Join with Health.com.kh on Telegram

ទំពាំងបាយជូរ​សម្បូរ​សារធាតុ Polyphenolic Phytochemical ប្រភេទ Resveratrol​។ សារធាតុ Resveratrol នេះ​គឺជា​អង់​ទី​អុក​ស៊ីដង់ដ៏​ខ្លាំងក្លា​មួយ​ប្រភេទ​ដែល​មាន​តួនាទី​សម្រាប់​ការពារ​ពី​ជំងឺមហារីក​ពោះវៀនធំ និង​ក្រពេញប្រូ​ស្តាត​, ជំងឺ​សរសៃឈាម​បេះដូង (Coronary), ជំងឺ​ខូច​សរសៃប្រសាទ​, ជំងឺ​ភ្លេចភ្លាំង និង​ការបង្ក​រោគ​ដោយ​វី​រ៉ុស ឬ​ផ្សិត​ផ្សេងទៀត​។

​សារធាតុ Resveratrol ជួយ​កាត់បន្ថយ​ការ​ប្រឈម​នឹង​ជំងឺ​ដាច់​សរសៃឈាម​ខួរក្បាល​តាមរយៈ​ការផ្លាស់ប្តូរ​យន្តកា​រណ៍​មូលេ​គុល​ក្នុង​សរសៃឈាម​។ រឿង​ទីមួយ​ដែល​វា​ធ្វើការ​នោះ​គឺ​តាមរយៈ​ការបន្ថយ​ភាព​ងាយ​ខូច​សរសៃឈាម​តាម​ដោយ​បន្ថយ​សកម្មភាព​របស់ Angiotensin (​អ័រម៉ូន​ជា​ប្រព័ន្ធ​មួយ​ប្រភេទ​ដែល​ធ្វើអោយ​សរសៃឈាម​រួម​តូច និង​ឡើង​សម្ពាធ​ឈាម​)​។ ទី​ពីរ​, តាមរយៈ​បង្កើន​ការផលិត​សារធាតុ​ធ្វើអោយ​សរសៃឈាម​រីក​ធំ​, និង nitric oxide (​សារធាតុ​ដ៏​មាន​ប្រយោជន៍​មួយ​ប្រភេទ​សម្រាប់​ធ្វើ​អោយ​សរសៃឈាម​ធូរ​)​។​

​សារធាតុ Anthocyanins គឺជា​អង់​ទី​អុក​ស៊ីដង់ Polyphenolic មួយ​ប្រភេទ​ទៀត​ដែល​មាន​ក្នុង​ទំពាំងបាយជូ​រព័ត៌ក្រហម​។ សារធាតុ Phytochemical ទាំងនេះ​ត្រូវបាន​គេ​រកឃើញ​ថា​មាន​ប្រសិទ្ធភាព​ប្រឆាំងនឹង​អាកា​រៈអាឡែ​ហ្ស៊ី​, ការ​រលាក​, សម្លាប់​មេរោគ ព្រមទាំង​មហារីក​ផងដែរ​។

​សារធាតុ Catechins ដែល​ជា​អង់​ទី​អុកស៊ី​ដង់​នៅ​ក្នុងក្រុម Flavonoid Tannin ត្រូវបាន​គេ​រកឃើញ​នៅក្នុង​ទំពាំងបាយជូ​ពណ៌​ឬ​បៃតង ព្រមទាំង​ជួយ​អោយមាន​សុខភាព​ល្អ​ទៀតផង​។

​លើសពីនេះទៅទៀត ទំពាំងបាយជូ​សម្បូរ​ទៅ​អោយ​ជាតិ​រ៉ៃ​ដែលជា​មីក្រូ​អាហារ​រូបត្ថ​ម្ភជា​ច្រើន​ដូចជា ទង​ដែង​, ដែក និង​ម៉ង់​ហ្គា​ណែ​ស​។ ទង​ដែង និង​ម៉ង់​ហ្គា​ណែ​ស​មាន​សារៈសំខាន់​ជា Co-factor របស់​អង់​អ៊ី​ម​អង់​ទី​អុក​ស៊ីដង់ Superoxide Dismutase​។ ទំពាំងបាយជូរ​ស្រស់ ១០០​ក្រាម​មាន​ប៉ូ​តា​ស្យូម​រហូតដល់ ១៩១​មី​លី​ក្រាម​ឯណោះ​។

​ទំពាំងបាយជូ​ក៏​ជា​ប្រភព​ដ៏​ល្អ​មួយ​ដែរ​នៃ​វីតាមីន C, វីតាមីន A, វីតាមីន K, សារធាតុ Carotenes, វីតាមីន B​កំផ្លេច​ដូចជា Pyridoxine, Riboflavin, និង Thiamin​៕