Join with Health.com.kh on Telegram

​បើសិន​ជា​អ្នក​កំពុងតែ​មាន​ជំងឺ​ផ្តាសាយ អ្នក​ប្រហែលជា​ឆ្ងល់​អំពីរ​របប​អាហារ​ដែល​គួរ​ញ៉ាំ​ហើយ​។ ដូច្នេះ​តើ​អ្នកគួ​រញ៉ាំ​អ្វី​ខ្លះ​ទៅ​នៅ​ពេល​អ្នក​ក្តៅខ្លួន​ផង ហើយ​មាន​រោគសញ្ញា​ផ្តាសាយ​ថែម​ទៀត​នោះ​?

​ថ្ងៃនេះ មានរឿង​ច្រើនជាង​ធម្មតា យើង​សុទ្ធតែ​ដឹង​អំពី​ថាមពល​នៃ​ការធ្វើ​អោយ​ជា​សះ​របួស​របស់​អាហារ​ក្នុងការ​ជម្រុញ​ដល់​ប្រព័ន្ធ​ភាព​ស៊ាំ និង​ជំនួយ​អោយ​ជំងឺ​ឆាប់​ជា​។ ពិតណាស់ ជីវជាតិ​គ្រប់គ្រាន់​មាន​សារៈសំខាន់​សម្រាប់​ថែរក្សា​សុខភាព​អោយនៅ​ល្អ​។ ប៉ុន្តែ​នៅពេល​រាងកាយ​ធ្វើសង្គ្រាម​ជាមួយ​នឹង​រោគ​សញ្ញា​ជំងឺ​ផ្តាសាយ​រយៈពេល​ច្រើន​ថ្ងៃ​ដល់​ច្រើន​សប្តាហ៍ របប​អាហារ​នឹង​ក្លាយទៅជា​ជា​រឿង​កាន់តែ​សំខាន់​សម្រាប់​បង្កើន​ល្បឿន​ដល់​ការ​ជា​សះ​របួស​។ ការបន្ថែម​នូវ​វីតាមីន និង​ជាតិ​រ៉ែ​សំខាន់ៗ​ក្នុង​របប​អាហារ​រឹតតែ​ជា​រឿង​សំខាន់​ថែមទៀត​ដើម្បី​ជួយ​បង្កើន​ភាព​រឹង​ម៉ាំ​។​

តើ​ជី​វិជាតិ​មាន​ប្រយោជន៍​អ្វីខ្លះ​ក្នុងការ​ធ្វើ​អោយ​របួស​ឆាប់​ជា​?
ជីវជាតិ​គឺជា​សមាសធាតុ​ពិសេសៗ​ក្នុង​អាហារ​ដែល​មាន​សារៈសំខាន់​ក្នុង​ការជួសជុល​អ្វី​ដែល​ខូចខាត​ក្នុង​ខ្លួន​, លូតលាស់ និង​ធ្វើអោយ​មាន​សុខភាព​ល្អ​។ ជីវជាតិ​នោះ​មានដូចជា វីតាមីន​, ជាតិ​រ៉ែ​, អាស៊ីតអាមីណេ​, ខ្លាញ់​សំខាន់ៗ និង​ជាតិ​ទឹក​ព្រមទាំង​ប្រភព​នៃ​កាឡូរី​ដូចជា កាបូ​អ៊ី​ដ្រាត​, ប្រូតេអ៊ីម​, និង​ខ្លាញ់​។ ជីវជាតិ​មួយ​ចំនួន​ឈ្មោះថា Nonessential Nutrients ត្រូវបាន​បង្កើតឡើង​ដោយ​រាងកាយ​ខ្លួនឯង​។ ជីវជាតិ​ផ្សេងៗ​ទៀត (​ជីវជាតិ​សំខាន់ ឬ Essential Nutrients) ត្រូវតែ​មាន​ក្នុង​របប​អាហារ​របស់​អ្នក​។ រាល់​ការ​កង្វះ​អាហារូបត្ថម្ភ​ទាំងអស់​អាច​នាំអោយ​កើត​ជំងឺ​បាន​បើសិនជា​គ្មាន​ការព្យាបាល​ទេ​។​

