ការព្រួយបារម្ភជាមួយនឹងការសម្រកទម្ងន់លឿនគឺថា វាជាធម្មតាចំណាយកម្លាំងបន្ថែមទៅលើចំណីអាហារ ក៏ដូចជាលំហាត់ប្រាណផងដែរ ដែលការចំណាយកម្លាំងនោះគឺអាចមិនផ្តល់នូវសុខភាពល្អ និងអ្នកមិនអាចរក្សាការផ្លាស់ប្តូររបៀបរស់នៅជាអចិន្ត្រៃយ៍ទៅវិញ។
ការស្រកទម្ងន់ ០,៤៥ ទៅ០,៩គីឡូក្រាមក្នុងមួយសប្តាហ៍គឺជាការណែនាំជាក់លាក់មួយ។ ទោះបីជាវាអាចហាក់ដូចជាមើលទៅមានការសម្រកទម្ងន់តិចក៏ដោយ, ប៉ុន្តែវាហាក់ដូចជាជួយរក្សាការសម្រកទម្ងន់របស់អ្នកបានក្នុងរយៈពេលយូរ។ សូមចាំថា ០,៤៥គីឡូក្រាមនៃខ្លាញ់មាន៣.៥០០កាឡូរី។ ដូចនេះដើម្បីសម្រកបាន០,៤៥គីឡូក្រាមក្នុងមួយសប្តាហ៍, អ្នកត្រូវដុតកាឡូរីអោយបានលើសពី៥០០កាឡូរីជាងអ្នកញ៉ាំក្នុងមួយថ្ងៃៗ។
ប្រសិនបើអ្នកស្រកទម្ងន់លឿនពេក, វាអាចមិនមែនជាខ្លាញ់ដែលត្រូវបានបាត់បង់។ វាអាចជាទម្ងន់នៃទឹក ឬជាលិកាផ្សេងៗ ចាប់តាំងពីវាពិបាកក្នុងការដុតជាតិខ្លាញ់ក្នុងរយៈពេលខ្លី។ទោះជាយ៉ាងណាក៏ដោយ, ស្ថានភាពមួយចំនួន ការសម្រកទម្ងន់លឿនពេកអាចមានសុវត្ថិភាពប្រសិនបើវាត្រូវបានគេធ្វើក្នុងមធ្យោបាយត្រឹមត្រូវ។ ឧទាហរណ៍, គ្រូពេទ្យអាចពិពណ៌នាពីអាហារដែលមានជាតិកាឡូរីទាបសម្រាប់ការសម្រកទម្ងន់លឿនប្រសិនបើការធាត់បណ្តាលមកពីបញ្ហាធ្ងន់ធ្ងរ។
លើសពីនេះទៅទៀត, ចំណីអាហារមួយចំនួនរួមមានដំណាក់កាលដំបូងដើម្បីជួយអ្នកអោយឆាប់ស្រកទម្ងន់។ ឧទាហរណ៍, ចំណីអាហាររបស់ Mayo Clinic មានដំណាក់កាលចាប់ផ្តើមលឿនដែលអ្នកអាចស្រកបាន២,៧ ទៅ៤,៥គីឡូក្រាមក្នុង២សប្តាហ៍ដំបូង។ អ្នកអាចសម្រកទម្ងន់បានឆាប់ជាមួយនឹងការធ្វើរបៀបនេះដោយសារតែវាគួបផ្សំជាមួយនឹងយុទ្ធសាស្ត្រដែលផ្តល់នូវសុខភាព និងសុវត្ថិភាពជាច្រើន។ ក្រោយពីអំឡុងពេល២សប្តាហ៍ដំបូង, អ្នកផ្លាស់ប្តូរទៅនឹងការសម្រកទម្ងន់តាមការណែនាំដោយស្រកពី ០,៤៥ ទៅ០,៩គីឡូក្រាមក្នុងមួយសប្តាហ៍ដែលវាមិនត្រឹមតែផ្តល់សុវត្ថិភាពប៉ុណ្ណោះទេ ប៉ុន្តែវាក៏ផ្តល់នូវការស្រកទម្ងន់នោះបានយូរផងដែរ៕