Join with Health.com.kh on Telegram

តើ​អ្នក​មាន​ធ្លាប់​ដែល ឃើញ​នូវ​បន្លែ​ពណ៌​បៃតង​ស្រស់​ម្យ៉ាង ដែល​ភាគច្រើន​គេ​តែង​ប្រើ​វា យកមក តាក់តែង​លម្អ​លើ​អាហារ និង ធ្វើអោយ​វា​មាន​ក្លិន​ឈ្ងុយ​ដែរ​ទេ​?

​នោះ​គឺ ជី​វ៉ាន់ស៊ុយ វា​មិន​ត្រឹមតែ​ផ្តល់ គុណ​សម្បតិ្តដូច​ដែល​បាន​និយាយ​នេះ​ទេ ជា​ការពិត​វា​បាន​ផ្តល់​នូវ អត្ថប្រយោជន៍​ចំពោះ​សុខភាព ផ្សេងៗ គ្នា​ជា​ច្រើន​ទៀត ចំពោះ​រាងកាយ​។ តើ​អ្នក​ចង់​ដឹង​ទេ​ថា ពួក​វា​មាន​អ្វីខ្លះ​? ដូច្នេះ​សូម​បន្ត​អាន​នូវ ចំណុច ដូចខាងក្រោម​នេះ ៖

១. វា​ការពារ​បាន នូវ​ជំងឺ​មហារីក​
     សមាសធាតុ​សិរី​រាង្គ ដែល​មាន​នៅក្នុង​ជី​វ៉ាន់ស៊ុយ​ត្រូវបាន​គេ​ហៅថា myristicin ។ សមាសធាតុ​នេះ គឺ បាន​ជួយ​នៅក្នុង ការ​បឈ្ឈប់​នូវ​ការក​កើត​នៃ​ដុំ​សាច់ នៅក្នុង​សួត​។ វា​ក៏​ជួយ​ក្នុង​ការរក្សា នូវ​លំនឹង​នៃ ភ្នាក់ងារ​បណ្តាលអោយមាន​ជំងឺមហារីក ដែល​មាន​វត្តមាន​នៅក្នុង​ផ្សែង​បារី​បាន​ផង​ដែរ​។ គឺថា វា​ជួយ​ការ ពារ បាន​នូវ​ជំងឺមហារីក​ពោះវៀន និង ជំងឺមហារីក​ក្រពេញប្រូ​ស្តាត​។ ទន្ទឹមនឹងនេះ ជី​វ៉ាន់ស៊ុយ​ក៏មាន​ផ្ទុក ផងដែរ​នូវ សារជាតិ​វីតាមីន C ដែល​វា​មាន​ទំនួល​ខុស​ត្រូវ ក្នុង​ការបំផ្លាញ​ដល់​ពពួក​រ៉ាឌីកាល់​សេរី នៅក្នុង ខ្លួន ដែល​នឹង​អាច​បណ្តាល​អោយ​អ្នក មាន​ជំងឺ​មហារីក​បាន ។​

២. វា​មាន​នូវ​សមាសធាតុ​ប្រឆាំងនឹង ការ​រលាក​
     ជី​វ៉ាន់ស៊ុយ​មាន​ផ្ទុក​នូវ សារជាតិ luteolin, flavonoid  និង វីតាមីន C ដែល​ពួក​វា​ទាំងនេះ​គឺជា ភ្នាក់ងារ ប្រឆាំង​នឹង​ការ​រលាក​បាន យ៉ាង​មាន​ប្រសិទ្ធិភាព​។ ពួក​វា​មាន​ទំនួល​ខុស​ត្រូវ ចំពោះ​ការបង្ការ​នូវ ឱនភាព​នៃ​ឆ្អឹង ហើយ​ដូច្នេះ​ដែរ ពួក​វា​ក៏​អាច​ជួយ​អោយ អ្នក​ជៀសវាង​បាន​ផងដែរ​នូវ ភាពមិនប្រក្រតី​មួយចំនួន មានដូចជា ការឈឺ​គន្លាក់​ឆ្អឹង និង រោគ​រលាក​សន្លាក់​ជាដើម ។​

