Join with Health.com.kh on Telegram

​វី​រ៉ុស​បង្ក​ជំងឺ​រលាកថ្លើម​ប្រភេទ A (Hepatitis A Virus, HAV) ច្រើន​តែ​កើតមាន​ជា​ញឹកញាប់​បំផុត​នៅលើ​ពិភពលោក ហើយ​ក៏​ច្រើន​កើត​ជាង​ជំងឺអេដស៍​រហូតដល់ ១០០​ដង​ឯណោះ​។

ជាធម្មតា​ជំងឺ​នេះ​ឆ្លង​តាមរយៈ​ការទំនាក់ទំនង​គ្នា​យ៉ាង​ស្និទ្ធស្នាល (​ព្រម​ទាំង​ការ​រួមភេទ ឬ​ការប្រើប្រាស់​របស់របរ​ក្នុងផ្ទះ​ផង​) លើសពីនេះទៅទៀត ការ​ញ៉ាំ​អាហារ ឬ​ផឹកទឹក​ដែល​មាន​វី​រ៉ុស HAV ក៏​បណ្តាលអោយ​ឆ្លង​ជំងឺ​នេះដែរ​។ វី​រ៉ុស​ប្រភែទ​នេះ​ត្រូវបាន​ដឹកនាំ​តាម​រយៈ​លាមក ហើយ​បើ​មនុស្ស​គ្មានអនាម័យ​មិន​ស្អាត​សុទ្ធតែ​ជា​ផ្លូវ​ដ៏​ល្អ​សម្រាប់​ការចម្លង​របស់​វា​ហើយ​។ រោគសញ្ញា​របស់​វា​មានដូចជា ក្អួតចង្អោរ មិន​ឃ្លាន​អាហារ ក្អួត អស់កម្លាំង និង​លឿង​ស្បែក ហើយ​រោគសញ្ញា​ទាំងនេះ​ច្រើនតែ​បាត់​ទៅ​វិញ​ក្នុង​រយៈពេល​ពីរ​បី​សប្តាហ៍​។

ជំងឺ​រលាក​ថ្លើម​ប្រភេទ A គ្មាន​ការព្យាបាល​ណាមួយ​ជា​លក្ខណៈ​ស្តង់ដារ​នោះទេ ប៉ុន្តែ​នៅពេល​វី​រ៉ុស​ងាប់​អស់​ពី​ក្នុង​ខ្លួន រាងកាយ​របស់​អ្នកនឹង​បង្កើត​ប្រព័ន្ធ​ភាពស៊ាំ​ដើម្បី​ប្រឆាំង​នឹង​វី​រ៉ុស​នោះ​នៅ​ពេល​ឆ្លង​ម្តងទៀត​បាន​។ វ៉ាក់ស៊ាំង​ការពារជំងឺ​រលាកថ្លើម​ប្រភេទ A អាច​មាន​តម្លៃ​ជា​ពិសេស​ប្រសិនបើ​អ្នក​ធ្វើ​ដំណើរ​ទៅ​បរទេស ឬ​កន្លែង​ណា​ដែល​មាន​ជំងឺឆ្លង​ប្រភេទ​នេះ​ច្រើន​។​
 
