Join with Health.com.kh on Telegram

មនុស្ស​ម្នាក់​តែងតែ​ប្រាថ្នា​ចង់បាន​កូន​គួរ​អោយ​ស្រលាញ់​ និង​ ចេះ​ស្តាប់បង្គាប់​មាតាបិតា​ ។​ យ៉ាងណាមិញ​,​ នៅ​ពេល​ដឹង​ថា​ខ្លួនឯង​ជិត​មានកូន​,​ នោះ​អារម្មណ៍​របស់​មាតា​ បិតា​ពិត​ ជា​មាន​មោទនភាព​ចំពោះ​ខ្លួន​ ព្រមទាំង​បុត្រ​ដែល​នឹង​កើតមក​ក្នុង​ពេល​ឆាប់ៗ​ខាង​មុខ​នេះ​ ។​

មនុស្ស​ជា​ច្រើន​ក៏​នឹង​មាន​អារម្មណ៍​ថា​សប្បាយ​ រីករាយ​ ត្រេកអរ​ និង​ កក់ក្តៅ​ចំពោះ​ជីវិត​ ក្នុង​គ្រួសារ​របស់​ពួក​គេ​ ។​ កូន​របស់​អ្នក​អាច​នឹង​តូច​ជាង​អ្វី​ដែល​អ្នក​បាន​គិត​,​ ប៉ុន្តែ​ សូមកុំ​ មានការ​ព្រួយបារម្ភ​អ្វី​ឡើយ​,​ កូន​របស់​អ្នក​នឹង​អាច​ចំរើន​វ័យ​ និង​ លូតលាស់​បាន​ធម្មតា​ ដូច​ជា​កុមារ​ដទៃ​ទៀត​អ​ញ្ចឹ​ង​ដែរ​ ។​

ទារក​មិន​គ្រប់​ខែ​ឬ​កើត​មុន​ថ្ងៃ​កំណត់​ Premature​ Babies
សព្វ​ថ្ងៃនេះ​,​ មាន​ទារក​ម្នាក់​ក្នុង​ចំនោម​ ១៨​ នាក់​នៅ​ក្នុង​ចក្រភព​អង់គ្លេស​បាន​ប្រ​សូត្រ​មក​មុន​ថ្ងៃ​កំណត់​ (premature​ baby)​ ។​

