Join with Health.com.kh on Telegram

ការ​ហូរ​ទឹករំអិល​ចេញពី​ទ្វារមាស​ប្រហែល​មិនមែន​ជា​អត្ថបទ​ដែល​មាន​ប្រជាប្រិយភាព​ក្នុង​ការយ​កមក​ និយាយ​គ្នា​នោះ​ទេ​ ប៉ុន្តែ​អ្នក​ប្រហែលជា​ចង់​ដឹង​ថា​តើ​វា​ពិតជា​ដើរតួរ​សំខាន់​មែន​ក្នុង​ការ​បំពេញ​មុខងារ​របស់​ប្រព័ន្ធ​ប្រដាប់បន្តពូជ​របស់​ស្ត្រី​ ។​

ទឹក​ដែល​ហៀរ​ចេញ​បាន​មក​ពី​ការ​ស្លាប់​របស់​កោសិការ​ និង​បាក់តេរី​នៅ​ខាងក្នុង​ក្រពេញ​ទ្វា​មាស​ និង​មាត់ស្បូន​ ។​ ការ​ធ្វើ​ដូច្នេះ​គឺ​ដើម្បី​អោយ​មាត់ស្បូន​ស្អាត​ និង​ការពារ​កុំអោយ​មាន​ឆ្លង​ជំងឺ​ ។​

ភាគច្រើន​នៃ​ការ​ហៀរ​ទឹក​ចេញពី​ទ្វា​មាស​ គឺជា​ដំនើរ​មួយ​ដែល​ប្រក្រតី​ល្អ​ទេ​ ។​ ក្នុង​នោះ​ដែរ​វា​ក៏​មាន​ភាព​ខុសៗ​គ្នា​រវាង​ស្ត្រី​មួយ​ចំនួន​ ហើយ​ពណ៌​ទឹក​ដែល​ចេញ​មក​ធម្មតា​អាច​ជា​ពណ៌​ថ្លា​ ឬ​សបែប​ទឹកដោះគោ​ ដោយ​យោង​ទៅ​តាម​ពេលវេលា​នៃ​ការ​មក​រដូវ​របស់​ពួក​គេ​ ។​ អ្នក​ប្រហែលជា​ធ្វើការ​កំណត់​ចំនាំបាន​នូវ​ការ​ប្រែប្រួល​បន្តិច​ប​ន្ទួ​ចនៃ​បរិមាណ​នៃ​ទឹក​ដែល​ចេញ​មក​ និង​ក្លិន​របស់​វា​ ។​ ឧទាហរណ៍​ថា​ មានការ​ហូរ​ទឹក​ចេញ​មក​កាន់តែ​ច្រើន​ ប្រសិនបើ​អ្នក​ស្ថិត​ក្នុង​ពេល​ Ovulating​ (​ដំនើរការ​នៃ​ការ​ផ្ទុះ​បែក​នៃ​មេជី​វិត​ញី​ចេញពី​ Ovary​ ចូល​ទៅ​ក្នុង​ដៃ​ស្បូន​)​ បំបៅ​ដោះ​កូន​ ឬ​មាន​សំរើប​នៃ​ការ​រួម​ភេទ​ ។​

ចំពោះ​ក្លិន​ប្រហែលជា​មាន​ភាព​ខុស​គ្នាៗ​ ប្រសិនបើ​អ្នកជា​មនុស្ស​មាន​ផ្ទៃពោះ​ ឬ​ពុំ​មាន​អនាម័យ​ផ្ទាល់ខ្លួន​ ។​
មិនមែន​ការ​ប្រែប្រួល​ទាំងឡាយ​ខាងលើ​ធ្វើ​អោយ​អ្នក​មានការ​ព្រួយបារម្ភ​នោះ​ទេ​។​ តែ​ទោះជា​យ៉ាងណា​ក៏​ដោយ​ អ្វី​ដែល​អ្នក​គួរតែ​ធ្វើការ​កត់សំគាល់​ គឺ​នៅ​ពេល​ដែល​មានការ​រមាស់​ ឬ​ក្រហាយ​នៅ​ក្នុង​ទ្វា​មាស​ ព្រោះថា​វា​ជា​សញ្ញា​នៃ​ការ​ឆ្លង​ជំងឺ​ ឬ​បញ្ហា​ជំងឺ​ផ្សេងៗ​ទៀត​ ។​

