ការ​ងាប់​លិង្គ​គឺជា​អាការៈអ​សមត្ថភាព​មួយ​ក្នុង​ក្នុង​ការទទួលបាន ឬ​គ្រប់គ្រង​ការឡើង​រឹង​របស់​លិង្គ មិនបាន​ល្អ​។ វា​គឺជា​រឿង​មួយ​សំខាន់​ក្នុង​ការ​យល់​ថា នៅ​ពេល​មួយ​ដែល​សមត្ថភាព​សម្រាប់​ធ្វើ​អោយ​លិង្គ​រឹង​មាន​ការថយចុះ មិនមែន​មានន័យ​ថា​បុរស​ម្នាក់​នោះ​កើត​បញ្ហា​ងាប់​លិង្គ​នោះទេ​។​

​អ្នក​គួរ​មាន​អារម្មណ៍​អោយ​ល្អ​ក្នុង​ការនិយាយ​ជា​មួយ​គ្រូពេទ្យ​អំពី​សកម្មភាព​ផ្លូវភេទ​របស់​អ្នក​។ វា​គឺជា​ផ្នែក​មួយ​ធម្មតា​ទេ​នៃ​សុខភាព​របស់​អ្នក ហើយ​គ្រូពេទ្យ​នឹង​ធ្វើ​ការពិភាក្សា វាយតម្លៃ និង​ព្យាបាល​បញ្ហា​អស់ទាំង​នេះ​ប្រសិនបើ​ករណី​ចាំបាច់​។ ប្រសិនបើ​ចាំបាច់ គ្រូពេទ្យ​ម្នាក់​អាច​វាយតម្លៃ​ទៅលើ​មូលហេតុ​សក្តានុភាព​នីមួយៗ​បាន​សម្រាប់​អាកា​រៈងាប់​លិង្គ និង​កំណត់​បាន​នូវ​ការព្យាបាល​ដែល​ត្រឹមត្រូវ​។​

​ឧទាហរណ៍ អ្នកជំងឺ​ក្មេងៗ​ជាច្រើន​កើត​មាន​អាកា​រៈងាប់​លិង្គ​ដោយសារ​តែ​ការប្រើប្រាស់​ថ្នាំ​។ ករណី​ភាគច្រើន ការ​ដែល​ឈប់​បន្ត​ប្រើ​ថ្នាំ​ទាំងនោះ​តទៅ​ទៀត​វា​នឹង​ធ្វើអោយ​មុខងារ​ផ្លូវភេទ​វិល​មក​រក​សភាព​ធម្មតា​វិញ​។ ចំណែក​អ្នកជំងឺ​ចាស់ៗ​វិញ ការ​ដែល​មាន​ជំងឺ​សរសៃឈាម ជំ​ង​សរសៃប្រសាទ និង​ការប្រើប្រាស់​ថ្នាំ​គឺជា​មូលហេតុ​ដែល​កើតឡើង​ជា​ញឹកញាប​ណាស់​ក្នុង​ការ​កើត​បញ្ហា​ងាប់​លិង្គ​។​

​ការ​មាន​បញ្ហា​សុខភាព​ច្រើន​តែ​មាន​ជាប់​ទាក់ទង​ទៅនឹង​ការ​ងាប់​លិង្គ​។ បុរស​ដែល​មាន​ជំងឺ​ទឹកនោម​ផ្អែម​ពី ២៥ ទៅ​៥០% នឹង​មាន​កម្រិត​មួយ​ចំនួន​នៃ​ការ​ងាប់លិង្គ​។ ករណី​ខ្លះ​ទៀត​ដូចជា ស្ត្រេ​ស ភ័យ និង​បញ្ហា​អារម្មណ៍​ផ្សេងៗ​ទៀត​អាច​នឹង​ធ្វើអោយ​មាន​ផលវិបាក​ដល់​ការឡើង​រឹង​របស់​លិង្គ​។​

​ការធ្វើ​រោគវិនិច្ឆ័យ​ទាមទារ​អោយ​មាន​ការវាយតម្លៃ​លើ​សុខភាព​អោយបាន​ពេញលេញ ដើម្បី​សនិ្នដ្ឋាន​អោយបាន​ថា​តើ​មានមូល​ហេតុ​អ្វី​ខ្លះ​អាច​កើតមាន​បាន​។ ករណី​មួយ​ចំនួន វា​អាច​ត្រូវ​ចំនាយ​ពេល​ច្រើន​ដើម្បី​កំណត់​អោយបាន​ថា​តើ​មូលហេតុ​អ្វី​មួយ​ដែល​ពិត​ប្រា​ដក​នឹង​ធ្វើអោយ​ងាប់​លិង្គ​ដូច្នេះ​នោះ​។​

​ករណី​ភាគច្រើន​គឺ​ការព្យាបាល​ពិតជា​មាន​ប្រសិទ្ធភាព​ណាស់​។ ការព្យាបាល​គឺ​យោងទៅលើ​មូលហេតុ​របស់​វា ។​ការព្យាបាល​មាន​ចាប់តាំងពី​ការឈប់​ប្រើ​ថ្នាំ​ជា​មូលហេតុ​រហូតដល់​ការព្យាបាល​ដោយ​ប្រើ​ថ្នាំ​។ គ្រូពេទ្យ និង​អ្នកផ្តល់​សេវា​សុខភាព​ផ្សេងៗ​ទៀត​គឺជា​ធនធាន​ដ៏​សំខាន់​សម្រាប់​ការពិចារណា​ទៅលើ​សុខភាព​ផ្លូវភេទ​របស់​អ្នក និង​ដើម្បី​ជា​វិធានការ​គ្រប់គ្រង​សុខភាព​ទូទៅ​ទាំងអស់​របស់​អ្នក​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង