ការថែរក្សាភាពបរិសុទ្ធរបស់ខ្លួនដល់ថ្ងៃរៀបការគឺជារឿងល្អសម្រាប់ប្រពៃណីយើង។ តែការរក្សាភាពបរិសុទ្ធជារៀងរហូត អាចមានផលប៉ះពាល់មួយចំនួនដល់សុខភាពរបស់អ្នក ដែលត្រូវបានអះអាងដោយការសិក្សាស្រាវជ្រាវ។ គេបានធ្វើការប្រៀបធៀបរវាងអ្នកដែលបានរួមភេទ និង អ្នកដែលមិនស្គាល់ការរួមភេទទាល់តែសោះ។ គេរកឃើញថា អ្នកមិនបានរួមភេទ មានបញ្ហាមួយចំនួនដូចខាងក្រោម។
១. អ្នកនឹងគិតយឺតជាងធម្មតា
យោងតាមការសិក្សាមួយរបស់សាកលវិទ្យាល័យ Maryland នៅពេលដែលអ្នករួមភេទតិច ឬមិនរួមភេទទាល់តែសោះ អ្នកនឹងកាន់តែយឺតជាមួយនឹងគំនិតរបស់អ្នក។ មុខងារណឺរ៉ូន ឬ ប្រព័ន្ធប្រសាទ របស់អ្នកត្រូវបានប៉ះពាល់។ គំនិតរបស់អ្នកមិនសូវភ្លឺទេ។
២. ឆាប់ខឹងច្រលោត
ការរួមភេទអាចចាត់ទុកថាជាការកាត់ស្រ្តេសមួយដែរ។ អ្នកដែលមិនបានរួមភេទទាល់តែសោះ មិនបានកាត់ស្រ្តេសតាមរបៀបនេះទេ។ ប្រសិនបើពួកគេមិនចេះកាត់ស្រ្តេសតាមរបៀបផ្សេងទៀតនោះ គេនឹងងាយមានបញ្ហាឆាប់ខឹងជាងមនុស្សធម្មតា។ ការឈានដល់ចំណុចកំពូលពេលរួមភេទ គឺជាការសំខាន់។ វាជួយដល់ការគ្រប់គ្រងអារម្មណ៌មានយ៉ាងប្រសើរ។
៣. មិនសូវមានទំនុកចិត្ត
នៅពេលអ្នករួមភេទបានគ្រប់គ្រាន់ ទំនុកចិត្តរបស់អ្នកកើនឡើង ប៉ុន្តែនៅពេលដែលអ្នកមិនធ្វើ សោះ អ្នកក៏បាត់បង់ទំនុកចិត្តរបស់ខ្លួនក្នុងការទៅអនុវត្តរឿងបែបនេះដែរ។ ការធ្វើឱ្យនរណាម្នាក់ សម្រេចកាមបានដល់ចំណុចកំពូល អាចធ្វើឱ្យយើងមានអារម្មណ៍មោទនភាពនឹងខ្លួនឯង។ វាចូលរួមចំណែកយ៉ាងខ្លាំងដល់ការមានទំនុកចិត្តលើខ្លួនឯង៕