បើយើងមិនគិតអំពីជំនាញឯកទេសទេ ការទំនាក់ទំនងគឺជាផ្នែកមួយយ៉ាងសំខាន់នៃជីវិតប្រចាំថ្ងៃរបស់អ្នក។ ដើម្បីកំណត់ថាជំនាញខាងទំនាក់ទំនងរបស់អ្នកល្អ មានន័យថាអ្នកអាចនិយាយពន្យល់ដល់អ្នកទិញកំពុងតែខឹងអោយស្ងប់អារម្មណ៍ឡើវិញបានជាមួយនឹងការណែនាំរបស់បុគ្គលិកក្រោមបង្គាប់។
កាលណាមានទំនាក់ទំនងល្អ អ្នកនឹងអាចប្រើសម្តី ក៏ដូចជាគំនិតផ្តល់អោយគេកាន់តែមានប្រសិទ្ធភាព ដើម្បីដោះស្រាយបញ្ហា និងជំនួបផ្សេងៗបាន។ ផ្ទុយទៅវិញបើទំនាក់ទំនងមិនល្អហើយ អ្នកនឹងគ្មានពាក្យអ្វីត្រូវនិយាយគ្នាទៀតឡើយទោះបីជារឿងនោះមានជាប់ទាក់ទងគ្នាទាំងអស់ក៏ដោយ។
ចូរយល់ថា ការទំនាក់ទំនងដ៏មានប្រយោជន៍មួយពិតប្រាកដត្រូវតែមានមនុស្សចូលរួមនិយាយគ្នាលើសពីពីរនាក់ឡើងទៅ។ ការទំនាក់ទំនងប្រកបដោយប្រសិទ្ធភាពទាមទារអោយមាន គម្រោង, ការផ្ចង់អារម្មណ៍, និងការពិចារណាទៅលើអ្វីផ្សេងៗទៀត។ ដូច្នេះមិនថាអ្នកត្រូវការនិយាយជាមួយប្តីរ ឬប្រពន្ធ, ដោះស្រាយបញ្ហាជាមួយមិត្តភក្តិ ឬមុខជំនួយធំដុំឡើយ ខាងក្រោមនេះគឺជាមធ្យោយបាយខ្លះៗដើម្បីបន្ថែមគ្រឿង និងសមិទ្ធិផលដល់ការសន្ទនារបស់អ្នក។
១, គិតមុននិយាយ
ចូរយល់ថាតើខ្លួនអ្នកចង់បានអ្វី និងធ្វើយ៉ាងណាស្វែងរកគោលដៅមួយនោះអោយបានលឿន។ ការដែលធ្វើដូច្នេះ ទំនងជាអាចធ្វើអោយអ្នកកំពុងតែត្រង់ត្រាប់ស្តាប់ចាំនូវអ្វីដែលអ្នកនិយាយបាន។ ចូរយល់ថាហេតុអ្វីបានជាអ្នកកំពុងតែនិយាយសន្ទនាជាមួយគេ ហើយតើអ្នកចង់បានអ្វីពីវាមុនពេលចាប់ផ្តើមនិយាយ។ បើសិនជាអាច ចូរអោយនរណាម្នាក់ផ្សេងទៀតយល់អំពីប្រធានបទនៃការសន្ទនានោះអោយបានច្បាស់លាស់ ចាំនិយាយជាចេញមក។
២, ឈប់និយាយ ហើយស្តាប់គេវិញ
មធ្យោបាយដ៏ល្អបំផុតដើម្បីក្លាយជាអ្នកទំនាក់ទំនងដ៏ល្អម្នាក់គឺធ្វើយ៉ាងណាអោយក្លាយខ្លួនជាអ្នកស្តាប់គេនិយាយដ៏ល្អម្នាក់សិន។ ចូរយល់ថាការសន្ទនារបស់អ្នកប្រៀបដូចជាការប្រកួតវាយតេនីសអញ្ជឹង ដោយម្នាក់ៗត្រូវរាប់រងនូវការវាយចេញ និងវាយចូល ឬការស្តាប់ និងការនិយាយ។ ដល់ពេលស្តាប់គេនិយាយគ្រាន់តែធ្វើខ្លួនអោយគេដឹងថាយើងកំពុងតែស្តាប់ទៅបានហើយ តែមិនត្រូវគិតអំពីអ្វីដែលអ្នកនឹងត្រូវនិយាយបន្ត ឬភ្លេចនិយាយអ្វីមួយដែលសំខាន់ឡើយ។ នៅពេលអ្នកបានក្លាយជាមនុស្សស្តាប់គេនិយាយយ៉ាងសកម្មហើយ វានឹងបង្ហាញអោយអ្នកផ្សេងទៀតយល់ថា អ្នកបានអោយតម្លៃនូវអ្វីដែលពួកគេនិយាយ។
៣, សួរសំណួរ
ដើម្បីបង្កើនអោយមានប្រតិកម្មជាមួយគ្នាកាន់តែច្រើនបំផុតនោះ ចូរស្វែងរកថាតើអ្វីទៅដែលពួកគេចង់បាន។ មិនត្រូវសុំអោយគេឆ្លើយថា “បាទ/ចាស” ឬ “ទេ”ឡើយ ប៉ុន្តែគួរតែសុំអោយគេសួរជាសំណួរបើកដើម្បីអាចទទួលបាននូវចម្លើយចេញពីការគិត និងអារម្មណ៍របស់គេបាន។ បើសិនជាអ្នកមិនច្បាស់នូវចំនុចណាមួយ ពួកគេនិងព្យាយាមពន្យាល់វាកាន់តែច្បាស់ដល់អ្នកបន្ថែមទៀត។ បន្ទាប់មក ចូរស្តើរសុំអោយការនិយាយនូវអ្វីដែលអ្នកបានលឺ និងសួរពួកគេម្តងទៀតដើម្បីបញ្ជាក់ថាអ្នកទទួលបានចម្លើយត្រឹមត្រូវ។
៤, រំពឹងថាមានអ្វីមិនពេញចិត្តទុកមុន
ចូរប្រមែប្រមូលប្រតិកម្មទាំងឡាយរបស់អ្នកទុកម្តុំអោយនៅស្ងាត់ស្ងៀម, ប្រកបដោយសន្តិភាព និងមិនពេញចិត្តតិចតួចបានហើយ។ កុំភ្លេចបិទសម្លេងទូរស័ព្ទ ឬបិទតែម្តងដើម្បីកុំអោយមានការរំខាន។ បើសិនជាមានការសន្ទនា ឬហេតុការណ៍អ្វីផ្សេងទៀតកំពុងតែកើតមានក្នុងបន្ទប់តែមួយ ចូរកុំខ្វល់អំពីរឿងនោះអី។ តែបើសិនជាមិនអាចចៀសវាងការរំខាននោះបាន ចូរទៅបញ្ចប់វាអោយលឿនតាមតែអាចធ្វើទៅបាន។ បើសិនជាអ្នកត្រូវតែបញ្ចប់ការសន្ទនាដោយសារតែមិនបានគិតទុកមុន ចូររៀបផែនការជួបគ្នាម្តងទៀតនៅពេលក្រោយក៏បានដែរ។
៥, ចូរយកចិត្តទុកដាក់ចំពោះសម្លេង និងការនិយាយរបស់អ្នក
សម្លេងដែលអ្នកនិយាយអ្នកស្តាប់ដឹងអំពីរអារម្មណ៍របស់អ្នកបានខ្លីៗតែច្បាស់លាស់។ បើសិនជាអ្នកចង់បង្ហាញនូវការគោរព ឬការស្រលាញ់ ចូរធ្វើយ៉ាងណាអោយសម្លេងដែលអ្នកនិយាយនោះទន់ល្អ។ បើសិនជាដឹងខ្លួនថាជាមនុស្សមិនអាចអត់ធ្មត់បាន ឬចូលចិត្តខឹងនៅពេលសន្ទនា ចូរនិយាយអោយខ្លួនឯងស្តាប់សិនដើម្បីអោយប្រាកដថាសម្លេងរបស់អ្នកមិនអាចធ្វើអោយកើតជាអារម្មណ៍បែបនោះទេ។ តែបើសិនជាការសន្ទនាគ្នាចាប់ផ្តើមចូលដល់ការឈ្លោះប្រកែកគ្នាហើយ ចូរធ្វើយ៉ាងណាបន្ថយសម្លេងរបស់អ្នកទៅ ព្រោះនោះដៃគូរនិយាយម្ខាងនឹងក៏នឹងធ្វើទៅតាមអ្នកដែរ។ សរុបមកចូរធ្វើយ៉ាងណាគ្រប់គ្រងសម្លេងរបស់អ្នកបាន។
