រោគសញ្ញាមួយចំនួនដែលអាចបញ្ជាក់ថាជាជំងឺរលាកសួតមានដូចជា ក្អកមានស្លេស អាចជាពណ៌បៃតង ឬលឿង, ពិបាកដកដង្ហើម, និងឈឺដើមទ្រូងនៅពេលដកដង្ហើម ឬក្អក។
រោគសញ្ញានៃជំងឺរលាកសួតអាចមានលក្ខណៈធ្ងន់ធ្ងរបានអាស្រ័យទៅលើអាយុ និងស្ថានភាពសុខភាពរបស់អ្នកជំងឺមានបញ្ហាអ្វីផ្សេងទៀតឬក៏អត់។ អ្នកដែលប្រឈមនឹងជំងឺនេះកាន់តែខ្ពស់ នឹងមានឱកាសកើតជាផលវិបាកជាច្រើនដូចជា ទឹកដក់ក្នុងស្រោមសួតជាដើម។
ជំងឺរលាកសួតគឺជាជំងឺឆ្លងមួយប្រភេទដែលកើតឡើងលើសួតតែម្ខាង ឬទាំងសងខាង។ វាច្រើនតែបណ្តាលមកពីបាក់តេរី, វីរ៉ុស ឬមេរោគផ្សិត (កម្រ)។ ពេលមេរោគបង្កជំងឺលើសួត វាអាចបង្កទៅជាការរលាក, ហើម, និងករខ្ទុះ ឬជាតិទឹកច្រើនដែលនឹងវិវឌ្ឈន៍ទៅជាមានរោគសញ្ញាយ៉ាងច្រើនរបស់ជំងឺរលាកសួតដូចជា៖
- ក្អកមានស្លេសបៃតង ឬលឿង
- ញ័រ
- ពិបាកដកដង្ហើម
- ឈឺទ្រូងពេលដកដង្ហើម ឬក្អក
- បេះដូង និងចង្វាក់ដង្ហើមដើរញ៉ាប់
- ក្តៅខ្លួន (ខ្លាំងជាង ៣៨អង្សារ)
អ្នកដែលមានជំងឺរលាកសួតក៏មានរោគសញ្ញាជាច្រើនប៉ះពាល់ដល់ផ្នែកផ្សេងៗទៀតនៃរាងកាយផងដែរដូចជា៖
- ឈឺក្បាល
- ឈឺសាច់ដុំ
- អស់កម្លាំង
- ឈឺបំពង់ក
- ក្អួតចង្អោរ
- រាគរុស
រោគសញ្ញាលើទារកទើបនឹងកើត និងមនុស្សចាស់
ជំងឺរលាកសួតមាននិន្នាការបង្កជំងឺកាន់តែធ្ងន់ធ្ងរលើទារកទើបនឹងកើត និងកូនក្មេងតូចៗ, មនុស្សចាស់ (អាយុចាប់ពី ៦៥ឆ្នាំឡើងទៅ), អ្នកមានជំងឺរ៉ាំរ៉ៃជាប់ខ្លួន និងអ្នកមានប្រព័ន្ធភាពស៊ាំចុះខ្សោយដោយសារជំងឺ ឬកត្តាផ្សេងៗ។
ចំពោះទារកទើបនឹងកើតប្រហែលជាមិនមានស្តែងចេញរោគសញ្ញារបស់ជំងឺរលាកសួត, ក្អួត, ក្តៅខ្លួន, ក្អក, ឬឈឺក្រពះនោះទេ។ ពួកគេក៏ប្រហែលជាមានបញ្ហាមិនព្រមដេក ឬមានជំងឺ, ពិបាកបៅ, អស់កម្លាំងក្នុងខ្លួន។
ចំពោះមនុស្សចាស់, អ្នកមានជំងឺធ្ងន់ធ្ងរ ឬប្រព័ន្ធភាពស៊ាំចុះខ្សោយប្រហែលជាមានរោគសញ្ញាជំងឺរលាកសួតតិចតួច និងមិនជាធ្ងន់ធ្ងរទេ។ ពួកគេប្រហែលជាសីតុណ្ហភាពទាប់ជាងធម្មតា។ បើសិនជាពួកគេធ្លាប់មានជំងឺសួតម្តងហើយ វាប្រហែលជាធ្វើអោយអាការៈនោះកាន់តែធ្ងន់ធ្ងរជាងមុន។ ចំពោះមនុស្សចាស់ដែលមានជំងឺរលាកសួត ពេលខ្លះអាចផ្លាស់ប្តូរសាតិអារម្មណ៍ភ្លាមៗដូចជា ភាន់ច្រឡំ ឬគិតអ្វីមួយមិនសូវជាច្បាស់ការ៕
