ជំងឺដាច់សសៃឈាមខួរក្បាលកើតមាននៅពេលណាដែល មានកំនកឈាម ខ្ទុបនៅក្នុងសសៃអាទែ ឬ វ៉ែន ហើយវាផ្តល់នូវផលរំខានដល់ដំណើរឈាមរត់ ទៅកាន់តំបន់នៃខួរក្បាល ដែលវាអាចនឹងបំផ្លាញដល់កោសិកា ខួរក្បាលទាំងនោះ ។
vអ្នកអាច នឹងជៀសវាងបាននូវជំងឺនេះ ប្រសិនបើអ្នកឈប់ជក់បារី , កំណត់ពីកម្រិត ស្រាដែលអ្នកផឹក និង រក្សាទំងន់អោយមានសុខភាពល្អ។ ការកើនទំងន់ គឺអាចនឹងធ្វើអោយអ្នកបង្កើនគ្រោះថ្នាក់ ទៅនឹង ការវិវត្តន៍នៃជំងឺលើសសម្ពាធឈាម, ជំងឺលើសជាតិខ្លាញ់, បញ្ហាបេះដូង និង ជំងឺទឹកនោមផ្អែម ដែលបញ្ហា ទាំងនេះ សុទ្ធតែជាកត្តាប្រឈមនឹងគ្រោះថ្នាក់នៃជំងឺដាច់សសៃឈាមខួរក្បាល ។
ហេតុអ្វីបានជាការហាត់ប្រាណអាចជួយអ្នកបាន?
ការធ្វើសកម្មភាពរាងកាយ អាចជួយបង្កើនចង្វាក់បេះដូងរបស់អ្នក និង កាត់បន្ថយនូវឱកាសកើតមាននូវជំងឺ នេះ បានមួយផ្នែកដោយការ ទប់ស្កាត់នឹងភាពនៃការកកើតមាន ជំងឺលើសសម្ពាធឈាម និង ជំងឺបេះដូង ដែលវា ជាកត្តាពីរដែលប្រឈមនឹងគ្រោះថ្នាក់បំផុត។ កាលបើអ្នក កាន់តែមានភាពសកម្មផ្នែករាងកាយ នោះអ្នកកាន់តែ បានបន្ថយនូវឱកាសប្រឈមនឹងគ្រោះថ្នាក់របស់អ្នក ។ ជាមធ្យម មនុស្សដែលមានភាពសកម្ម គឺមានការកាត់ បន្ថយនឹងគ្រោះថ្នាក់ នៃជំងឺដាច់សសៃឈាមខួរក្បាលបាន២០ភាគរយ ជាជាងក្រុមមនុស្សដែលមិនសូវសកម្ម ។ ក្រុមមនុស្ស ដែលមានភាពសកម្មខ្លាំងបំផុត គឺមានឱកាសកាត់បន្ថយនឹង គ្រោះថ្នាក់នេះបានដល់៣០ភាគរយ ។
ក្រុមអ្នកសិក្សាស្រាវជ្រាវបានបង្ហាញថា អ្នកជំងឺទាំងឡាយណាដែលធ្លាប់មានភាព សកម្មផ្នែករាងកាយមុនពេល ពួកគេរងគ្រោះពីជំងឺដាច់សសៃឈាមខួរក្បាលនេះ ជាលទ្ធផលពួកគេអាច នឹងមិនសូវមានបញ្ហាធ្ងន់ធ្ងរ និង ឆាប់ បានជាសះស្បើយឡើងវិញ បើគេធ្វើការប្រៀបធៀប ជាមួយនឹងអ្នកជំងឺដែលមិនធ្លាប់បានធ្វើលំហាត់ប្រាណពី មុនមក ។
ការដើរហាត់ប្រាណលឿនៗ ជាទៀងទាត់អាច កាត់បន្ថយនូវការប្រឈមនឹង គ្រោះថ្នាក់នៃការកើតមានជំងឺ ដាច់សសៃឈាមខួរក្បាល បានដល់ទៅ២០ភាគរយ បើគេប្រៀបធៀបជាមួយនឹង អ្នកដែលមិនបាន ហាត់ប្រាណ បានទៀងទាត់ ។
លំហាត់ប្រាណដែលសាកសមបំផុតមាន ៖
· ការដើរលឿនៗ ឬ ញាប់ៗ ។
· ការរត់ហាត់ប្រាណត្រេះៗ ។
· ការរត់ចំងាយ ។
· ការធាក់កង់។
· ការរាំកំសាន្ត។
· ការហាត់ប្រាណក្នុងក្លឹបកីឡា ។
· ការហែលទឹក។
· ការលើកដុំទំងន់ស្រាលៗ ។
· ការវាយរ៉ុកកែត ។
· លំហាត់ប្រាណបែបយូហ្គា ។
តើអ្នកគួរធ្វើវាញឹកញាប់ប៉ុណ្ណា ?
· ៣០នាទី ក្នុងពេលមួយថ្ងៃ និង អោយបាន៥ថ្ងៃក្នុងមួយសប្តាហ៍ ។
· ការវាយតេនីស្ត និង ប្រភេទកីឡារ៉ុកកែតផ្សេងទៀត អាចការពារអ្នកប្រឆាំងនឹង ជំងឺដាច់សសៃឈាមខួរ ក្បាល ហើយវាក៏អាចជួយអោយអ្នកឆាប់ជាសះស្បើយផងដែរ ។
