សញ្ញាទូទៅនៃជំងឺមហារីកពោះវៀនធំគឺការបត់ជើងធំច្រើនដងក្នុងមួយថ្ងៃ ការទល់លាមកក្នុងរយៈពេលយូរ។ ដើម្បីការពារហានិភ័យនៃជំងឺ អ្នកអាចញ៉ាំអាហារ៤មុខនេះពេលពោះទទេ ។
ស្រូវសាលី
ស្រូវសាលី គឺជាអាហារដែលមានជាតិសរសៃខ្ពស់។ ក្នុង 100 ក្រាមនៃស្រូវសាលី មានប្រហែល 5,3 ក្រាមនៃជាតិសរសៃ។ សារធាតុនេះអាចជំរុញចលនាពោះវៀន និងបង្កើនល្បឿនចលនាពោះវៀន។ ដូច្នេះហើយ ការទទួលទានផ្លែប័រអាចជួយការពារហានិភ័យនៃការទល់លាមក និងមហារីកពោះវៀនធំ ។
ទោះយ៉ាងណាក៏ដោយ ដោយសារតែស្រូវសាលី គឺជាគ្រាប់ធញ្ញជាតិ ពួកវាត្រូវការពេលយូរក្នុងការរំលាយ និងស្រូបចូលទៅក្នុងពោះវៀន។ នៅពេលញ៉ាំស្រូវសាលី អ្នកមិនគួរញ៉ាំច្រើនពេកក្នុងពេលតែមួយទេ។ ជាពិសេសសម្រាប់អ្នកដែលមានជំងឺក្រពះពោះវៀន។
ដំឡូងជ្វា
ដំឡូងជ្វាផ្ទុកនូវសារធាតុចិញ្ចឹមជាច្រើនដូចជា ជាតិសរសៃ ម្សៅ វីតាមីន A ការ៉ូទីន សេលេញ៉ូម ជាតិដែក ប៉ូតាស្យូម ទង់ដែង ជាដើម ដែលទាំងនេះសុទ្ធតែជាសារធាតុដែលមានតួនាទីល្អក្នុងការសម្រួលដល់ការទល់លាមក។
ទោះជាយ៉ាងណាក៏ដោយ ដោយសារតែដំឡូងជ្វាមានផ្ទុកម្សៅច្រើន អ្នកត្រូវកាត់បន្ថយអាហារដែលមានជាតិម្សៅ នៅពេលអ្នកញ៉ាំវា។ ចំពោះអ្នកកើតជំងឺទឹកនោមផ្អែម គួរតែញ៉ាំតិច ដើម្បីកុំឲ្យកម្រិតជាតិស្ករក្នុងឈាមឡើងខ្ពស់។
លើសពីនេះ ដំឡូងជ្វាមិនគួរញ៉ាំពេលពោះទទេទេ ព្រោះវានឹងបង្កើនការបញ្ចេញទឹកក្រពះ ដែលនឹងធ្វើឱ្យពោះវៀនក្តៅ បង្កើតឧស្ម័ន និងក្រហាយទ្រូង។ ដើម្បីជៀសវាងស្ថានភាពនេះ ដំឡូងត្រូវតែដាំឱ្យពុះ ឫដុតយ៉ាងហ្មត់ចត់ ឬបន្ថែមជាតិអាល់កុលបន្តិចពេលចម្អិនដើម្បីបំផ្លាញផ្សិតនៅក្នុងដំឡូង។
យកល្អគួរតែញ៉ាំដំឡូងជ្វានៅពេលព្រឹកជាមួយទឹកដោះគោស្រស់ ឬទឹកដោះគោជូរ បន្ថែមគ្រាប់ និងបន្លែបៃតងមួយចំនួន ដើម្បីជាអាហារពេលព្រឹកដែលមានជីវជាតិ និងផ្តល់ថាមពលចាំបាច់សម្រាប់រាងកាយ។
ពោត
ពោតមានជាតិសរសៃច្រើន។ ក្នុង 100 ក្រាមនៃពោតមានជាតិសរសៃប្រហែល 2,9 ក្រាម។ លើសពីនេះទៀត ពោតក៏សម្បូរទៅដោយម៉ាញេស្យូម ដែលជួយជំរុញការបញ្ចេញកាកសំណល់ចេញពីរាងកាយ ជួយការពារជំងឺមហារីកពោះវៀនធំ។
ទោះជាយ៉ាងណាពោតមានផ្សិតច្រើនណាស់ ដូច្នេះទិញល្មមប្រើបានហើយ កុំទិញច្រើនពេក។ ពោតផ្សិតនឹងផលិតសារធាតុ aflatoxin បង្កមហារីក ជាពិសេសមហារីកថ្លើម ប្រសិនបើទទួលទាន។
មើមឈូក
មើមឈូកមានជាតិសរសៃ និងប្រូតេអ៊ីនច្រើន។ មើមឈូក 100 ក្រាមមានជាតិសរសៃប្រហែល 1.2 ក្រាម។ ពួកវាអាចត្រូវបានផ្សំជាមួយកូលេស្តេរ៉ុល និងទ្រីគ្លីសេរីដក្នុងរាងកាយ ដើម្បីកាត់បន្ថយការស្រូបយកជាតិខ្លាញ់។
ទោះជាយ៉ាងណាក៏ដោយ ដោយសារតែបរិមាណម្សៅនៅក្នុងឫមើមឈូកមានកម្រិតខ្ពស់ ប្រសិនបើអ្នកបរិភោគមើមឈូក អ្នកគួរតែកាត់បន្ថយអាហារម្សៅផ្សេងទៀតវិញ។
អាហារទាំង៤មុខខាងលើ ថ្វីត្បិតតែនាំមកនូវអត្ថប្រយោជន៍ល្អចំពោះសុខភាពក៏ដោយ ប៉ុន្តែអ្នកមិនគួរទទួលទានច្រើនពេកនោះទេ។ ទទួលទានក្នុងបរិមាណត្រឹមត្រូវ ពេលត្រឹមត្រូវនឹងនាំមកនូវប្រសិទ្ធភាពខ្ពស់បំផុត៕