រោគសញ្ញា នៃការរបួសខួរក្បាល អាស្រ័យទៅលើ ផ្នែកណាមួយ នៃខួរក្បាលដែលត្រូវបានប៉ះពាល់។ ផ្នែកធំនៃខួរក្បាល អាចត្រូវបានពាក់ព័ន្ធទៅនឹងជំងឺមួយចំនួន ហើយវាអាចមានរោគសញ្ញតិចតួច។
ម្យ៉ាងវិញទៀត របួសតូចៗបំផុត អាចជាគ្រោះមហន្តរាយទៅវិញ ប្រសិនបើវាកើតមានឡើង ក្នុងផ្នែកសំខាន់នៃខួរក្បាល។ ឧទាហរណ៍ ប្រព័ន្ធ RAS (reticular activating system) គឺជាតំបន់តូច ដែលស្ថិតនៅក្នុងទងខួរ ដែលមានមុខងារសំខាន់។ អ្នកជំងឺត្រូវការប្រព័ន្ធនេះ និងមុខងារមួយនៃខួរក្បាលម្ខាង ផ្នែកខាងក្នុងនៃខួរក្បាល សម្រាប់ ដាស់អារម្មណ៍។ ប្រសិនបើអ្នកជំងឺបាត់បង់ស្មារតី នោះប្រព័ន្ធ RAS មិនធ្វើការ ឬមានការខូចខាតខួរក្បាលទាំងសងខាង។
រោគសញ្ញាដំបូង នៃការរបួសខួរក្បាល ជារឿយៗ មិនជាក់លាក់នោះទេ ហើយអាចរួមមាន ៖
- ឈឺក្បាល
- ចង្អោរ
- គ្រុនក្តៅ (ប្រសិនបើមាន ការឆ្លងមេរោគ)
- ឈឺក និងជាប់ក (ប្រសិនបើស្រោមខួរក្បាល ត្រូវបានរលាក)
- ប៉ះពាល់គំហើញ
- ប៉ះពាល់ដល់ការនិយាយ ដែលរួមមាន ការនិយាយ និងការស្តាប់
- ពិបាកបង្កើតពាក្យ (ដោយសារតែខ្សោយសាច់ដុំ ដែលគ្រប់គ្រងមាត់)
- ខ្សោយផ្នែកម្ខាងនៃខ្លួន
- ប្រកាច់
- បាត់បង់ការចងចាំ និងភ័ណ្ឌច្រលំ
- ប្រែប្រួលបុគ្គលិកលក្ខណៈ បាត់បង់ការប្រមូលផ្តុំអារម្មណ៍ ឆាប់ខឹង
- ឈឺក្បាលខ្លាំង។
ប្រសិនបើរោគសញ្ញាលេចឡើងភ្លាមៗ អ្នកជំងឺគួរតែត្រូវបានវាយតម្លៃភ្លាមៗ៕