Join with Health.com.kh on Telegram

​ធ្មេញ ដំបូង ឬ ត្រូវបាន​គេ​ហៅ​តៗ​គ្នា ថា​ធ្មេញព្រៃ ឬ​ធ្មេញទឹកដោះ ច្រើន​តែ​ដុះ​ពីរ​បី​នៅខាងមុខ នៅពេល​កូនតូច​របស់​អ្នក មាន​អាយុ​៦​ខែ​។ ប៉ុន្ដែ​ក្មេង​ខ្លះ អាច​ចំណាយពេល​ឆាប់ ឬ យូរ​ជាង​នេះ ទៅតាម​ភាពជាក់ស្តែង និង ភាពខុស​គ្នា​របស់​ក្មេង​ម្នាក់ៗ ។


​នា​ពេល​ខ្លះ ទារក​ទើបនឹង​កើត ក៏​អាច​មាន​ដុំ​ចេញ​នូវ​ពន្លក​ធ្មេញ​បាត់ទៅហើយ​។ ផ្ទុយទៅវិញ ក្មេង​ខ្លះ អាច​ដុះ​នៅ​ចន្លោះ​ពី​៩ ទៅ​១២​ខែ​។ កុមារ​តូចៗ​ខ្លះ​អាច​ដុះ​ធ្មេញ​នេះ​ដល់​ទៅ​២០​ឯណោះ ទាំង​នៅ​ផ្នែក​ខាងលើ ទាំង​ផ្នែក​ខាងក្រោម គឺ​មាន​ធ្មេញព្រៃ មុខ​៤ ឬ​ធ្មេញព្រៃ​ចង្កូម​២ និង​ធ្មេញព្រៃ​ថ្គាម​ចំនួន​៤​។ ធ្មេញព្រៃ​ទាំងអស់នេះ​នឹង​ចាប់​បាក់ ឬ​ជ្រុះ​នៅ​អាយុ​៣​ឆ្នាំ​។ នៅ​អាយុ​បាន​៦​ឆ្នាំ ធ្មេញព្រៃ​ត្រូវ​បាក់ ឬ​ជ្រុះ​អស់ ហើយ​ជំនួស​ដោយ​ធ្មេញ​សម្រាប់​មួយជីវិត ។

​ដល់​ពេល​នោះ រាល់​ឪពុកម្តាយ គប្បី​យកចិត្តទុកដាក់ ថែទាំ និង បង្រៀន​កូនៗ​របស់គេ អោយ​ចេះ​មាន​អនាម័យ​ធ្មេញ​ល្អ និង ពិនិត្យ​សុខភាព​មាត់​ធ្មេញ​អោយបាន​ជា​ប្រចាំ ពីព្រោះថា បើ​ធ្មេញ​ទាំងនេះ​បាក់​ហើយ វា​នឹង​មិន​ដុះ​មក​ជា​ថ្មី​ម្តងទៀត​នោះ​ទេ​៕