Join with Health.com.kh on Telegram

​ការជក់បារី​មាន​ការប៉ះពាល់​ទាំង​ម្តាយ និង​កូន​ក្នុង​ពោះ​។ ការជក់បារី​ធ្វើអោយ​ទារក​ប្រឈមមុខ​នឹង​បញ្ហា​សុខភាព​ជា​ច្រើន​ក្នុង​ពេល​ពរ​ពោះ និង​ក្រោយ​សម្រាល​។ ជាតិ​នីកូទីន និង​សារធាតុ​មាន​គ្រោះថ្នាក់​ទាំងអស់ (​ធ្វើអោយ​កើត​មហារីក​) របស់​បារី​ចូលទៅក្នុង​ចរន្តឈាម​របស់​ម្តាយ និង​ធ្វើ​ដំណើរ​ទៅ​ក្នុង​ចរន្ត​ឈាម​របស់​កូន​ផ្ទាល់​តែម្តង​។ បារី​ផ្ទុក​ទៅ​ដោយ​សារធាតុ​គីមី​គ្រោះថ្នាក់​រហូតដល់ ៧០០០​ប្រភេទ​ឯណោះ ហើយ​ក្នុងនោះ​មាន ៧០​សារធាតុ​ហើយ​ដែល​គេ​ស្គាល់​ថា​ជា​ភ្នាក់ងារ​បង្ក​ជំងឺមហារីក​។​

​ឥទ្ធិពល​ដែល​ប៉ះពាល់​ទៅលើ​សុខភាព​ទារក​មួយចំនួន​មានដូចជា​៖

  • កាត់បន្ថយ​ការផ្គត់ផ្គង់​អុកស៊ីសែន​ទៅ​ទារក​
  • ប្រឈម​នឹង​ការ​រលូត និង​កូន​ស្លាប់​ក្នុង​ពោះ​កាន់តែខ្លាំង​
  • ប្រឈម​នឹង​ការ​មិនសូវ​លូតលាស់ និង​កើត​មិន​គ្រប់​ទម្ងន់​កាន់តែខ្លាំង​
  • ប្រឈម​នឹង​ការកើត​មិន​គ្រប់​ខែ​កាន់តែខ្លាំង​
  • ចង្វាក់បេះដូង​កូន​កើនឡើង​
  • ប្រឈម​នឹង​បញ្ហា​ក្នុង​ការដកដង្ហើម​របស់​ទារ​កកាន់តែខ្លាំ​ង​


​ការប្រឈមមុខ​ទាំងនេះ​នឹង​កើតឡើង​ទៅ​តាម​ចំនួន​បារី​ដែល​ម្តាយ​ជក់​ក្នុងពេល​មាន​ផ្ទៃពោះ​។ ពិតណាស់ ការជក់បារី​ក៏មាន​គ្រោះថ្នាក់​ដល់​ម្តាយ​, ប្រឈម​នឹង​ជំងឺមហារីក​កាន់តែ​ខ្ពស់​, ជំងឺ​បេះដូង​-​សរសៃឈាម​, ជំងឺ​សួត​Emphysema និង​ជំងឺ​ផ្សេងៗ​ទៀត​។​

​តើ​ស្ត្រី​មាន​ផ្ទៃពោះ​ជក់បារី​ប៉ុន្មាន​ទៅ​ទើប​មាន​សុវត្ថិភាព​?

​ខណៈពេល​ការ​ប្រឈម​នឹង​សុខភាព​មាន​ការកើនឡើង​ខ្ពស់​ពេល​ជក់បារី គេ​មិន​ទាន់​ដឹង​ថា​ចំនួន​បារី​ដែល​ស្ត្រី​មាន​ផ្ទៃពោះ​ជក់​ប៉ុន្មាន​ទើប​មាន​សុវត្ថិភាព​ទេ​។ រាល់​ការជក់បារី​ទាំងអស់​អាច​មាន​ផលវិបាក​ធ្ងន់ធ្ងរ​ទាំង​អស់​សម្រាប់​សុខភាព​ទារក​ក្នុង​ផ្ទៃពោះ​៕