៣. វា​ធ្វើអោយ​ប្រព័ន្ធ​ភាព​សុំ​ា មាន​ភាពល្អប្រសើរ​ឡើង​
    ជី​វ៉ាន់ស៊ុយ​មាន​ផ្ទុក​នូវ វីតាមីន A និង វីតាមីន C ដែល​ពួក​វា​ជា​កត្តា​ជម្រុញ​ដ៏​មាន​សក្តានុពល ដែល​នឹង ធ្វើអោយ​ប្រព័ន្ធ​ភាព​សុំា​អ្នក មាន​សុខភាព​ល្អ​ប្រសើរ​បាន​។ វីតាមីន A ពង្រឹង​ដល់​សុខភាព​ពោះវៀន​, បំពង់​បង្ហួរនោម និង ប្រព័ន្ធ​ដង្ហើម និង ស្រទាប់​នៃ​កែវភ្នែក​។ ទន្ទឹមនឹងនេះ​វីតាមីន A ជួយ​ដល់ កោសិកា ឈាម​ស នៅក្នុង​រាងកាយ អោយ​មាន​ការវិវត្តន៍ ដើម្បី​ប្រឆាំង​នឹង​ការ បង្ក​រោគ​។ ម្យ៉ាងវិញទៀត វីតាមីន C គឺ​មាន​អត្ថប្រយោជន៍​ចំពោះ ការវិវត្តន៍​នូវ​សារជាតិ​កូឡា​ហ្សែ​ន ហើយ​វា​នឹង​មាន​សារៈប្រយោជន៍ ចំពោះ រាងកាយ​ទាំងមូល តាម​ដែល​វា​គឺជា ជាលិកា​សន្ធាន​។​

៤. វា​ជួយ​ព្យាបាល​ដល់​ក្រពះ​ដែល​មាន​បញ្ហា​
    ជី​វ៉ាន់ស៊ុយ គឺ​មាន​តម្លៃ​ចំពោះ​ការព្យាបាល​ដល់ ក្រពះ​ដែល​មាន​បញ្ហា​។ លើសពីនេះទៅទៀត វា​ក៏​ជួយ បង្កើន​នូវ​ចំណង់​នៃ​ការ ទទួលទាន​អាហារ​របស់​អ្នក​បាន​ផង​ដែរ​។ ជាថ្មី​ម្តងទៀត វីតាមីន C ជួយ​ក្នុង​ការ​បឺត​ស្រូប យកជាតិ​ដែក នៅក្នុង​រាងកាយ​។ វា​ក៏​បាន​ដើរតួ​ផងដែរ​ជា ថ្នាំ​បញ្ចុះ​ទឹកនោម និង ជួយ​យក​ចេញ​នូវ សារជាតិ​ទឹក​ដែល​លើស ចេញពី​រាងកាយ​របស់​អ្នក​។ ដូច្នេះ វា​គឺ​មាន​អត្ថប្រយោជន៍ ក្នុងការ​សម្រាល​នូវ រោគ​រលាក​សន្លាក់​របស់​អ្នក​បាន​។​

៥. វា​ធ្វើអោយ​បេះដូង​របស់​អ្នក​មាន​សុខភាព​ល្អ​
    ជី​វ៉ាន់ស៊ុយ ជួយ​ក្នុង​ការ​បន្សុទ្ធ​ឈាម និង ជួយ​ផងដែរ ដល់​ការកាត់បន្ថយ​កម្រិត​កូ​ឡេ​ស្តេ​រ៉ូល​នៅក្នុងឈាម​។ វា​ជួយ​ធ្វើអោយ ចរន្តឈាម​រត់នៅ​ក្នុង​រាងកាយ មាន​ដំណើរការ​បាន​ល្អ​ប្រសើរ និង បង្ការ​បាន​ផង​ដែរ នូវ​ការ​ប្រឈម​ទៅ​នឹង​ជំងឺ​បេះដូង​។ ហើយ​ជា​ចុងក្រោយ​នោះ​គឺថា វា​អាច​ធ្វើអោយ​បេះ ដូង​របស់​អ្នក មាន​សុខភាព​ល្អ​ប្រសើរ​បាន​។​

