងការព្យាបាល។ ការការពារនៃជំងឺគ្រួសក្នុងថង់ទឹកប្រមាត់ដែលកើតចេញពីកូលេស្តេរ៉ុល អាចត្រូវធ្វើបានតាមរយ:ប្រើថ្នាំ ursodiol ដែលជា ថ្នាំអាស៊ីតទឹកប្រមាត់ ដែលជួយរំលាយ និង ការពារកុំឱ្យមានគ្រួសក្នុងថង់ទឹកប្រមាត់ ដោយយសារតែកូលេស្តេរ៉ុលមួយចំនួន គឺវាបានរារាំងពីការបង្កើតកូលេស្តេរ៉ុល។
ប៉ុន្តែ ការលំបាកនោះ គឺត្រូវកំណត់លក្ខណៈ ឬ ធាតុពិតរបស់បុគ្គល ដែលមានហានិភ័យខ្ពស់ សម្រាប់ការកកើតគ្រួសក្នុងថង់ទឹកប្រមាត់ដោយកូឡេស្តេរ៉ុល ក្នុងរយៈពេល ខ្លីមួយ នៃរយៈពេលនៃការព្យាបាលតាមវិធានការបង្ការ។
មនុស្សនៅក្នុងក្រុមបែបនេះរួមមានមនុស្សធាត់ដុះពោះ ដែលតែងមានការបាត់បង់ទម្ងន់ យ៉ាងឆាប់រហ័ស ជាមួយនឹងរបបអាហារដែលមានកាឡូរីទាប ឬ ដោយការវះកាត់។ ហានិភ័យនៃជំងឺគ្រួសក្នុងថង់ទឹកប្រមាត់នៅក្នុងក្រុមនេះគឺ ខ្ពស់ពី ៤០% ទៅ ៦០% ។ ជាការពិត ursodiol ត្រូវបានបង្ហាញនៅក្នុងការសិក្សាមួយចំនួន ដែលវាមានប្រសិទ្ធិភាពយ៉ាងខ្លាំង សម្រាប់ការ ការពារជំងឺគ្រួសក្នុងថង់ទឹកប្រមាត់ចំពោះបុគ្គលទាំងនេះ៕
