ការរលូតកូន គឺជាការបាត់បង់នូវគភ៌ មុនរយៈពេល ២០សប្តាហ៍នៃការមានផ្ទៃពោះ។ អំប្រ៊ីយ៉ូ ឬ គភ៌ គឺ មិនអាចរស់នៅដោយខ្លួនវាបាន នៅខាងក្រៅស្បូន ក្នុងរយៈពេលដំបូងនៃការពរពោះនេះទេ។ ពាក្យ បច្ចេកទេសសម្រាប់ផ្នែកវេជ្ជសាស្ត្រ សម្រាប់ពាក្យថារលូតកូន នេះគឺការរលូតកូន ដែលកើតមានដោយ ឯកឯង។
ភាគច្រើននៃស្ត្រីដែលធ្លាប់ បានជួបប្រទះនឹងបញ្ហានេះ គឺមិនបានដឹងថា វាមានលក្ខណៈជាទូទៅនោះ ទេ។ រាល់ការមានគភ៌ក្នុងចំណោម ១០ករណី គឺមាន ១ ឬ ២ករណីដែលត្រូវប្រឈមនឹងការរលូតនេះ ។ ការរលូតកូន គឺហាក់កើតមានជាទូទៅបំផុត នៅក្នុងរយៈពេលដំបូងនៃការមានផ្ទៃពោះ ជាការពិត គឺមាន ៨ ក្នុងចំនួន ១០ករណី គឺថា ការរលូតអាចនឹងកើតមាននៅក្នុង រយៈពេល៣ខែដំបូងនៃការពរពោះ ។
តើកត្តាអ្វីខ្លះ ដែលធ្វើអោយស្ត្រីប្រឈមនឹងការរលូតកូន ?
ប្រសិនបើអ្នកធ្លាប់មានការរលូតកូន នោះអ្នកប្រហែលជាបានឆ្ងល់ហើយថា ហេតុអ្វីបានជាវាកើតមាន ដូចនេះ? មានស្ត្រីខ្លះ បានធ្វើការស្តីបន្ទោសខ្លួនឯង សម្រាប់ការជួបនឹងបញ្ហានេះ។ ប៉ុន្តែ ការរលូតកូន ដែលបណ្តាលមកពីស្ត្រីមានផ្ទៃពោះខ្លួនឯងបានធ្វើនោះ គឺមានជាកម្រណាស់។ ការរួមភេទ, ហាត់ប្រាណ ការដួលក្នុងកម្រិតស្រាល និង ភាគច្រើននៃការប្រើឱសថ គឺមិនបានបណ្តាលអោយមានការរលូតកូន នោះទេ។
វាប្រហែលជាអាច មានភាពពិបាកបន្តិច សម្រាប់អ្នកផ្តល់សេវាថែទាំផ្នែកសុខភាព ក្នុងការស្វែងរកនូវ មូលហេតុជាពិសេសណាមួយ ដែលនាំអោយមានការរលូតកូន នេះកើតមាន។ ប៉ុន្តែយើងអាចដឹងបាន នូវកត្តាមួយចំនួន ដែលធ្វើអោយការលូតកូន ហាក់ងាយនឹងកើតមានបានជាទូទៅ ៖
- អំប្រ៊ីយ៉ូ ឬ គភ៌ មាននូវក្រម៉ូសូម ដែលធ្វើអោយវា មានការវិវត្តមិនប្រក្រតី។ ជាធម្មតាវាមិនមែន ជាសញ្ញា នៃស្ថានភាពដែលអាចធ្វើអោយមានបញ្ហា ចំពោះការមានគភ៌នៅក្នុងថ្ងៃអនាគតនោះទេ ។ គឺថា ជាទូទៅវាកើតមានដោយចៃដន្យ នៅពេលដែលស៊ុតបង្កកំណើត ធ្វើការបែងចែក និង រីក លូតលាស់។ បញ្ហានេះ យ៉ាងហោចណាស់គឺបានធ្វើអោយមានការរលូត កើតមានបានដល់ទៅ ៥០ភាគរយ។
- ការប្រឈមរបស់ស្ត្រីទៅនឹងការគម្រាមរលូត គឺកើនឡើងទៅតាមអាយុ។
- ស្ថានភាពនៃជំងឺស្ថិតក្នុងភាពរុំារ៉ៃខ្លាំង មានដូចជា ជំងឺទឹកនោមផ្អែម ដែលមិនអាចធ្វើការគ្រប់គ្រង បាន, ជំងឺរលាកគន្លាក់ឆ្អឹង ឬ ជំងឺរបេង ក៏អាចបណ្តាលអោយមានការរលូតកូននេះបានផងដែរ។
- ទទួលរងការប៉ះទង្គិចធ្ងន់ធ្ងរ និងមានការចម្លងរោគក្នុងកម្រិតខ្លាំងក្លា ក៏អាចនាំអោយមាននូវ បញ្ហានេះដែរ។
- ភាពមិនប្រក្រតីដែលកើតមាននៅក្នុងស្បូន មានដូចជាជាលិកាស្នាមសន្លាក ឬ ដុំសាច់នៅក្នុង ស្បូន ក៏អាចនឹងបណ្តាលអោយមានការរលូត នៅក្នុងរយៈពេលក្រោយមកទៀត បន្ទាប់ពីរយៈ ពេលបីខែនៃការពរពោះ។
- ការជក់បារី, ផឹកស្រា ឬ ជាតិកូកាអ៊ីន និង ការទទួលទាននូវ ជាតិកាហ្វេអ៊ីនក្នុងបរិមាណច្រើន ជ្រុល គឺសុទ្ធតែមានទំនាក់ទំនងនឹងការរលូតកូននេះ ។
- ស្ត្រីទាំងឡាយណា ដែលលើសទម្ងន់ ឬ ស្គមពេក គឺអាចប្រឈមនឹងបញ្ហានេះ ច្រើនជាង ស្ត្រីដទៃៗទៀត។
- ស្ត្រីដែលធ្លាប់មានប្រវត្តិនៃការរលូតកូន រយៈពេលពីរដង ឬ ច្រើនជាងនេះក្នុងពេលបន្តបន្ទាប់ ក៏ស្ថិតក្នុងការប្រឈមដ៏ខ្ពស់ នៃការរលូតកូនក្នុងពេលអនាគតទៀត បានផងដែរ។
តើអ្វីខ្លះជាសញ្ញានៃការរលូតកូន ?
សញ្ញា នៃការរលូតកូនដែលអាចនឹងកើតមាន រួមមានដូចជា៖
- មានការហូរឈាម ឬ ធ្លាក់ឈាមបន្តិចៗ នៅទ្វារមាស។
- មានការឈឺពោះយ៉ាងធ្ងន់ធ្ងរ។
- មានការរមួលក្រពើខ្លាំង។
- ឈឺស្ទំៗ ចុករោយចង្កេះ,មានសម្ពាធ ឬ ឈឺចាប់។
- មានការផ្លាស់ប្តូរ នូវការធ្លាក់សតាមទ្វារមាស។
សញ្ញាទាំងនេះអាចនឹង បណ្តាលអោយមាននូវ ស្ថានភាព ដែលនឹងមិនសូវមាននូវភាពធ្ងន់ធ្ងរ ដូច ការរលូតកូន។ ប៉ុន្តែអ្នកគួរតែទៅអោយអ្នក ផ្តល់សេវាថែទាំសុខភាពរបស់អ្នក ធ្វើការពិនិត្យអោយបាន ត្រឹមត្រូវ ដើម្បីរក្សាបាននូវសុវត្ថិភាព ៕
