មនុស្សម្នាក់ឆ្លងជំងឺអេដស៍នៅពេលទឹកសរីរៈ (ឈាម ទឹកកាម ទឹករំអិលទ្វារមាស ឬទឹកដោះ) របស់អ្នកជំងឺចូលទៅក្នុងចរន្តឈាមរបស់គាត់។ វីរុសអាចចូលទៅក្នុងឈាមបានតាមរយៈភ្នាសកម្រាលនៅក្នុងមាត់ រន្ធគូថ ឬសរីរាង្គភេទ (ទ្វារមាស និងលិង្គ) ឬតាមរយៈស្បែកដែលរហែក។
ទាំងបុរស និងស្ត្រីសុទ្ធតែអាចឆ្លងជំងឺអេដស៍បានទាំងអស់។ អ្នកជំងឺអេដស៍អាចមានអារម្មណ៍ថាខ្លួនឯងគ្មានជំងឺអ្វីទាំងអស់ហើយនៅតែចម្លងវីរុសអេដស៍នេះទៅអ្នកដទៃទៀត។ ស្ត្រីមានផ្ទៃពោះដែលមានជំងឺអេដស៍អាចចម្លងជំងឺនេះទៅអោយកូនក្នុងផ្ទៃបាន។
របៀបចម្លងជំងឺអេដស៍ដែលច្រើនតែកើតមានជាញឹកញាប់បំផុតគឺ៖
• ការប្រើម្ជុលចាក់ថ្នាំរួមគ្នា
• រួមភេទជាមួយអ្នកមានជំងឺដោយមិនបានការពារ
អ្នកមិនអាចឆ្លងជំងឺអេដស៍ក្នុងករណីដែល៖
• ប៉ះពាល់ ឬអោបអ្នកជំងឺអេដស៍
• ការប្រើបន្ទប់ទឹក ឬអាងហែលទឹកសាធារណៈ
• ប្រើរបស់របស់រួមគ្នាជាមួយអ្នកជំងឺអេដស៍ដូចជា កែវទឹក សមស្លាបព្រា ឬទូរស័ព្ទ
• សត្វខាំ
