Join with Health.com.kh on Telegram

​ជំងឺ​ផ្តាសាយ​គឺជា​រឿង​មួយ​ដែល​គួរ​អោយ​ធុញ​។ ដូចនេះ​សូម​ធ្វើ​តាម​ការណែនាំ​ខាងក្រោមៈ​
១. ចាក់​វ៉ាក់សាំង​ការពារ​ជំងឺ​ផ្តាសាយៈ វា​ជា​រឿង​ល្អ​បំផុត​ដើម្បី​ការពារ​ខ្លួន​របស់​អ្នក​ប្រឆាំង​នឹង​ជំងឺ​ផ្តាសាយ​។ មនុស្ស​វ័យ​ជំទង់​មួយចំនួន​ទទួល​វ៉ាក់សាំង​ការពារ​ជំងឺ​ផ្តាសាយ​ដូច​ទៅ​នឹង​ការបាញ់​ស្ព្រៃ​។ ការទទួល​វ៉ាក់សាំង​នេះ​មិន​ត្រឹម​តែ​ការពារ​សុខភាព​ផ្ទាល់ខ្លួន​របស់​អ្នក​នោះ​ទេ​។ វា​ក៏​ជួយ​មនុស្ស​ជុំវិញ​ខ្លួន​របស់​អ្នក​ផង​ដែរ​ដោយសារ​តែ​វា​មាន​ឪ​កាស​តិច​ដែល​អ្នក​នឹង​កើត និង​ឆ្លង​ជំងឺ​នេះ​។​


២. លាងដៃ​របស់​អ្នកៈ ជារឿយៗ​, បន្ថែម​ពីលើ​ការចាក់​វ៉ាក់សាំង​, ការលាង​ដៃ​គឺជា​រឿង​មួយ​សំខាន់​ផង​ដែរ​ក្នុង​ការការពារ​ប្រឆាំង​នឹង​វីរុស​ផ្តាសាយ​។ ហេតុអ្វី​? ខ្លួន​របស់​យើង​ចំណាយពេល​២​សប្តាហ៍​ដើម្បី​បង្កើត​ប្រព័ន្ធ​ភាពស៊ាំ​ក្រោយពី​ចាក់​វ៉ាក់សាំង​។ ដូចនេះ​ការ​លាងដៃ​ក៏​ជួយ​ការពារ​ប្រឆាំងនឹង​មេរោគ​ដទៃទៀត​ដែល​មិន​មាន​វ៉ាក់សាំង​ផងដែរ​។​


​សូម​លាងដៃ​ក្រោយ​ចេញពី​បន្ទប់ទឹក​, ក្រោយ​ពី​ក្អក ឬ​កណ្តាស​, មុន​នឹង​ដាក់​កញ្ចក់​កែវភ្នែក​, មុន​នឹង​តុ​ប​តែ​មុខ និង​មុននឹង​ញ៉ាំ​អាហារ​។ រឿង​ល្អ​អំពី​ការ​លាងដៃ គឺ​វា​ជា​ការការពារ​មួយ​ដ៏​ស្រួល​។ ដូចនេះ​សូម​ទម្លាប់​ធ្វើការ​លាងដៃ​អោយបាន​ញឹកញាប់​នៅពេល​ដែល​អ្នក​មក​ពីសា​លា​រៀន​,  ធ្វើការ​, មើល​កុន ឬ​មក​កន្លែង​ដទៃ​ទៀត​ដែល​មាន​មនុស្ស​ច្រើន​។​


៣. សូម​នៅ​អោយ​ឆ្ងាយ​ពី​នរណា​ម្នាក់​ដែល​ឈឺៈ មេរោគ​ផ្តាសាយ​ធ្វើ​ដំនើរ​នៅក្នុង​លំហរ ដូចនេះ​សូម​ព្យាយាម​នៅ​អោយ​ឆ្ងាយ​ពី​អ្នក​ដែល​ឈឺ​។ ប្រាកដ​ណាស់​, អ្នក​ដែល​មាន​វីរុស​ផ្តាសាយ មើលទៅ​ហាក់ដូចជា​មិន​ឈឺ​។ នេះ​ដោយសារ​តែ​ការចាក់​វ៉ាក់សាំង និង​ការ​លាងដៃ​។​


​វា​ជា​រឿង​ល្អ​ក្នុងការ​ជៀសវាង​ពី​ការ​ប៉ះ​ច្រមុះ​, ភ្នែក និង​មាត់​។ កន្លែង​ទាំង​៣​នេះ អាច​ចូល​ទៅក្នុង​ខ្លួន​បាន​យ៉ាង​ងាយ​។​


៤. សូម​ប្រើ​កន្សែង​ពេល​ក្អក ឬ​កណ្តាស ប៉ុន្តែ​សូម​កុំ​ប្រើ​ដៃៈ មធ្យោបាយ​នេះ​, អ្នក​នឹង​មិន​កំពុងចម្លង​មេរោគ​នៅ​ពេល​ដែល​អ្នក​ប៉ះពាល់​នរណា​ម្នាក់​ផ្សេង​។​
 

៥. សូម​នៅផ្ទះ​ប្រសិនបើ​អ្នក​មាន​ជំងឺ​ផ្តាសាយៈ អ្នក​មិន​ចង់​ចម្លង​មេរោគ​ទៅ​នរណា​ម្នាក់​ផ្សេងទៀត​នោះទេ​។ ការ​នៅ​ផ្ទះ​គឺជា​រឿង​មួយ​ល្អ​ដើម្បី​កុំ​ចម្លង​មេរោគ​នោះ​ទៅ​អ្នកដទៃ​ទៀត​។ ការ​សម្រាក​អាចជួយ​អោយ​ខ្លួន​របស់​អ្នក​ឆាប់​ជា​។​


​អ្នក​ក៏​អាច​ទប់ទល់​នឹង​ជំងឺ​ផ្តាសាយ​ដោយ​រក្សា​ប្រព័ន្ធ​ភាពស៊ាំ​របស់​អ្នក​អោយ​មាន​សុខភាព​ល្អ​។ អ្នក​ដែល​ជួយ​អោយ​ប្រព័ន្ធ​ភាពស៊ាំ​របស់​អ្នក​មាន​សុខភាព​ល្អ​រួមមាន ការ​គេង​អោយបាន​គ្រប់គ្រាន់​, ញ៉ាំ​អាហារ​ដែល​ផ្តល់​នូវ​សុខភាព​, ផឹកទឹក​អោយបាន​ច្រើន និង​ធ្វើ​លំ​ហាត់ប្រាណ​អោយបាន​ទៀងទាត់​៕