ចំពោះមនុស្សវ័យជំទង់ បេះដូងដើរញ៉ាប់គឺចង្វាក់បេះដូងលោតលើសពី ១០០ដងក្នុងមួយនាទី។ ចំពោះអ្នកហាត់ប្រាណចង្វាក់បេះដូងប៉ុននេះគឺចាត់ទុកថាមានសុខភាពល្អទេ ប៉ុន្តែបើសិនជាបេះដូងដើរញ៉ាប់កើតឡើងពេលសម្រាក នោះអ្នកគួរតែទៅពិគ្រោះជាមួយគ្រូពេទ្យជាបន្ទាន់ទៅ។
រោគសញ្ញាអាការៈបែបនេះប្រហែលជាមានដូចជា ញ័រដើមទ្រូង, ពិបាកដកដង្ហើម, វិលមុខ, និងបែកញើស។ រោគសញ្ញាទាំងនេះច្រើនតែឃើញមានជាញឹកញាប់លើអ្នកដែលមានអាការៈកង្វះជាតិស្ករក្នុងឈាម។
អាហារត្រូវចៀសវាង
· ចូរចៀសវាងការញ៉ាំស្រាច្រើន ព្រោះវាអាចទៅបំផ្លាញសាច់ដុំបេះដូងបាន។
· ចូរចៀសវាងជាតិកាហ្វេអ៊ីនព្រោះវាបណ្តាលអោយអ័រម៉ូន Adrenaline ចេញកាន់តែច្រើនទៅក្នុងចរន្តឈាម និងធ្វើអោយកើតមានបញ្ហាបេះដូងដើរញាប់។
អាហារគួរទទួលទាន
· ចូរញ៉ាំអាហារសម្បូរជាតិប៉ូតាស្យូមដូចជា បន្លែពណ៌បៃតង, ចេក, ផ្លែឈើស្រស់ៗ, ត្រី និងគ្រាប់ផ្កាឈូករ័ត្ន។
· ប្រភេទត្រីសម្បូរខ្លាញ់អូមេហ្គាបីដូចជាត្រីសាលមុង ឬត្រីសាឌីនសុទ្ធតែមានផលល្អសម្រាប់សុខភាពបេះដូង ចូរញ៉ាំត្រីប្រភេទនេះអោយបានពីរដងក្នុងមួយសប្តាហ៍។
· ជាទូទៅត្រូវញ៉ាំត្រីអោយបានច្រើនជាងសាច់។
· គ្រាប់ល្ពៅ, គ្រាប់ផ្កាឈូករ័ត្ន និងប្រេងរបស់វា សុទ្ធតែសម្បូរទៅដោយជាតិខ្លាញ់សំខាន់ៗសម្រាប់សុខភាព និងបន្ថយការប្រឈមនឹងជំងឺបេះដូង។
· ចូរញ៉ាំផ្លែឈើ និងបន្លែអោយបានច្រើនដូចជា ការ៉ុត, សណ្តែងបារាំង, ផ្កាខាត់ណាពណ៌បៃតង, ស្ពៃក្តោប, ស្ពៃ Spinach, ដំឡូងផ្អែម, ស្វាយ និងប៉េងប៉ោះព្រោះវាសម្បូរជាតិ Carotene និងអង់ទីអុកស៊ីដង ដែលជួយកាត់បន្ថយការប្រឈមនឹងជំងឺបេះដូងបាន។
· សណ្តែកសៀងសម្បូរទៅដោយវីតាមីន E ពីធម្មជាតិ ដែលអាចកាត់បន្ថយការប្រឈមនឹងជំងឺបេះដូងបាន ជាពិសេសអ្នកមានក្រុមឈាមប្រភេទ A ឬ AB។
· ប្រេងអូលីវ ជួយបង្កើន HDL (កូឡេស្ទើរ៉ុលដែលល្អ) បន្ថយ LDL (កូឡេស្តេរ៉ុលដែលអាក្រក់) និងផ្ទុកទៅដោយអង់ទីអុកស៊ីដង់សម្រាប់ការពារការខូចខាតដែលបណ្តាលមកពី LDL។
· ចូរផឹកទឹកអោយបានយ៉ាងហោចណាស់ ៦កែវជារៀងរាល់ថ្ងៃ។
· ចូរញ៉ាំខ្ទឹមស និងខ្ទឹមបារាំងអោយបានច្រើនព្រោះវាជាអាហារមានផលល្អសម្រាប់សុខភាពបេះដូង។
ការព្យាបាលដោយខ្លួនឯងដ៏មានប្រយោជន៍
· ចូរប្រើវីតាមីន និងជាតិរ៉ែចម្រុះដែលមានផ្ទុកទៅដោយវីតាមីន B ទាំងអស់។
· ផលិតផល Co-enzyme Q10 គួរតែប្រើ ៦០មីលីក្រាមជារៀងរាល់ថ្ងៃដើម្បីជួយអោយសាច់ដុំបេះដូងរឹងម៉ាំ។
· វីតាមីន E ជួយអោយសាច់ដុំបេះដូងទទួលបានអុកស៊ីសែនគ្រប់គ្រាន់ និងជាសារធាតុរំលាយកំណកឈាមពីធម្មជាតិដែឬ។ ចូរប្រើ ៤០០យូនីតជារៀងរាល់ថ្ងៃ។
· មនុស្សយើងច្រើនតែកង្វះជាតិរ៉ែម៉ាញ៉េស្យូម ដូច្នេះគួរតែប្រើ ៣០០ ទៅ៦០០មីលីក្រាមជារៀងរាល់ថ្ងៃ។
មតិដ៏មានប្រយោជន៍
· ដោយសារតែការញ័រដើមទ្រូងប្រហែលជាមានជាប់ទាក់ទងនឹងក្រពេញទីរ៉ូអ៊ីតធ្វើការខ្លាំងពេក យកល្អគួរតែទៅពិគ្រោះជាមួយគ្រូពេទ្យដើម្បីធ្វើតេស្តឈាមមើលមុខងាររបស់ក្រពេញមួយនេះ។
· ដើម្បីបំបាត់ការព្រួយបារម្ភដែលវាជាអ្នកធ្វើអោយស្ថានភាពកាន់តែធ្ងន់ធ្ងរនោះ ចូរសិក្សាពីរបៀបដកដង្ហើមជ្រៅៗតាមរយៈហាត់ក្បាច់យូហ្គា ឬវិធីបន្ធូរអារម្មណ៍។
· ចូរអនុវត្តន៍ពីរបៀបតាំងសមាធិដើម្បីជួយអោយអ្នកសម្រួលអារម្មណ៍ដែលកើតចេញពីស្ត្រេស។ បើសិនមានអារម្មណ៍ថាបេះដូងដើរញាប់ទំនងជាកើតមាន ចូរទៅលុបមុខចេញជាមួយទឹកត្រជាក់ ហើយដេក, បិទភ្នែក, ដកដង្ហើមជ្រៅៗ និងយឺតៗរយៈពេលពីរបីនាទីរហូតដល់អាការៈនោះបាត់ទៅវិញ។
· ប្រេងផ្កាឡាវែនឌឺមានប្រសិទ្ធភាពជួយបន្ធូរអារម្មណ៍ ដូច្នេះចូរប្រើពីរបីដំណក់សម្រាប់ការងូតទឹករបស់អ្នក។
· ពេលទំនេរគួរតែចំនាយពេលដើរដើម្បីអាចដកដង្ហើមបានជ្រៅៗ៕
