ការសិក្សាមួយនៅសហរដ្ឋអាមេរិកបានបង្ហាញអោយដឹងថា គូរស្វាមីភរិយាជាច្រើនមានការប្រឈមមុខជំងឺគាំងបេះដូង ដាច់សរសៃឈាមខួរក្បាល មហារីក និងរលាកសួតតិចជាងអ្នកដែលមិនទាន់រៀបការ។
ការសិក្សាអំពីមរណភាពខ្សែបណ្តោយថ្នាក់ជាតិ (The National Longitudinal Mortality Study, NLMS) ដែលបានធ្វើការតាមដានទៅលើប្រជាជនអាមេរិកច្រើនជាង ១លាននាក់តាំងពី ១៩៧៩មកនោះ បានបង្ហាញអោយដឹងថា ស្ត្រីដែលរៀបការរួចទំនងជាមានអត្រាស្លាប់តិចជាង២០ភាគរយដោយសារតែជំងឺដូចជា មហារីកក្រពេញអូវ៉ែរ និងជំងឺក្រិនថ្លើមបើប្រៀបធៀបនឹងស្ត្រីមិនរៀបការ។ ចំណែកឯបុរសដែលរៀបការរួចវិញ ពួកគេមានការរីករាយជាមួយនឹងអត្ថប្រយោជន៍ដ៏អស្ចារ្យព្រោះថាពួកគេមានឱកាសឆាស្លាប់ ៣ដងតិចជាងបុរសមិនរៀបការ។
មូលហេតុគឺថា ការពិតចំពោះការរៀបការមានន័យថា វាផ្តល់នូវទម្លាប់នៃជីវិតរស់នៅកាន់តែប្រសើរ និងមុខងារប្រព័ន្ធភាពស៊ាំកាន់តែខ្លាំង។ វេជ្ជបណ្ឌិត លីនដា វ៉េត (Dr. Linda Waite) សាស្ត្រាចារ្យខាងសង្គមវិទ្យានៅឯសាកលវិទ្យាល័យឈីកាហ្គោ (Chicago) និងជាអ្នកនិពន្ធក្នុងរឿង The Case For Marriage និយាយថា “ការរៀបអាពាហ៍ពិពាហ៍គឺជាខ្សែក្រវ៉ាត់រថយន្តមួយប្រភេទសម្រាប់ផ្តល់អោយអ្នកនូវសុខុមាលភាពកាន់តែប្រសើ”។
“យើងអាចប្រើវាតាមរបៀបដូចគ្នានឹងការទទួលទានអាហារដ៏ល្អៗមួយ ហាត់ប្រាណ និងមិនមែនជាការជក់បារី”។
តើអត្ថប្រយោជន៍ចំពោះសុខភាពមានអ្វីខ្លះទៅ?
អាយុវែង
កាលណាដែលអ្នកកំពុងតែទទួលបានងារជាលោក ឬអ្នកស្រីពិតប្រាកដហើយ ការទទួលនូវអាពាហ៍ពិពាហ៍ពិតជាអាចផ្តល់នូវតម្លៃដ៏ខ្ពង់ខ្ពស់មួយសម្រាប់ជីវិតដ៏យូរអង្វែងបាន។ ការសិក្សាដែលនិយាយអំពីស្ថិតិបានបង្ហាញអោយឃើញថា ការរៀបការធ្វើអោយអ្នកមានអាយុវែង។ ជាមួយគ្នានេះដែរ មានការសិក្សាមួយដែលបង្កើតឡើងពីសាកលវិទ្យាល័យឈីកាហ្គោ បានរកឃើញថា បុរសរៀបការរួចអាចមានជីវិតរស់យូរជាងបុរសមិនទាន់រៀបការរហូតដល់ ១០ឆ្នាំ ចំនែកឯស្ត្រីរៀបការរួចមានជីវិតរស់នៅយ៉ាងហោចណាស់ក៏យូរជាងស្ត្រីមិនទាន់រៀបការ ៤ឆ្នាំដែរ។
