តើអ្នកធ្វើអ្វីខ្លះនៅពេលខឹងនរណាម្នាក់? តើអ្នកនឹងដើរទៅទះកំផ្លៀងគេដូចតារាសម្តែង Will Smith ដែរឬទេ? ឬក៏ស្រែកស្តីឱ្យគេពីចម្ងាយ? តើអ្នកដឹងទេថា វាមិនល្អទេសម្រាប់ការស្រែកជេរគេបែបនេះ? វាអាចប៉ះពាល់ដល់សុខភាពអ្នកជាច្រើនចំណុច។ ថ្ងៃនេះ អ្នកនឹងបានស្គាល់ចំណុចទាំងនោះ។
១. ចង្វាក់បេះដូង និងសម្ពាធឈាមរបស់អ្នកកើនឡើង
អ្នកប្រហែលជាបានកត់សម្គាល់ឃើញថា រាល់ពេលដែលអ្នកស្រែកជេរ ហើយមានការឈ្លោះគ្នាយ៉ាងក្តៅគគុក ចង្វាក់បេះដូងរបស់អ្នកនឹងកើនឡើង។ នេះមានន័យថាសម្ពាធឈាមរបស់អ្នកឡើងខ្ពស់ផងដែរ ហើយនោះហើយជាមូលហេតុដែលអ្នកមើលទៅច្រលោត ជាមួយនឹងថ្ពាល់ក្រហម និងសរសៃវ៉ែនចេញពីស្បែករបស់អ្នក។ អ្នកក៏ដកដង្ហើមកាន់តែជ្រៅ និងលឿនផងដែរ ដែលជាអ្វីមួយដែលផ្ទេរអុកស៊ីហ្សែន និងសារធាតុចិញ្ចឹមទៅសរីរាង្គសំខាន់ៗរបស់អ្នក។ ក្នុងករណីខ្លះ អ្នកអាចសម្គាល់ឃើញថាដៃ និងជើងរបស់អ្នកត្រជាក់ជាងធម្មតា។
២. ប្រព័ន្ធភាពស៊ាំរបស់អ្នកចុះខ្សោយ
អ្នកស្រាវជ្រាវបានរកឃើញថា សូម្បីតែការរំលឹកឡើងវិញនូវជម្លោះដ៏ក្តៅគគុកដែលអ្នកធ្លាប់មានកាលពីអតីតកាល ក៏នឹងអាចកាត់បន្ថយការការពារភាពស៊ាំរបស់អ្នកក្នុងរយៈពេល ៦ម៉ោង។ មនុស្សដែលឆាប់ខឹងខ្លាំងអាចសម្គាល់ឃើញថាពួកគេឈឺកាន់តែញឹកញាប់ ដោយប្រព័ន្ធភាពស៊ាំរបស់ពួកគេចុះខ្សោយ។
៣. ការចងចាំរបស់អ្នកអាចរងផលប៉ះពាល់
វាមិនត្រឹមតែប៉ះពាល់ដល់សុខភាពខួរក្បាលនោះទេ វាក៏ប៉ះពាល់ដល់ការចងចាំរបស់បុគ្គលផងដែរ។ វាធ្វើឱ្យអ្នកងាយប្រឈមនឹងបញ្ហាឆាប់ខឹងជាងធម្មតា។ អ្នកធ្លាប់ដែរឬអត់ នៅពេលដែលខឹងគ្នាខ្លាំង គ្រាន់តែត្រូវគ្នាវិញ ស្រាប់តែភ្លេចរឿងឈ្លោះគ្នាហ្នឹងបាត់។ វាគឺជាការពិតដែលថា វាធ្វើឱ្យការចងចាំអ្នកចុះខ្សោយ៕
