វាជារឿងធម្មតានោះទេ សម្រាប់ដៃគូស្នេហា ដែលតែងតែមានសភាពអស់កម្លាំង និង ងងុយគេង បន្ទាប់ពី ពួកគេបានរួមភេទរួច ហើយពេលខ្លះទៀត វាអាចធ្វើអោយពួកគេ មានសភាពល្ហិតល្ហៃ ច្រើនជាង រយៈពេល ២៤ម៉ោងទៀតផង ។
តើមានអ្វីខ្លះ ដែលខ្ញុំអាចធ្វើបាន ដើម្បីអោយគាត់ អត់ធន់នឹង បញ្ហានេះបាននោះ ?
មានស្ត្រីជាច្រើន តែងព្យាយាមស្វែងរកចម្លើយ ចំពោះសំណួរមួយនេះ ។ តើវាជាសភាពមិនប្រក្រតី ដែលទេ ក្នុងការងងុយគេងបន្ទាប់ពី អនុវត្តប្រតិបត្តិការ លើគ្រែរួច? វាមិនពិតនោះទេ។ សភាពនៃការ អស់កម្លាំង ដែលកើតមាន បន្ទាប់ពីសមរភូមិរបស់អ្នកទាំងពីរ ត្រូវបានបញ្ចប់ គឺជា ប្រតិកម្មបែបធម្មជាតិ មួយ របស់រាងកាយមនុស្ស ក្នុងការឆ្លើយតបទៅនឹង ការប្រឹងប្រែងដែលវាបានធ្វើ ។
ប៉ុន្តែភាគច្រើន ប្រសិនបើភាគីខាងប្រុស បានប្រះខ្លួនដេកចោល ដោយមិនរវល់ និយាយអ្វី ឬ ឱបភាគីខាងស្រី បន្ទាប់ ពីពួកគេ បានដល់តម្រេកកាមរួច នោះជាធម្មតា ស្ត្រីតែងសន្មត់ថា ដៃគូស្នេហា របស់នាង ប្រហែលជាមិនពេញចិត្ត ឬ នឿយណាយនឹងនាងហើយ ។
ជាក់ស្តែងជំនឿនេះ គឺមិនត្រឹមត្រូវនោះទេ។ ខាងក្រោមនេះ គឺជាមូលហេតុពិតប្រាកដ ដែលបញ្ជាក់ថា ហេតុអ្វីបានជាមនុស្សប្រុស តែងតែងងុយគេង បន្ទាប់ពីរួមភេទរួច ៖
១. ការរួមដំណេកនៅក្នុងពេលយប់ ជាពិសេស គឺស្ថិតនៅក្នុងពេលដែលរាងកាយមនុស្ស ពោរពេញទៅ ដោយសភាពអស់កម្លាំងរួចស្រេចទៅហើយ គឺជាដើមចមនៃមូលហេតុមួយ ដែលតែងតែធ្វើអោយ ពួកគេ ឆាប់ងងុយគេង បន្ទាប់ពីយុទ្ធនាការ នៅលើគ្រែត្រូវបានបញ្ចប់។ ការរួមភេទពិតប្រាកដ គឺមិនត្រូវ បានចំណាយកម្លាំងច្រើន ពេកនោះទេ អ្នកគួរតែចងចាំថា ជាធម្មជាតិនៃការរួមភេទ វាគឺជាការបន្ធូរ អារម្មណ៍មួយ ។
២. បុរសតែងធ្វើការបញ្ចេញទឹកកាម ក្នុងពេលដែលពួកគេដល់តម្រេក ហើយ អរម៉ូន ដែលត្រូវបាន បញ្ចេញនោះ គឺបាននាំមកនូវ ភាពអស់កម្លាំងដល់ពួកគេ ផងដែរ ។ នោះអារម្មណ៍នៃភាពងងុយគេង ហាក់នឹងកើនឡើងខ្លាំង ជាងពេលធម្មតា។ បើទោះជា សម្ពាធនៃរាងកាយមួយនេះ គឺមានសភាពវិជ្ជមាន តែវាក៏ហាក់នឹង បានផ្តល់អោយអ្នក នូវសភាពអស់កម្លាំងដ៏ខ្លាំងមួយផងដែរ ។
៣. មានមនុស្សជាច្រើន តែងព្យាយាមទប់ដង្ហើម ពីពេលមួយ ទៅពេលមួយ ខណៈពេល ដែលពួកគេ កំពុងប្រតិបត្តិការ ការងារលើគ្រែមួយនេះ ។ ចង្វាក់របស់វា នឹងក្លាយជាញាប់ឡើងៗ ហើយជីពចរ របស់អ្នក ក៏នឹងកើនឡើងខ្លាំងផងដែរ ។ ដូច្នេះហើយវានឹង ធ្វើអោយរាងកាយ កើតមាននូវកង្វះ អុកស៊ីសែន ដែល រួមចំណែក ធ្វើអោយរាងកាយអ្នកត្រូវការ សម្រាក។ ហើយអ្វីៗ នឹងត្រលប់មករក សភាពដើមវិញ នៅពេលក្រោយមក ។