៦, ទទួលយកការមិនយល់ព្រមដោយភាពប៉ិនប្រសព្វ
វាមិនមែនជាការពិតទេត្រង់យល់ថា មនុស្សគ្រប់រូបនឹងតែងតែធ្វើទៅតាមអ្វីដែលអ្នកសុំអោយគេធ្វើឡើយ។ ការមិនយល់ព្រមគឺជារឿងមួយដែលមិនអាចចៀសវាងបានឡើយ។ ប៉ុន្តែតើអ្នកអាចធ្វើអ្វីបានខ្លះទៅនៅពេលមនុស្សម្នាក់មិនយល់ព្រមនឹងអ្នកបែបនេះ? ចូរប្រាកដថា អ្នកយល់ដឹងច្បាស់អំពីបញ្ហានោះ ហើយចោទជាសំនួរដើម្បីសួរ។ ចូរធ្វើអារម្មណ៍អោយស្ងប់ ហើយគិតថា ការមិនយល់ព្រមដូចគ្នានឹងគំនិតផ្ទុយគ្នាមួយ មិនមែនជាការមិនចង់ធ្វើរបស់បុគ្គលនោះទេ។ អ្នកអាចយល់អំពីហេតុផរបស់មនុស្សម្នាក់ទៀតដោយមិនបាច់យល់ស្របជាមួយរឿងនោះដែរ។ ចូរចាំថា មនុស្សគ្រប់គ្នាមានជម្រើសដ៏ត្រឹមត្រូវរៀងៗខ្លួន ដូច្នេះចូរទទួលយកវាទៅ។ បើសិនជាគំនិតផ្ទុយគ្នាតិចតួចតែ ចូរធ្វើការសម្របសម្រួលវាចេញទៅ។ តែបើការមិនយល់ព្រមនោះគឺជាបញ្ហាធំដុំ អ្នកប្រហែលជាបញ្ចប់ការសន្ទនាគ្នា ឬមានមានទំនាក់ទំនងគ្នាផងក៏មិនដឹង។
៧, បើកចំហរនូវគំនិតថ្មីៗ
មិនត្រូវសន្មត់ថាអ្នកយល់អ្វីៗទាំងអស់អំពីប្រធានបទដែលដាក់មក និងមិនទទួលគំនិតពីអ្នកដទៃឡើយ។ ជំនួសមកវិញ ចូរបន្ធូរអារម្មណ៍ និងចំណាយពេលវេលាទទួលយកគំនិតសំខាន់ៗរបស់មនុស្សម្នាក់ទៀតវិញទើបជាការសំខាន់។ ចូរស្តាប់ដោយយកចិត្តទុកដាក់ និងពិចារណាទៅលើគំនិតថ្មីដែលបានដាក់មក។ ប្រសិនបើអ្នកដឹងថាមាននរណាម្នាក់យល់ដឹងច្រើនអំពីប្រធានបទនោះច្រើនជាង ចូរកុំខ្លាចស្នើរអោយគេនិយាយដើម្បីទទួលបានចំណេះដឹងថ្មីបន្ថែមទៀត ព្រមទាំងជម្រុញដល់ការស្វែងយល់ ឬផ្លាស់ប្តូរគំនិត។
៨, កត់ចំណាំទុក
