Join with Health.com.kh on Telegram

ភ្នែក​គឺជា ជា​ផ្នែក​មួយ​នៃ​សិរី​រាង្គ​ដ៏​សំខាន់​របស់​មនុស្ស​ដែល​ខ្វះ​មិនបាន​។ ក្រៅ​ពី​ការប្រើប្រាស់​វា ដ៏​មាន​ប្រយោជន៍ អ្នក​ក៏​គួរតែ​យកចិត្តទុកដាក់ និង ចាត់វិធានការណ៍​ថែទាំ​វា​អោយបាន​ល្អ​ផង​ដែរ​។

ខាងក្រោម​នេះ គឺជា​គន្លឹះ​ងាយៗ​ក្នុង​ការអនុវត្ត​ដើម្បី​អោយ​ភ្នែក​ទាំង​គូរ របស់​អ្នកមាន​សុខភាព​ល្អ ៖

១.​ត្រូវ​ទុក​ភ្នែក​ឱ្យ​បាន​សម្រាក ជា​ការ​ប្រសើរ​បំផុត​នៅពេល​ដែល​អ្នក​បាន​ទុក​ភ្នែក​របស់​អ្នក​ឱ្យ​បាន​សម្រាក បាន​ខ្លះ ឬ​អ្នក​អាច​យក​ចំណិត​ត្រសក់​មក​បិទ​លើ​ភ្នែក ទុក​ចោល​ក្នុង​រយៈពេល​១០ ទៅ​២០​នាទី​ដើម្បីឱ្យ​ភ្នែកមាន​ភាព​ត្រជាក់​។​
២. មា​ស្ស៉ា អ្នក​អាច​ប្រើ​ប្រេងដូង​លើ​ស្នាម​ខ្មៅ​ជុំវិញ​ភ្នែក ជា​វិធី​អាច​ជួយ​លុបបំបាត់​ស្នាម​ខ្មៅ​នោះ​បាន​។​វិធី​មួយទៀត យក​ដំឡូង​កិន​ឲ្យ​ម៉ត់ លាយ​ជាមួយ​ទឹក​ក្រូចឆ្មារ​ដោយ​ប្រើ​បរិមាណ​ប៉ុន​គ្នា មក​លាប​លើ​ចំណុច​ស្នាម​ខ្មៅ បន្ទាប់​មក​ទុក​២៥​នាទី ទើប​លាង​ចេញ​។ នេះ​ជា​វិធី​ដ៏​មាន​ប្រយោជន៍​ដើម្បី​លុបបំបាត់​ស្នាម​ខ្មៅ​ជុំវិញ​ភ្នែក​។​
៣. លុបមុខ​ដោយ​ប្រើ​ទឹកអំបិល អាច​ជួយ​ឲ្យ​ភ្នែក​ស្រលះ​និង​មាន​ពន្លឺ​ស្រស់​ស្រាយ​។​
៤. មើល​ទូរទស្សន៍​នៅ​កន្លែង​មាន​ពន្លឺ កុំ​មើល​ទូរទស្សន៍ ឬ ធ្វើការ​មុខ​កុំព្យូទ័រ​នៅ​ទី​ងងឹត​។ ត្រូវ​រក្សា​នូវ​តុល្យភាព​ពន្លឺ ព្រោះ ពន្លឺ​ភ្លឹបភ្លែតៗ ដែល​ជះ​ចេញពី​កញ្ចក់​ទូរទស្សន៍ ឬ​កុំ​ព្យូរទ័​អាច​ធ្វើឲ្យ​ប៉ះពាល់​ដល់​ភ្នែក ហើយ​អាច​បណ្តាលឱ្យ​ភ្នែក​ឆាប់​ខូច​។​
៥. ការចូល​គេង​យឺត​និង​ការ​ខំ​សម្លឹង នៅពេល​ដែល​អ្នក​ចូល​គេង​យឺត​វា​អាច​ធ្វើឲ្យ​មាន​ស្នាម​ខ្មៅ​ជុំវិញ​ភ្នែក ព្រមទាំង​ធ្វើឲ្យប៉ះពាល់​ដល់​សុខភា​ពភ្នែក​យ៉ាងខ្លាំង​ទៀតផង​។ ប្រការ​ដែល​សំខាន់​អ្នក​គួរតែ​សម្រាក​ឱ្យបាន​គ្រប់គ្រាន់ ទទួលទាន​ផ្លែឈើ​និង​ទឹក​ឱ្យ​ច្រើន នេះ​ជា​ការប្រសើរ​បំផុត​៕