​អាហារ​ដែល​ត្រូវ​ជៀសវាង​


·         ចូរ​ចៀសវាង​ការ​ញ៉ាំ​ទឹក​ប្រសិនបើ​អ្នក​មិន​ប្រាកដ​ថា​ទឹក​នោះ​បរិសុទ្ធ ល្អ ឬ​មិន​ល្អ​។​
·         នៅពេល​អ្នកធ្វើដំណើរ​ទៅ​បរទេស ចូរ​កុំ​ញ៉ាំ​អាហារ​ដែល​ប្រើ​ទឹក​ឆៅ​មក​លាង​សម្អាត​។​
·         ចូរ​ចៀសវាង​ពពួកសត្វ​តែ​មាន​សម្បក​ឆៅ​ព្រោះ​វា​ជា​ភ្នាក់ងារ​ផ្ទុក​វី​រ៉ុស​រលាកថ្លើម​ប្រភេទ A​។​
·         ចូរ​ចៀសវាង​ការ​ញ៉ាំ​ស្រា​ព្រោះ​វា​នឹង​បន្ថែម​អោយ​ខូច​ថ្លើម​កាន់តែខ្លាំង​។​
·         ចូរ​ចៀសវាង​អាហារ​ដែល​មាន​ជាតិ​ខ្លាញ់ Saturated Fat សាច់​ក្រហម និង​អាហារ​ធ្វើ​ពី​ទឹកដោះគោ ព្រោះ​វា​នឹង​ដាក់បន្ទុក​ដល់​ថ្លើម​ធ្វើការ​កាន់តែខ្លាំង​។​
·         ជាតិ​កាហ្វេ​អ៊ី​ន តែ កាហ្វេ ភេសជ្ជៈ​ប៉ូវ​កម្លាំង និង​ថ្នាំ​បំបាត់​ការឈឺចាប់​មួយចំនួន​នឹង​ធ្វើអោយ​ថ្លើម​ធ្វើ​កាន់តែខ្លាំង ដូច្នេះ​គួរតែ​ចៀសវាង​វា​អោយបាន​។​
·         អាហារ​សម្បូរ​ជាតិ​ប៉ូ​តា​ស្យូម មិនសូវ​មាន​សូ​ដ្យូ​ម មាន​ផល​វិជ្ជមាន​ចំពោះ​ថ្លើម​។ ចូរ​ចៀសវាង​អាហារ​ប្រៃ និង​បង្កើន​ការ​ញ៉ាំ​ផ្លែឈើ​ស្រស់ និង​បន្លែស្រស​អោយបាន​ច្រើន​ព្រោះ​វា​សម្បូរ​ជាតិ​ប៉ូ​តា​ស្យូម​។​
 
​អាហារ​ដែល​គួរ​ទទួល​ទាន​


·         ចូរ​ញ៉ាំ​បន្លែស្រស់​ដូចជា ប៉េង​ប៉ោះ ខ្ទឹមបារាំង​ក្រហម ត្រសក់ ផ្កា​ខាត់ណា​ពណ៌​បៃតង ផ្លែ​ប័រ ស្ពៃ​ក្តោប ការ៉ុត និង​ខ្ញី​អោយបាន​ច្រើន​។​
·         ចូរ​ញ៉ាំ​តែ​បៃតង​ដែល​សម្បូរ​ជាតិ អង់​ទី​អុកស៊ីដ​ង​អោយបាន ៨ ទៅ​១០​កែវជា​រៀងរាល់ថ្ងៃ​។ តែ​បៃតង​ក៏​សម្បូរ​ជាតិ pOlyphenols ដែល​ជា​ភ្នាក់ងារ​ប្រឆាំង​នឹង​វី​រ៉ុសដ៏​ពូកែ​ផងដែរ​។​
·         ចូរ​បង្កើត​ទឹក​បន្លែ​ញ៉ាំ​ដោយ​ខ្លួនឯង​អោយបាន​ទៀងទាត់​។ ទោះបីជា​អ្នក​ញ៉ាំ​បាន​តែ ពីរ​ទៅ បី​ដង​ក្នុង​មួយ​សប្តាហ៍​ក៏ដោយ ក៏​អ្នកនឹង​មើលឃើញ​ពី​អត្ថប្រយោជន៍​របស់​វា​ដែរ​។ ទឹក​ផ្លែឈើ​ដែល​ជំនួយ​ដល់​មុខងារ​ថ្លើម​មានដូចជា ផ្លែ​ប៉ម ការ៉ុត និង​ស្ពៃក្តោប​។​
·         អាហារ​សម្បូរ​ជាតិ សុលភួ​មានដូចជា ខ្ទឹម​បារាំង និង​ខ្ទឹមស​សម្រាប់​ជំនួយ​ដល់​មុខងារ​របស់​ថ្លើម​។​
 
