ការបង្ការជំងឺរាគដោយសារវីរ៉ុស
ចូរឧស្សាហ៍លាងដៃរបស់អ្នកដើម្បីបង្ការការរាតត្បាតរបស់ជំងឺរាគដែលបង្កដោយវីរ៉ុស។
ចូរប្រាកដថា អ្នក ឬកូនរបស់អ្នកកំពុងតែលាងដៃបានយ៉ាងល្អិតល្អន់ជានិច្ច៖
-ឧស្សាហ៍លៀងដៃ៖ ចូរលាងដៃរបស់អ្នកក្រោយពីរៀបចំអាហាររួច, កាន់សាច់ដែលមិនទាន់ចំអិន, ចូលបន្ទប់ទឹក, ប្តូរខោទឹកនោម, ក្រដាស, ក្អក និងញីច្រមុះ។
- ចូរប្រើសាប៊ូលាងយ៉ាងហោចណាស់ក៏ ២០វិនាទីដែរ៖ ក្រោយពីដាក់សាប៊ូដុសនៅដៃហើយ ចូរញីដៃរបស់អ្នកទាំងពីរយ៉ាងហោចណាស់ ២០វិនាទី។
- ប្រើទឹកសម្រាប់លាងដៃនៅពេលមិនអាចមានទឹកធម្មតាលាងបាន៖ ចូរប្រើទឹកលាងដៃពិសេសដែលមានជាតិអាលកុលនៅពេលអ្នកមិនអាចរកទឹកធម្មតាបាន។ ចូរដាក់វានៅលើដៃដូចលាបឡូហ្ស៊ិនអញ្ជឹង ហើយចូរប្រាកដថាអ្នកបានញីវាសបគ្រប់ទាំងអស់ទាំងបាតដៃ និងខ្នងដៃទាំងសងខាងហើយ។ ចូរប្រើផលិតផលបែបនេះលាងដៃយ៉ាងហោចណាស់ក៏មានជាតិអាលកុល ៦០ភាគរយដែរ។
ការបង្ការជំងឺរាគពីអាហារកុំឱ្យមានមេរោគ
- ប្រើប្រាស់អាហារអោយបានត្រឹមត្រូវ ឬរក្សាវាក្នុងទូរទឹកកកក្រោយពីចំអិន ឬកម្តៅរួច។ ការទុកអាហារនៅខាងក្រៅអាចជម្រុញអោយមានការលូតលាស់បាក់តេរីបាន។
- លាងសម្អាតកន្លែងផ្ទះបាយអោយបានញឹកញាប់ដើម្បីចៀសផុតពីការរាតត្បាតមេរោគពីអាហារមួយទៅអាហារមួយទៀត។ ចូរលាងដៃ និងរបស់របរក្នុងផ្ទះបាយអោយបានច្រើនដងក្នុងពេលរៀបចំអាហារ។
ការបង្ការការរាគនៅពេលធ្វើដំណើរ
ជំងឺរាគច្រើនតែកើតមានជាញឹកញាប់លើមនុស្សដែលធ្វើដំណើរទៅកាន់ប្រទេសកំពុងអភិវឌ្ឈន៍ ដែលវាពេលខ្លះបណ្តាលមកពីការកង្វះអនាម័យ និងអាហារ ព្រមទាំងទឹកមានមេរោគ។ ដើម្បីកាត់បន្ថយការប្រឈមមុខគួរតែ៖
- មើលអ្វីដែលអ្នកញ៉ាំ៖ ចូរញ៉ាំអាហារដែលក្តៅ ឬចំអិនបានល្អ។ ចូរចៀសវាងផ្លែឈើ និងបន្លែឆៅ លុះត្រាតែអ្នកអាចបកសម្បករបស់វាដោយខ្លួនឯងបាន។ ជាមួយគ្នានេះដែរ ចូរចៀសវាងសាច់ឆោ ឬសាច់មិនទាន់ឆ្អិនល្អ និងអាហារធ្វើពីទឹកដោះគោ។
- មើលអ្វីដែលអ្នកផឹក៖ ចូរញ៉ាំទឹកច្រកក្នុងដបត្រឹមត្រូវ, ទឹកសូដា, ស្រាបៀរ, ឬស្រាដែលមានការវិចខ្ចប់ត្រឹមត្រូវ។ ចូរចៀសវាងទឹកចេញពីក្បាលរ៉ូមីណេ និងទឹកកកដុំ។ ចូរប្រើទឹកកច្រក្នុងដបជានិច្ចទោះបីជាអ្នកប្រើដើម្បីដុសធ្មេញក៏ដោយ។ ចូរបិតមាត់ខណៈពេលកំពុងតែងូតទឹកផ្កាឈូក។ ភេសជ្ជៈដែលបានមកពីការចំអិនដូចជា កាហ្វេ និងតែ ប្រហែលជាមានសុវត្ថិភាព។ ចូរចាំថា ស្រា និងជាតិកាហ្វេអ៊ីនអាចធ្វើអោយការរាគ និងខ្សោះជាតិទឹកកាន់តែខ្លាំង។
- ចូរសុំគ្រូពេទ្យដើម្បីប្រើថ្នាំអង់ទីបីយ៉ូទិច៖ បើសិនជាអ្នកកំពុងតែធ្វើដំណើរទៅប្រទេសកំពុងអភិវឌ្ឈន៍ក្នុងរយៈពេលណាមួយ ចូរសុំគ្រូពេទ្យដើម្បីចាប់ផ្តើមប្រើថ្នាំអង់ទីបីយ៉ូទិចមុនពេលអ្នកធ្វើដំណើរ ព្រោះវាអាចកាត់បន្ថយការប្រឈមមុខនឹងជំងឺរាគបាន៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