ការកាត់ត្រានូវគំនិតថ្មីៗ គឺជអ្វីដែលអ្នកត្រូវតែធ្វើវា។ នៅពេលអ្នកជួបនរណាម្នាក់ជាលើកដំបូង ចូរចំនាយពេលតិចតួចដើម្បីសរសេរទុកព័ត៌មានអំពីម្នាក់នោះ និងការសន្ទនារបស់អ្នកទាំងពីរ។ ចូរប្រាកដថា អ្នកបានប្រកបឈ្មោះ និងការបញ្ចេញសូរសម្លេងបានត្រឹមត្រូវ។ អ្នកខ្លះក៏ពុំចាំបាច់កត់អ្វីទុកដែរបើសិនជាអ្នកអាចហៅឈ្មោះរបស់គេបានត្រូវហើយ ប៉ុន្តែពួកគេនឹងជួយបញ្ជាក់អ្នកអោយបានកាន់តែច្បាស់បើសិនជាអ្នកនិយាយមិនបានត្រឹមត្រូវ។
៩, រៀនមើលភាសាកាយវិការ
ការសិក្សាបង្ហាញអោយដឹងថា ៩៣ភាគរយនៃការទំនាក់ទំនងគ្នាមិនមែនជាការនិយាយឡើយ។ ចូរប្រាកដថា អ្នកបានផ្តល់ក្រខ្សែភ្នែកយ៉ាងល្អជាមួយគេ និងរក្សាឥរិយាបទបានល្អ។ បើសិនជាអ្នកចង់អោយនរណាម្នាក់ដឹងថាអ្នកយល់ព្រមជាមួយពួកគេហើយ មិនត្រូវអង្គុយអោបដៃ, គងទាក់ខ្លា ឬបែរមុខចេញពីពួកគេឡើយ។ តែចូរព្យាយាមផ្តល់ចម្លើយត្រឹមត្រូវតាមរយៈកាយវិការបស់អ្នកដើម្បីបញ្ជាក់អំពីការយល់ព្រមដ៏ស្ងៀមស្ងាត់។ ចូរប្រាកដថា អ្វីដែលអ្នកនិយាយ និងភាសាកាយវិការរបស់អ្នកស៊ីគ្នា។ តែបើសិនជាមានភាពខុសគ្នាវិញ គេច្រើនតែយល់ថា អ្វីដែលអ្នកនិយាយតាមភាសាកាយវិការគឺកំពុងតែបង្ហាញច្រើនជាងការនិយាយផ្ទាល់មាត់ទៅទៀត។
១០, បំបាត់ចោលនូវការនិយាយរអាក់រអួល
ការនិយាយសន្ទនាគ្នាមិនត្រូវអោយមានការសម្លេងរំខាន់ពីមាត់កំពុងតែនិយាយនោះទេ។ សម្លេងដែលនិយាយថា “អឺ, ដូចជា, អ្នកដឹងទេ” ច្រើនតែជាសញ្ញាបញ្ជាក់ថាអ្វីដែលអ្នកកំពុងនិយាយនោះមិនច្បាស់លាស់ និងកាត់បន្ថយការធ្វើអោយគេទុកចិត្តលើអ្នកបាន។ បើសិនជាអ្នកយល់ថា ខ្លួនឯងមិនអាចប្រើពាក្យនិយាយបាន ចូរចំណាយពេលដកដង្ហើមអោយបានស្រួលមួយភ្លេត ចាំនិយាយបន្តទៀត។ ចូរប្រើឃ្លាខ្លីៗ ឬក៏ប្រើការឈប់និយាយសិនជំនួសការប្រើសម្លេងរអាក់រអួលវិញ។
កាលណាគំនិតនៃការទំនាក់ទំនងរបស់អ្នកកាន់តែមានប្រសិទ្ធភាព លទ្ធផលដែលអ្នកនឹងទទួលបានកាន់តែប្រសើរជាងមុន ដូច្នេះចូរអនុវត្តវិធីសាស្ត្រទាំងនេះ និងប្រើប្រាស់វាចំពោះការងារប្រចាំថ្ងៃរបស់អ្នកចុះ។ នៅពេលអ្នកធ្វើវាបានហើយ អ្នកនឹងទទួលបានការធ្វើទំនាក់ទំនងមួយដ៏អស្ចារ្យ និងប្រកបដោយទំនុកចិត្តចំពោះលទ្ធផលដែលអ្នកចង់បាន៕