តើ​អាហារ​អ្វីខ្លះ​ដែល​ជួយ​ប្រឆាំងនឹង​ការបង្ក​រោគ​ជាមួយ​ជំងឺ​ផ្តាសាយ​?
មិន​ខ្វល់​ថា​អ្នក​មាន​ជំងឺ​ផ្តាសាយ ឬក៏​អត់​នោះទេ ជាតិ​ប្រូតេអ៊ីន​តែងតែ​ជា​រឿង​សំខាន់​ក្នុង​ការថែរក្សា​រាងកាយ​អោយនៅ​រឹងមាំ​ជានិច្ច​។ ប្រូតេអ៊ីន​គឺជា​របស់​សំខាន់​ក្នុង​ការជួយ​ថែរក្សា​រាងកាយ និង​បង្កើត​ភាពរឹងមាំ​។ សាច់​, សាច់សត្វ​ស្លាប​, ត្រី​, អាហារ​ធ្វើ​ពី​ទឹកដោះគោ​, ស៊ុត និង​សណ្តែក ព្រមទាំង​គ្រាប់​ធញ្ញជាតិ​គឺជា​ប្រភេទ​ដ៏​ល្អ​របស់​ប្រូតេអ៊ីន​។​

​រដ្ឋបាល​ចំណីអាហារ និង​ឱសថ (FDA) បាន​ណែនាំ​ថា មនុស្ស​ធំ​ត្រូវការ​ញ៉ាំ​ប្រូតេអ៊ីន ៥០​ក្រាម​ក្នុង​មួយថ្ងៃ​។ ស្ត្រី​មាន​ផ្ទៃពោះ និង​ស្ត្រី​បំបៅ​ដោះ​កូន​ត្រូវការ​ច្រើន​ជាង​នេះ​។ តាមរយៈ​ការ​ញ៉ាំ​អាហារ​សម្បូរ​ជាតិ​ប្រូតេអ៊ីន យើង​ក៏​អាច​ទទួលបាន​អត្ថប្រយោជន៍​ផ្សេងៗ​ដែរ​ដូចជា វីតាមីន B6 និង B12 ដែល​វា​ទាំងពីរ​នេះ​ជួយ​ធ្វើអោយ​ប្រព័ន្ធ​ភាពស៊ាំ​មាន​សុខភាព​ល្អ​។​

​វីតាមីន B6​អាច​មាន​យ៉ាង​ទូលំទូលាយ​ក្នុង​អាហារ​ជាច្រើន​ដូចជា ដំឡូង​, ស្ពៃ​បៃតងចាស់ និង​គ្រាប់​ធញ្ញជាតិ​។ ប្រូតេអ៊ីន​ដូចជា សាច់​, ទឹកដោះគោ និង​ត្រី​ក៏​ផ្ទុក​ទៅ​ដោយ​វីតាមីន B12 ដែរ​ក្នុង​ការពង្រឹង​ដល់​ប្រព័ន្ធ​ភាព​ស៊ាំ​។​

​ជាតិ​រ៉ែ​ដូចជា សេ​ឡេ​ញ៉ូម និងស័​ង្គ​សីមាន​តួនាទី​ថែរក្សា​ប្រព័ន្ធ​ភាពស៊ាំ​អោយ​នៅ​ខ្លាំងក្លា​។ ជាតិ​រ៉ែ​ទាំងនេះ​មាន​ក្នុង​អាហារ​សម្បូរ​ប្រូតែអ៊ីន​ដូចជា សណ្តែក​, គ្រាប់​ធញ្ញជាតិ​, សាច់ និង​សាច់​បក្សី​៕