ការដេកមិនលក់ក៏មានភាពប្រែប្រួលទៅតាមពេលវេលាដែលវាកើតឡើងចុងក្រោយ និងភាពញឹកញាប់របស់វាដែរ។ វាអាចមានរយៈពេលខ្លី (ស្ថានភាពស្រួចស្រាវ) ឬអាចជារយៈពេលមួយយូរហើយ (ស្ថានភាពរ៉ាំរ៉ៃ)។ វាក៏អាចមានទៅមានមកដែឬ ជាមួយនឹងពេលវេលាណាមួយដែលមនុស្សគ្មានបញ្ហាក្នុងការដេក។
ការដេកមិនលក់ស្រួចស្រាវអាចកើតឡើងពីរយៈពេលតែមួយយប់ដល់ច្រើនសប្តាហ៍។ ការដេកមិនលក់ដែលហៅថារ៉ាំរ៉ៃនោះគឺនៅពេលមនុស្សដេកមិនលក់យ៉ាងហោចណាស់ បីយប់ក្នុងមួយសប្តាហ៍រយៈពេលមួយខែ ឬយូរជាងនេះ។
ការដេកមិនលក់មានន័យថា មនុស្សមានការពិបាកក្នុងការដេកអោយបានស្កប់ស្កល។ អ្នកដេកមិនលក់មានសញ្ញាមួយ ឬច្រើនដូចខាងក្រោមនេះ៖
- ពិបាកដេកអោយលក់
- ចេះតែភ្ញាក់ពេលយប់ និងពិបាកអោយដេកលក់វិញ
- ភ្ញាក់ពេលព្រលឹមពេក
- មានអារម្មណ៍ថាអស់កម្លាំងពេកភ្ញាក់ពីដេក
ប្រភេទនៃការដេកមិនលក់
- ការដេកមិនលក់ប្រភេទ Primary Insomnia: មានន័យថា មនុស្សម្នាក់មានបញ្ហាក្នុងការដេកមួយដែលទាក់ទងផ្ទាល់ទៅនឹងបញ្ហាជំងឺផ្សេងៗរបស់គេ។
- ការដេកមិនលក់ប្រភេទ Secondary Insomnia: មានន័យថា មនុស្សម្នាក់កំពុងតែមានបញ្ហាក្នុងការដេកដោយសារតែរឿងអ្វីផ្សេងដូចជា បញ្ហាសុខភាព (ដូចជាជំងឺហឺត បាក់ទឹកចិត្ត រលាកសន្លាក់ មហារីក ឬក្រហាយដើមទ្រូង) ការឈឺចាប់ ការប្រើថ្នាំ ឬសារធាតុផ្សេងទៀតដូចជា ជាតិស្រាជាដើម។
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