តាម​និយម​ន័យ​វេជ្ជសាស្ត្រ​,​ ទារក​ដែល​កើត​មុន​កំណត់​នេះ​ សំដៅ​ទៅ​លើ​ទារក​ណា​ដែល​កើត​ពី​ផ្ទៃ​ម្តាយ​យ៉ាង​ហោច​ណាស់​តិច​ជាង​ ៣៦​ ស​ប្តា​ហ៍​ ។​ យ៉ាងណាមិញ​,​ ទាក​ដែល​ប្រ​សូត្រ​មុន​កំណត់​នេះ​ទាមទារ​ការ​ព្យាបាល​ជា​ពិសេស​ (special​ treatment)​ បន្តិច​,​ ប៉ុន្តែ​ មិន​ចាំបាច់​ត្រូវការ​មើលថែ​ទាំ​អ្វី​ពិសេស​ (special​ care​ unit)​ លើស​ពី​ទារក​ដទៃ​ទៀត​នោះ​ទេ​ ។​ ទារក​ប្រ​សូត្រ​មក​មុន​ថ្ងៃ​កំណត់​អាច​នឹង​ពិបាក​ក្នុង​ការ​ចិញ្ចឹម​ ឬ​ លូតលាស់​ខាងក្រៅ​ផ្ទៃ​ម្តាយ​ ព្រមទាំង​ប្រឈម​មុខ​ទៅ​នឹង​បញ្ហា​មួយ​ចំនួន​ដូច​ខាងក្រោម​នេះ​ ៖
-​ ការ​ដកដង្ហើម​ Breathing​ ៖​ ដោយសារ​តែ​សួត​របស់​ពួក​គេ​មិន​ទាន់​គ្រប់​អាយុ​ ឬ​ នៅ​ក្មេងខ្ចី​ពេក​ (immaturity)​ នេះ​ហើយ​ ទើប​បានជា​អាច​បណ្តាល​អោយ​ទារក​ប្រ​សូត្រ​មក​មុន​ថ្ងៃ​កំណត់​នោះ​ពិបាក​ក្នុង​ការ​ដកដង្ហើម​ (​តាម​និយម​ន័យ​វេជ្ជសាស្ត្រ​គេ​ហៅ​វា​ថា​ជា​ Respiratory​ Distress​ Syndrome​ -​ RDS)​ ។​
-​ ប្រព័ន្ធ​ការពារ​ភាពស៊ាំ​របស់​រាង​កាយ​ Immune​ System​ ៖​ ចំពោះ​ទារក​ប្រ​សូត្រ​មក​មុន​ថ្ងៃ​កំណត់​ ប្រព័ន្ធ​ការពារ​ភាពស៊ាំ​របស់​រាង​កាយ​មានការ​លូតលាស់​រអាក់រអួល​ ឬ​ មិន​លូតលាស់​ក៏​មាន​ ។​ ម្យ៉ាងវិញទៀត​,​ ខ្លួនប្រាណ​របស់​ទារក​នោះ​ហាក់ដូចជា​ខ្សោយ​ក្នុង​ការ​វាយប្រហារ​ ឬ​ ការពារ​ប្រឆាំង​ទៅ​នឹង​ខ្មាំងសត្រូវ​ខាងក្រៅ​ មាន​ន័យ​ថា​ ទារក​ម្នាក់​នោះ​ងាយស្រួល​នឹង​ទទួល​ការ​ចំលង​មេរោគ​ (great​ risk​ of​ infection)​ ។​
-​ ការ​រំលាយ​អាហារ​ (digestion)​ ៖​ ចំពោះ​ទារក​ប្រ​សូត្រ​មក​មុន​ថ្ងៃ​កំណត់​,​ ក្រពះ​របស់​ពួក​គេ​អាច​នឹង​មាន​ទំហំ​តូច​ និង​ងាយ​មាន​បញ្ហា​(​ sensitive​ )​ជាង​ធម្មតា​ -​ (​មាន​ន័យ​ថា​ ទារក​ម្នាក់​នោះ​អាច​នឹង​ពិបាក​ ឬ​ មិន​អាច​ទំលាក់​ចំណីអាហារ​ចុះ​មក​ខាងក្រោម​បាន​ ដែល​ជា​ហេតុ​ធ្វើ​អោយ​ទារក​ចេះ​តែ​ក្អួត​)​ ។​ ភាព​មិន​ទាន​គ្រប់​អាយុ​ ឬ​ ពេញវ័យ​របស់​ប្រព័ន្ធ​រំលាយ​អាហារ​ (digestive​ system)​ ធ្វើ​អោយ​ទារក​មានការ​លំបាក​ក្នុង​ការ​រំលាយ​ប្រូតេអ៊ីន​សំខាន់ៗ​។​
-​ សីតុណ្ហភាព​ក្នុង​រាង​កាយ​ Temperature​ Regulation​ ៖​ ការ​គ្រប់គ្រង​កំ​ដៅ​របស់​ទារក​កើត​មុន​កំណត់​ទំនង​ដូច​ជា​មិនសូវ​មាន​ប្រសិទ្ធភាព​ និង​ ធ្វើ​អោយ​ទារក​នោះ​ចេះ​តែ​ក្តៅ​ពេក​ ឬ​ ត្រជាក់​ពេក​ ។​
-​ ប្រតិកម្ម​តប​ ឬ​ រ៉េ​ផ្លេ​ច​ Reflexes​ ៖​ កង្វះ​ការ​រ​អភិវឌ្ឍ​នៃ​ប្រតិកម្ម​តប​ ឬ​ រ៉េ​ផ្លេ​ច​របស់​ទារក​ ជា​ពិសេស​រ៉េ​ផ្លេ​ចនៃ​ការ​ជញ្ជក់​ (sucking​ reflexes)​ បាន​ធ្វើ​អោយ​មាតាបិតា​ពិបាក​ក្នុង​ការ​បំបៅ​ ឬ​ អោយ​ចំណី​ ។​ ជា​ធម្មតា​,​ ទារក​កើត​មុន​កំណត់​ត្រូវការ​ការ​បំបៅ​ដោយ​បំពង់​ ឬ​ ដប​ទឹកដោះគោ​ (tube​ feeding)​ ។​

ដំណើរការ​

ការ​រីក​លូតលាស់​ ឬ​ ចំរើន​វ័យ​របស់​ទារក​កើត​មុន​កំណត់​អាច​មាន​ភាព​យឺតយ៉ាវ​ និង​ ខុស​ប្រក្រតី​ ។​ ពេល​ខ្លះ​,​ មាតាបិតា​ទាំងឡាយ​អាច​នឹង​រន្ធត់​ ឬ​ មានការ​ភ្ញាក់ផ្អើល​នៅ​ពេល​ដែល​ឃើញ​កូន​របស់​ពួក​គេ​ម្នាក់​នោះ​មាន​រូបរាង​តូច​ល្អិត​,​ ប៉ុន្តែ​ទោះជា​យ៉ាងនេះ​ក្តី​ ទារក​ម្នាក់​នោះ​នៅ​តែ​មាន​បំណង​ចង់​នៅ​រស់រាន​មានជីវិត​ដូច​ជា​ទារក​ដទៃ​ទៃ​ទៀត​ផង​ដែរ​ ។​

ប៉ុន្តែ​,​ មាតាបិតា​ទាំងឡាយ​គួរតែ​ចេះ​លើកទឹកចិត្ត​ និង​ ដឹង​ជា​ព័ត៌មាន​ផង​ដែរ​ថា​ ទារ​កកើត​បន្ទាប់​ពី​ស​ប្តា​ហ៍​ទី​ ៣២​ ភាគច្រើន​អាច​នឹង​រីក​ចំរើន​ ឬ​ រីក​លូតលាស់​បានជា​ធម្មតា​ដូច​គេឯង​ដែរ​ ។​ ម្យ៉ាងវិញទៀត​,​ ទារក​ដែល​កើត​នៅ​ស​ប្តា​ហ៍​ទី​ ២៨,​ មាន​ ៦​ នាក់​ក្នុង​ចំនោម​ ៧​ នាក់​អាច​នៅ​រស់រាន​មានជីវិត​បន្ត​ទៅ​ទៀត​ ។​