កាលណាទំនាក់ទំនងរវាងអ្នកទាំងពីរកាន់តែល្អនោះអត្ថប្រយោជន៍ក៏កាន់តែប្រសើរដែរ។ ការស្រាវជ្រាវមួយបានបង្ហាញអោយដឹងថា កាលណាដែលមានបុណ្យគម្រប់ខួបអានុស្សាវរីយ៍អាពាហ៍ពិពាហ៍កាន់តែច្រើនដែលពួកគេធ្វើជាមួយគ្នា មានន័យថាឱកាសដែលពួកគេអាចមានអាយុ១០០ក៏កាន់តែច្រើនដែរ។
ការកើនឡើងនៃការមានអាយុវែងរបស់បុរស គឺសុទ្ធតែជាការពិតដែលបានមកពីការរៀបការទាំងអស់ព្រោះពួកគេពុំសូវប្រឈមនឹងជំងឺច្រើន និងមានរបៀបរស់នៅប្រកបដោយសុខភាពកាន់តែច្រើនជាងមនុស្សនៅលីវ។ ចំណែកឯស្ត្រីវិញរស់នៅបានយូរដោយសារតែទ្រព្យសម្បត្តិស្តុកស្តម និងសន្តិសុខផ្លូវចិត្ត។
ការពារខ្លួនពីការបាក់ទឹកចិត្ត
ភាពសុខសប្បាយក៏អាចផ្តល់អោយអ្នកនូវថាមពលសុខភាពផ្លូវចិត្តកាន់ដ៏ខ្លាំងក្លាមួយដែរ ដែលមានន័យថា អ្វីៗទាំងអស់ធ្វើអោយអ្នកនឹងពិបាកចិត្ត ថប់អារម្មណ៍ និងបញ្ហាផ្លូវចិត្តតិចជាងមនុស្សនៅលីវ មនុស្សលែងលះគ្នា ឬស្ត្រីមេម៉ាយ។
វេជ្ជបណ្ឌិត លីនដា វ៉េតយល់ស្របថា “មូលហេតុគឺថា ការរៀបការច្រើនតែផ្តល់អោយគូរស្វាមីភរិយាទាំងពីរនូវវិញ្ញាណនៃអត្ថន័យក្នុងឆាកជីវិត ព្រមទាំងការសហការគ្នា និងចែករំលែកមហិច្ឆិតាគ្នា”។
“នេះគឺធ្វើអោយគូរស្វាមីភរិយាទាំងឡាយផ្តល់ទៅលើន័យវិជ្ជមានអោយកាន់តែច្រើនព្រមទាំងបង្កើតជាជម្រកដ៏មានតម្លៃសម្រាប់ពួកគេផ្ទាល់រស់នៅឆ្ងាយពី ពិភពដ៏មានការគំរាមកំហែងធំមួយបាន”។
រក្សាបាននូវការសប្បាយរីករាយ
ការរៀបអាពាហ៍ពិពាហ៍បានបង្ហាញអោយឃើញថា វាពោរពេញទៅដោយសុភមង្គលទូទៅកាន់តែច្រើន។ សរុបទៅ អ្នករៀបការរួចមាន ៤០ភាគរយដែលនិយាយថាពួកគេមានការសប្បាយរីករាយណាស់ចំពោះជីវិតរបស់ពួកគេ ប៉ុន្តែចំពោះមនុស្សនៅលីវវិញមានតែ ២៥ភាគរយប៉ុណ្ណោះដែលនិយាយបែបនេះ។
មូលហេតុដែលថា មង្គលការរបស់អ្នកអាចធ្វើអោយអ្នកមានសុភមង្គល នោះវាគ្រាន់តែជារឿងធម្មតាៗដែលការរៀការផ្តល់អោយអ្នកនូវអ្វីដែលយើងទាំងអស់គ្នាត្រូវការដើម្បីជាការសប្បាយចិត្ត ព្រោះថាមានមនុស្សម្នាក់ចាប់អារម្មណ៍លើពួកយើង មើលថែពួកយើង និងមនុស្សម្នាក់ដែលជាតម្រូវការរបស់ពួកយើង។
ប្រសិនបើយើងមានអារម្មណ៍ថាយើងគឺជាមនុស្សដ៏សំខាន់បំផុតសម្រាប់មនុស្សតែម្នាក់ (ហើយម្នាក់នោះក៏គិតបែបនេះដែរ) នោះយើងធានាថានឹងទទួលបានការសប្បាយរីករាយហើយ៕