ការព្យាបាល​ដោយ​ខ្លួនឯង​ដ៏​មាន​ប្រយោជន៍​


·         ប្រេង​សណ្តែក Linseed មាន​ផល​ល្អ​សម្រាប់​ការជួសជុល​ដល់​កោសិកាថ្លើម​ដែល​ខូចខាត និង​បន្ថយ​ការ​រលាក​។ ចូរ​ប្រើ​ប្រេង​អូ​លីវ​ដើម្បី​ជា​ធ្វើ​ជា​ម្ហូបអាហារ ឬ​ប្រើ​ប្រភេទ​គ្រាប់ Linseed Oil ១០០០ មួយ​គ្រាប់​បី​ដង​ក្នុង​មួយថ្ងៃ​។​
·         វីតាមីន B មាន​នាទី​ជួយ​ការពារ​ភ្នាស​កោសិការ​ថ្លើម​ពី​ការខូចខាត​ដោយ​សារ​រា​ឌី​កាល​សេរី និង​បន្ថយ ព្រមទាំង​ការពារ​ការ​សន្លាក​ផងដែរ​។ ចូរ​ប្រើ ៤០០​យូ​នី​ត​ជា​រៀងរាល់ថ្ងៃ​។​
·         ខ្ទឹមស​គឺជា​ភ្នាក់ងារ​ប្រឆាំង​នឹង​វី​រ៉ុសដ៏​ពូកែរ ចូរ​ប្រើ ៤០០​មី​លី​ក្រាម​ក្នុង​មួយថ្ងៃ​។​
·         ផលិតផល N-acetylcysteine (NAC) ជួយ​អោយ​មុខងារ​ថ្លើម​ប្រព្រឹតិ្ត​ទៅ​កាន់តែ​ប្រសើ​។ ចូរ​ប្រើ ៥០០​មី​លី​ក្រាម បី​ដង​ក្នុង​មួយ​ថ្ងៃ​។​
·         អង់​ទី​អុកស៊ីដ​ង​មាន​មុខងារ​ជា​អ្នកការពារ និង​ព្យាបាល​ការ​រលាក​ថ្លើម​។ ចូរ​ប្រើ Alpha Lipoic Acid ២៥០​មី​លី​ក្រាម ពីរ​ដង​ក្នុង​មួយថ្ងៃ ដែល​ជា​អង់​ទី​អុកស៊ីដ​ង​ដ៏​ខ្លាំង​។​
·         វីតាមីន C មាន​នាទី​ជា​ថ្នាំ​ប្រឆាំង​នឹង​វី​រ៉ុសដ៏​ពូកែ ចូរ​ប្រើ ៥ ទៅ​១០​ក្រាម​ក្នុង​មួយថ្ងៃ ជាមួយ​ថ្នាំ​អង់​ទី​អុកស៊ីដ​ង​។​
·         ចូរ​ប្រើតែ​បៃតង Polyphenols  ៨០០​មី​លី​ក្រាម​ជា​រៀងរាល់ថ្ងៃ​ដើម្បី​ទទួលបាន​មុខងារ​ប្រឆាំង​នឹង​វី​រ៉ុសដ៏​ពូកែ​។​
 
​មតិ​ដ៏​មាន​ប្រយោជន៍​
·         ចូរ​ចៀសវាង​ផលិតផល​មាន​ជាតិគីមី​ដែល​ប្រើ​ក្នុងផ្ទះ ព្រោះ​វា​ទៅ​រំខាន​ដល់​មុខងារ​របស់​ថ្លើម​។​


·         វី​រ៉ុស​រលាកថ្លើម​ប្រភេទ A ច្រើន​តែ​កើត​លើ​ប្រទេស​កំពុងអភិវឌ្ឍន៍ ព្រោះ​មនុស្ស​ពុំ​មាន​អនាម័យ​បាន​ត្រឹមត្រូវ​។ ការធ្វើដំណើរ​ទៅ​ដំបន់​ទាំងនេះ​មាន​ការប្រឈមមុខ​ខ្លាំងណាស់​។ ដូច្នេះ​ចូរ ញ៉ាំ​តែ​ទឹ​ឆ្អិន ឬ​ទឹកដប​បរិសុទ្ធ​តែ ព្រមទាំង​ចៀសវាង​ការ​ញ៉ាំ​ត្រី និង​ពពួកសត្វ​មាន​សម្បក​ឆៅ​។​


·         ចូរ​លាងដៃ​អោយបាន​ស្អាត​រាល់ពេល​កាន់​ចំណីអាហា​រញ៉ាំ​។​


·         ការជក់បារី​ធ្វើអោយ​ប្រព័ន្ធ​ភាពស៊ាំ​ចុះខ្សោយ ព្រមទាំង​ពិបាក​ដល់​ការ​យក​ឈ្នះ​វី​រ៉ុស​បង្ក​ជំងឺ​ទៀត យក​ល្អ​គួរតែ​ឈប់​ជក់បារី​ទៅ​៕