រាល់ប្រភេទស្ត្រេសទាំងអស់មិនថាទាក់ទងនឹងការងារ ឬលុយកាក់ ឬបញ្ហាបុគ្គលឡើយ សុទ្ធតែធ្វើអោយអារម្មណ៍របស់អ្នកមិនអាចទទួលបាននូវភាពស្រើបស្រាលក្នុងពេលរួមភេទឡើយ។
ស្ត្រេសធ្វើអោយថយចុះរាល់សកម្មភាពផ្លូវភេទ។ វាគឺជាស្ថានភាពមួយដែលមនុស្សម្នាក់កង្វះរាល់ចំណង់ផ្លូវភេទគ្រប់ប្រភេទ។ នៅពេលអ្នកស្ត្រេស រាងកាយរបស់អ្នកត្រូវបញ្ចេញសារធាតុ Adrenaline និង Cortisol ដើម្បីទទួលខុសត្រូវចំពោះស្ថានភាពរបស់អ្នក។ ប្រតិកម្មបែបនេះបណ្តាលអោយសរសៃឈាមអាក់ទែរួមតូច និងកាត់បន្ថយលំហូរឈាម នោះហើយទើបធ្វើអោយចំណង់ផ្លូវភេទថយចុះ។ វាក៏បង្ការកុំអោយមានការប្រទាក់ក្រឡាគ្នានៃអ័រម៉ូនសិចផងដែរ។
នៅពេលមនុស្សយើងស្ត្រេស ពួកគេទំនងជាទៅផឹកស្រា, ជក់បារី, បណ្តោយខ្លួនអោយញ៉ាំអាហារច្រើនៗ និងធ្វើអាកប្បកិរិយាផ្សេងៗដែលគ្មានប្រសិទ្ធភាព។ រាល់កត្តាអស់ទាំងនេះសុទ្ធតែទៅបន្ថយចំណង់ផ្លូវភេទបានទាំងអស់។ ស្រា និងសារធាតុ Nicotin ដែលមានក្នុងបារី វាទៅរំខានដល់ការផលិតអ័រម៉ូនសិចដូចជា Testosterone លើមនុស្សប្រុស និង Progesterone លើមនុស្សស្រី។ ការផលិតតិចតួចនៃអ័រម៉ូនទាំងនេះមានផលប៉ះពាល់ទៅលើសកម្មភាពផ្លូវភេទ និបណ្តាលអោយមានបញ្ហាផ្លូវភេទទាំងបុរស និងស្ត្រី។
ស្ត្រេសទៅបញ្ចុះកម្លាំងផ្លូវភេទរបស់អ្នក ដែលជាហេតុនាំអោយអស់កម្លាំងយ៉ាងខ្លាំង។ វាធ្វើអោយអ្នកមានអារម្មណ៍ថាគ្មានថាមពល និងបាក់ទឹកចិត្ត។ វាក៏ប៉ះពាល់ទៅលើការសកម្មភាពក្នុងការច្របាច់បេះដូងដែរ ដូច្នេះទើបបណ្តាលអោយរបត់ឈាមរត់ទៅកាន់សរីរាង្គប្រដាប់បន្តពូជថយចុះ។ វាមានឥទ្ធិពលនៃការពន្យាពេលស្រើបស្រាលខាងផ្លូវភេទ។
ស្ត្រេសទៅរំខានដល់សកម្មភាពអ័រម៉ូនដែលវានាំអោយកើតជាជំងឺបាក់ទឹកចិត្ត, ដេកមិនលក់, បាត់បង់ចំណង់អាហារ និងចំណង់ផ្លូវភេទ។ សម្រាប់ស្ត្រី សកម្មភាពនៃអ័រម៉ូន Vasopressin អាចប៉ះពាល់ក្នុងពេលដេកមិនលក់ដែរ។ រឿងនេះអាចកាត់បន្ថយចំណង់ផ្លូវភេទបាន។ ស្ត្រេសបណ្តាលអោយញ៉ាំអាហារច្រើនៗ ឬមិនឃ្លានអាហារតែម្តង។ ការញ៉ាំអាហារច្រើនៗពេកអាចធ្វើអោយឡើងទម្ងន់ដែលអាចអោយទៅជាមានងអារម្មណ៍អស់សង្ឃឹម និងមិនទទួលយកការស្រលាញ់។ ការអត់ឃ្លានអាហារធ្វើអោយមានការផលិត Neuropeptide Y ដែលជាសារធាតុគីមីក្នុងខួរក្បាលសម្រាប់បន្ថយចំណង់ផ្លូវភេទ។
ស្ត្រេសទៅកាន់តបន្ថយការស្រលាញ់ខ្លួនឯង។ វាទៅរំខានទំនុកចិត្តលើខ្លួនឯង និងធ្វើអោយអ្នកមានអារម្មណ៍គ្មានភាពទាក់ទាញ និងមិនសប្បាយចិត្ត។ អារម្មណ៍តិចតួចទៅលើរូបរាងកាយផ្លូវភេទក៏អាចអោយថយចុះទៅលើការចង់រួមភេទដែរ។ អ្នកអាចកាត់បន្ថយស្ត្រេសបានតាមរយៈការបន្ធូរអារម្មណ៍ ឬតាំងសមាធិ។
ទោះបីជាការរួមភេទគឺជាមធ្យោបាយដ៏អស្ចារ្យមួយសម្រាប់កាត់បន្ថយអាការៈស្ត្រេស និងបាក់ទឹកចិត្តក៏ដោយ វាមានទំនាក់ទំនងគ្នាដោយប្រយោលដែរ។ ជីវិតផ្លូវភេទដ៏មានសុខភាពល្អមួយជាមួយនឹងការឧស្សាហ៍រួមភេទអាចកាត់បន្ថយស្ត្រេសបាន ហើយការកាត់បន្ថយស្ត្រេសក៏អាចធ្វើអោយមនុស្សមានអារម្មណ៍ចង់រួមភេទញឹកញាប់ដែរ។ អ្នកអាចពង្រឹងជីវិតផ្លូវភេទរបស់អ្នកតាមរយៈការថែរក្សារបៀបរស់នៅដែលដែលគ្មានស្ត្រេស និងទៅទទួលយកការប្រឹក្សាបើសិនជាចាំបាច់។
ចូរនិយាយដោយបើកចំហរអំពីការព្រួយបារម្ភ និងការថប់អារម្មណ៍របស់អ្នកជាមួយដៃគូ។ ការធ្វើបែបនេះនឹងជួយពង្រឹងដល់ទំនាក់ទំនង របស់អ្នក និងកាត់បន្ថយស្ត្រេសបានទៀត។ជូនពរអ្នកអោយមានជោគជ័យឡើងវិញនៅក្នុងជីវិតលើគ្រែនេះ៕
