Join with Health.com.kh on Telegram

​រោគសញ្ញា​នៃ​ជំងឺ​រលាក​ស្រោម​សួត​(pleurisy)​មាន​ដូច​ជា​ការ​ឈឺទ្រូង និង​ពិបាក​ក្នុង​ការដក ដង្ហើម​ជាដើម​។ ការ​ឈឺទ្រូង​ជាធម្មតា​ចាប់ផ្តើម​ភ្លាម​។ ជា​ញឹកញាប់​មនុស្ស​ដែល​បាន​ពណ៌នា អំពី​ការឈឺចាប់ ជាធម្មតា​កាន់តែ​អាក្រក់​ជា​មួយ​ការដកដង្ហើម​របស់​ពួកគេ​។​

  • ​វា​អាច​តែងតែ​មាន​វត្តមាន​ជានិច្ច​ប៉ុន្តែ​វា​ជា​ធម្មតា​កាន់តែ​អាក្រក់​នៅពេល​ដែល​អ្នក​ដ​ក​ដង្ហើមចូល​ដែល​ធ្វើអោយ​អ្នក​ចៀសវាង​ការដកដង្ហើម​ខ្លាំង​ដើម្បី​ការពារ​ការឈឺចាប់​។​
  • ​ជាធម្មតា​គឺ​នៅលើ​តែ​មួយ​ចំហៀង​ទ្រូង​តែប៉ុណ្ណោះ​។​
  • ​ចាក់​ទៅ​ស្មា ឬ​ពោះ​។​
  • ​ជាធម្មតា​កាន់តែ​អាក្រក់​នៅពេល​ដែល​អ្នក​ក្អក កណ្តា​ស់ ឬ​ផ្លាស់​ទី​ភ្លាមៗ ។​
  • ​អាច​បន្ធូរបន្ថយ​នៅពេល​ដែល​អ្នក​អត់​ដង្ហើម​របស់​អ្នក ឬ​ចុច​លើ​កន្លែង​ដែល​មាន ឈឺចាប់​នោះ​។​
  • ​ប៉ុន្តែ​ប្រភេទ​នៃ​ការ​ឈឺទ្រូង​នេះ​អាច​ត្រូវ​បាន​បង្កឡើង​ដោយ​លក្ខខណ្ឌ​ផ្សេង​ដែល​មិន ទាក់ទង​ស្រោម​សួត​(pleura) ដូច​ច​ជា​ការឈឺ​សាច់ដុំ​ទ្រូង និង​ការ​រលាក​ឆ្អឹងជំនីរ​(costochondritis)​ជាដើម​។​


​ប្រសិនបើ​ជា​ការឆ្លង​វីរុស​ជា​អ្នក​បណ្តាលឱ្យ​pleurisy អ្នក​អាច ឬ​មិន​អាច​មាន​រោគសញ្ញា​ជាទូទៅ នៃ​ការឆ្លង​វីរុស ដូចជា​គ្រុនក្តៅ ឈឺក្បាល និង​ឈឺ​សាច់ដុំ​ជាដើម​។​
​ការ​រលាក​ស្រោម​សួត​(pleura)​ពេល​ខ្លះ​បណ្តាល​ឱ្យ​សារធាតុ​រាវ​ដក​នៅ​ចន្លោះ​ស្រោម​សួត​ទាំងពី​(pleural cavity)​។ អ្នក​អាច​មាន​ការឈឺចាប់​តិចតួច​បន្ទាប់ពី រឿង​នេះ​បាន​កើតឡើង​ព្រោះ​សារធាតុ​រាវ​នេះ​បាន​រារាំង​ស្រទាប់​ស្រោម​សួត​ទាំងពីរ​ពី​ការ​ត្រដុស ជាមួយគ្នា​។ ប្រសិនបើ​មាន​សារធាតុ​រាវ​ដក់​ច្រើន​ពេក​វា​អាច​ទប់​សួត​ពី​ការពង្រីក នៅពេល​ដែល​អ្នក​ដកដង្ហើម​ចូល​ដែល​វា​អាច​ធ្វើឱ្យ​វា​ពិបាក​ក្នុង​ការដកដង្ហើម​។ រោគសញ្ញា ផ្សេង​ទៀត​នៃ​ការដក់​ទឹក​ក្នុង​ចន្លោះ​ស្រោម​សួត​អាច​រួម​មាន​គ្រុនក្តៅ ឈឺ​ទ្រូង និង​ក្អក​ស្ងួត​។​ ​វា​អាច​កើតមានឡើង​ដោយ​មិន​មាន​ការ​រលាក​ស្រោម​សួត​(pleurisy)​ឡើយ ដូចជា​ក្នុង​លក្ខខណ្ឌ ផ្សេងទៀត​ដូចជា​ជំងឺ​បេះដូង ឬ​ថ្លើម ឬ​ជំងឺ​តម្រងនោម​ជាដើម​៕