ញ៉ាំទឹក
មូលហេតុមួយដែលនាំឱ្យវិលមុខចំបងគេនោះគឺការខ្សោះជាតិទឹកតែម្តង។ ហេតុដូច្នេះហើយទើបអ្នកគួរតែញ៉ាំទឹកមួយកែវភ្លាមនៅពេលមានអារម្មណ៍វិលមុខ។ ដូច្នេះអ្នកត្រូវចាំថា ត្រូវញ៉ាំទឹក ៨ ទៅ១២កែវឡើងទៅរាល់ថ្ងៃ បើសិនជាអ្នកកំពុងតែបែកញើសខ្លាំងដោយសារតែអាកាសធាតុក្តៅ ឬធ្វើការខ្លាំងក្លាពេក។
ញ៉ាំខ្ញី
ខ្ញីគឺជាការព្យាបាលដ៏ល្អបំផុតសម្រាប់អាការៈវិលមុខ។ ឱសថបូរាណមួយនេះនឹងជួយបានច្រើនបំផុតបើសិនជាអ្នកមានអារម្មណ៍ក្រពះមិនព្រមកិនក្រោយពីញ៉ាំអាហារសម្បូរជាតិខ្លាញ់ ឬប្រេងច្រើន។ ការញ៉ាំតែខ្ញីមួយពែងក៏មានប្រសិទ្ធភាពល្អចំពោះការវិលមុខដែឬ។ បើសិនជាអ្នកមិនមានពេលគ្រប់គ្រាន់រៀបចំវាទេនោះ អ្នកក៏អាចទំពារខ្ញីឆៅមួយមើមតូចបានដែរ។
ញ៉ាំទឹកក្រូចឆ្មា
មានមនុស្សច្រើនណាស់ដែលទទួលស្គាល់ថាទឹកក្រូចឆ្មារមានប្រសិទ្ធភាពដោះស្រាយអាការៈវិលមុខបានយ៉ាងមានប្រសិទ្ធភាព។ រឿងនេះកើតឡើងជាពិសេសបើសិនជាបញ្ហាកើតមានដោយសារតែកង្វះជាតិស្ករក្នុងឈាម។ ជាតិស្ករធម្មតាក្នុងទឹកក្រូចឆ្មានឹងជួយសម្រួលកម្រិតជាតិស្ករក្នុងឈាមឡើងវិញដូច្នេះការវិលមុខនឹងអាចគ្រប់គ្រងបាន។ ទឹកក្រូចឆ្មាក៏អាចភ្ញោចអារម្មណ៍អ្នកបានដូចជាតិកាហ្វេអ៊ីនដែរ៕