៦. វា​ជួយ​អោយ​ឆ្អឹង​រឹងមាំ​
     បរិមាណ​ដ៏​គ្រប់គ្រាន់​នៃ វីតាមីន K  ត្រូវបាន​រកឃើញ​នៅក្នុង​ជី​វ៉ាន់ស៊ុយ ដែល​វា​នឹង​អាចជួយ ក្នុង​ការពង្រឹង​ដល់​សុខភាព​ឆ្អឹង​របស់​អ្នក​បាន​។ ហើយ​ជា​លទ្ធផល​នោះ​គឺថា​វា​អាច​ជួយ​ការពារ បាន​នូវ​ការឈឺ ចាប់​នៅ​ក្នុង​សន្លាក់ និង ជំងឺ​រលាក​សន្លាក់​បាន​។​

៧. វា​ជួយ​អោយ​មុខរបួស​ឆាប់​ជា​សះស្បើយ​
     ជី​វ៉ាន់ស៊ុយ គឺជា​ភ្នាក់ងារ​ប្រឆាំង​នឹង​បាក់តេរី បាន​តាម​បែប​ធម្មជាតិ​។ ដូច្នេះ ក្នុង​ករណី​នៃ​ការ​ដាច់ រលាត់​,​ជាំ និង មុខរបួស​ផ្សេងៗ នោះ​ការបិត​នូវ ជី​វ៉ាន់ស៊ុយ​ដែល​ចិញ្ច្រាំ​អោយ​ម៉ត់  នៅលើ​មុខរបួស គឺ​អាច​នឹង​អោយ​មុខរបួស ឆាប់​ជា​សះស្បើយ​បាន​។​

៨. វា​ការពារ​នូវ​ជំងឺ​អន់ថយ​នៃ​កែវភ្នែក​
    ជី​វ៉ាន់ស៊ុយ ក៏​អាច​ការពារ​បាន​ផងដែរ​នូវ ការបាត់បង់​នូវ​ការមើលឃើញ ដែល​មាន​ទំនាក់ទំនង ទៅនឹង កត្តា​អាយុ​។ នេះ​ក៏​ព្រោះ​ដោយសារ​តែ​វា មាន​ផ្ទុក​នូវ សមាសធាតុ​ប្រឆាំងនឹង​ប្រតិកម្ម​អុកស៊ីត ក៏​រួម​ផងដែរ នូវ​ការបិទបាំង​បាន​នូវ កាំរស្មីអ៊ុ​លត្រា​វី​យូ​ឡែត ។​

៩. វា​ប្រយុទ្ធប្រឆាំង​នឹង​ជំងឺ​កង្វះ​ឈាម​ក្រហម​
     ជី​វ៉ាន់ស៊ុយ គឺជា​ប្រភព​ដ៏​ល្អ​នៃ​ពពួក​សារជាតិ​ដែក​។ ដូច្នេះ ចំពោះ​អ្នក​ទាំងឡាយ​ណា ដែល​កំពុង​ទទួល​រង​គ្រោះ​ពី ជំងឺ​កង្វះ​ឈាម​ក្រហម គួរតែ​បញ្ចូល​នូវ​បន្លែ​ប្រភេទ​នេះ ទៅ​ក្នុង​របប​អាហារ​ជា​ប្រចាំ​ថ្ងៃ របស់​ពួកគេ ហើយ​រួម​ផងដែរ​ចំពោះ​អ្នក​ទាំងឡាយ​ណា ដែល​ចង់​បង្ការ​នូវ ជំងឺ​កង្វះ​គ្រាប់​ឈាមក្រហម នេះ ។​

១០. វា​ជួយ​ព្យាបាល​ដល់​ការបង្ក​រោគ នៅក្នុង​ត្រចៀក​
     ជី​វ៉ាន់ស៊ុយ ក៏​ត្រូវបាន​គេ​ដឹង​ផង​ដែរ​ថា វា​អាច​ជួយ​ព្យាបាល​ចំពោះ អ្នក​ទាំងឡាយ​ណា ដែល​បាន​រង គ្រោះ​ពី​ជំងឺ​ថ្លង់​។ វា​ក៏​អាច​ជួយ​បាន​ផងដែរ ចំពោះ​ការ​ព្យាបាល​ដល់ ការបង្ក​រោគ​ផ្សេងៗ​នៅក្នុង​ត្រចៀក ៕