វាត្រូវបានគេគិតថា នៅពេលដែលអ្នកជួបនឹងការវាយប្រហារ របស់ជំងឺឈឺក្បាលប្រកាំង នោះសសៃឈាមនៅក្នុងខួរក្បាលរបស់អ្នក នឹងមានការរីកធំ ដែលនឹងធ្វើអោយ មានការឈឺចាប់ជាខ្លាំង នៅក្នុងក្បាលរបស់អ្នក។
ឥលូវនេះយើងបានដឹង តាមរយៈការស្រាវជ្រាវនៅក្នុងពេលថ្មីៗនេះថា ជំងឺឈឺក្បាល ប្រកាំង គឺជាជំងឺតំណរពូជផ្នែកប្រព័ន្ធប្រសាទ ដែលអាច ឬ មិនអាចចូលរួមពីធាតុផ្សំរបស់ សសៃឈាមនោះទេ ។
មានមនុស្សជាច្រើន មិនបានដឹងនោះទេ ថាហេតុអ្វីបានជាគេមានជំងឺឈឺក្បាលប្រកាំងនេះ ប៉ុន្តែវា អាចមានឬសគល់ជាច្រើនយ៉ាង ដែលធ្វើអោយអ្នក ហាក់នឹងប្រឈមទៅនឹងការវាយប្រហារ របស់ជំងឺឈឺក្បាលប្រកាំងនេះ។
ប្រភពឬសគល់នៃមូលហេតុទាំងនោះ មានដូចជា៖
១. ការជក់បារី និង ផ្សែងបារី
២. អាហារមួយចំនួន ដូចជា៖ ហ្វ្រូម៉ាស់, ស៊ុកកូឡា, ដូង, សាច់កំប៉ុង ។ល។
៣. កង្វះខាតនូវការធ្វើលំហាត់ប្រាណ
៤. មិនទទួលទានអាហារអោយបានទៀងពេល
៥. កត្តាអាកាសធាតុ
៦.ការផ្លាស់ប្តូរម៉ោង គម្រូនៃការគេង
៧. ការប្រែប្រួលមិនទៀងទាត់ នៃកម្រិតអរម៉ូននៅក្នុងខ្លួន៕