៤. ដំណាក់កាល នៃការងងុយគេង នេះ គួរត្រូវបានបកស្រាយ ក្នុងគំនិតជាវិជ្ជមានមួយ ពីព្រោះថា វាអាច បញ្ជាក់នូវការពិតមួយ ដែលសន្មត់ថា អ្នកពិតជាបានសម្រេចតម្រេកកាមរបស់អ្នក ហើយអ្វីៗទាំងអស់ គឺត្រូវបានសម្រេច ទៅតាមដំណើររបស់វាហើយ ។ នៅក្នុងករណីជាកម្រ បុរសដែលមាន សភាព អស់កម្លាំង ក្នុងអំឡុងពេល និង ក្រោយពេលនៃការរួមភេទ ក្នុងរយៈពេលជាយូរមក អាចនឹង រងគ្រោះ ដោយសារ បញ្ហាស្ថានភាពសុខភាពផ្នែក រាងកាយណាមួយ ។ នៅក្នុងករណីនេះ អ្នកគួរធ្វើការពិនិត្យ សុខភាព អោយបានជាទៀតទាត់ ។
៥. ប្រសិនបើអ្នក កំពុងស្វែងរកដំណោះស្រាយដ៏លឿនមួយនោះ អ្នកអាចផឹកកាហ្វេ មុនពេល ដែលអ្នក ចាប់ផ្តើមប្រតិបត្តិការ ការងារលើគ្រែជាមួយនឹងដៃគូរបស់អ្នក។ យើងមិនអាចនិយាយថា វាជាដំណោះ ស្រាយដ៏ល្អមួយ ក្នុងរយៈពេលយូរអង្វែងនោះទេ ប៉ុន្តែវាអាចជាវិធី ដ៏មានប្រសិទ្ធិភាពមួយ ក្នុងការពន្យា នូវបញ្ហានេះ ។ សារជាតិកាហ្វេអ៊ីន អាចជា អ្នកប្រយុទ្ធប្រឆាំងនឹងសភាពអស់កម្លាំង របស់អ្នកបានយ៉ាង ល្អ ប៉ុន្តែវាក៏អាចជះឥទ្ធិពលអាក្រក់ដល់អ្នកបានផងដែរ តាមដែលវាអាចនឹង បំផ្លាញដល់ប្រព័ន្ធប្រសាទ ដែលនឹងធ្វើអោយនរណាម្នាក់ មានសភាពរីករាយ ឬ រំភើបជ្រុល ។
៦. អ្វីមួយទៀត ដែលអាចធ្វើអោយអ្នកមានភាពស្រស់ស្រាយបាននោះគឺ ផ្លែឈើដែលមានរសជាតិជូរ ជាពិសេស គឺផ្លែទំពាំងបាយជូរ ដែលត្រជាក់ខ្លាំង យកមកពីក្នុងទូទឹកកក ។ ហើយនៅក្នុងតំបន់ត្រជាក់ អ្នកអាចយកស្រា មកជំនួសវិញ ។ តែអ្នកមិនត្រូវ ប្រើវាក្នុងបរិមាណច្រើនជ្រុលពេកនោះទេ ព្រោះថា ប្រសិទ្ធិភាព របស់វា អាចផ្តល់អោយអ្នក នូវភាពផ្ទុយគ្នាស្រឡះមកវិញ ។
ប៉ុន្តែសម្រាប់រាងកាយរបស់ស្ត្រីវិញ អាចនឹងមានប្រតិកម្មតបផ្សេងគ្នា ដោយពួកគេ ហាក់នឹងមាន អារម្មណ៍ភ្ញោចឡើង ក្នុងអំឡុងពេលដែលពួកគេសម្រេចបានកាមតម្រេក ។ ហើយពួកនាង អាចនឹង ចង់បន្តទៅទឹកទីពីរទៀត ក្នុងពេលភ្លាមៗនោះ ។ ប៉ុន្តែ តើមានអ្វី ដែលស្ត្រីអាច ធ្វើអោយដៃគូជា បុរស របស់នាង មានសភាពខ្លាំងក្លា អត់ធន់នឹងបន្ត សង្គ្រាមប្រយុទ្ធនេះ តទៅទៀតបាននោះ ? អ្នកមិនចាំបាច់ មានការព្រួយបារម្ភឡើយ តាមដែលបុរស នឹងទទួលបាននូវ ថាមពលរបស់ពួកគេមកវិញ នៅពេល ក្រោយ មកទៀត ៕