តើ​អ្វី​ដែល​ធ្វើ​អោយ​ការ​ធ្លាក់ស​ចេញពី​ទ្វា​មាស​មិនធម្មតា​?
គ្រប់ពេល​នៃ​ការ​ប្រែប្រួល​នៃ​តុល្យភាព​របស់​បាក់តេរី​ធម្មតា​នៅ​ក្នុង​ទ្វា​មាស​ អាច​ធ្វើ​អោយ​ទឹក​ដែល​ហូរ​ចេញ​មានការ​ប្រែប្រួល​ដែល​ ដូច​ជា​ ក្លិន​ ពណ៌​ ឬ​សមាសធាតុ​របស់​វា​ ។​

បញ្ហា​ខាងក្រោម​នេះ​គឺ​សុទ្ធតែ​ អាច​ធ្វើ​អោយ​តុល្យភាព​ក្នុង​ទ្វា​មាស​របស់​អ្នក​អ​តុល្យភាព​៖
•​    ​ប្រើ​ថ្នាំ​ Antibiotic​ ឬ​ Steroid
•​    ​មាន​ជំងឺ​ទ្វារមាស​ Bacterial​ Vaginosis​ (​ទ្វា​មាស​មាន​ជំងឺ​ដែល​បង្ក​ឡើង​ដោយ​បាកតេរី​ ហើយ​ច្រើន​កើត​ទៅ​លើ​ស្ត្រី​មាន​ផ្ទៃពោះ​ ឬ​ស្ត្រី​ដែល​មាន​ដៃគូរ​រួម​ភេទ​ច្រើន​ )
•​    ​ប្រើ​ថ្នាំ​ពន្យា​កំនើត​
•​    ​មហារីក​មាត់ស្បូន​
•​    ​ជំងឺ​ Chlamydia​  ឬ​ជំងឺ​ប្រមេះទឹកបាយ​ ដែល​វា​ជា​ជំងឺឆ្លង​ក្នុង​ពេល​រួម​ភេទ​ (Sexually​ Transmitted​ Infections,​ STI)
•​    ​ជំងឺ​ទឹកនោមផ្អែម​
•​    ​ការ​ងូតទឹក​សំអាត​ទ្វា​មាស​ ដោយ​ប្រើ​សាប៊ូ​ ជែ​ល​ ទឹកអប់​ ឬ​របស់​ដែល​ធ្វើ​អោយ​មាន​ពពុះ​
•​    ​មាន​ជំងឺ​នៅ​ក្នុង​អាង​ត្រគៀក​ក្រោយ​ពេល​វះកាត់​ហើយ​
•​    ​ជំងឺ​រលាក​នៅ​ក្នុង​អាង​ត្រគៀក​
•​    ​មាន​ជំងឺ​ Trichomoniasis​ ជា​ជំងឺ​បង្ក​ឡើង​ដោយ​ពពួក​បា​រ៉ា​ស៊ី​ត​ ហើយ​ជា​ធម្មតា​ច្រើន​តែ​កើត​នៅ​ពេល​ដែល​រួម​ភេទ​ដោយ​មិន​ប្រើ​ស្រោមអនាម័យ​
•​    ​ទ្វារមាស​ទ្រោម​ស្វិត​ ដែល​មាន​ជញ្ជាំង​របស់​ទ្វា​មាស​ទៅ​ជា​ស្តើង​ និង​ស្ងួត​ ក្នុងអំឡុងពេល​ អស់​រដូវ​
•​    ​រលាក​ទ្វា​មាស​
•​    ​កើត​មាន​ជំងឺផ្សិត​
ប្រភេទ​នៃ​ភាព​មិនធម្មតា​នៃ​ការ​ធ្លាក់ស​តាម​ទ្វា​មាស​ និង​មូលហេតុ​របស់​វា

ព័​ណ​ត្នោត​ ឬ​ដូច​ឈាម:​    ​ជា​ការ​ដែល​មក​រដូវ​មិន​ទៀងទាត់​ មិនសូវ​មក​រដូវ​ ឬ​មហារីក​មាត់ស្បូន​ ឬ​ភ្នាស​ខាងក្នុង​របស់​ស្បូន​     ​ហូរ​ឈាម​តាម​ទ្វា​មាស​មិនធម្មតា​ឈឺ​នៅ​ក្នុង​អាង​ត្រគៀក​
ពណ៌​លឿង​ ឬ​ល្អក់​ :   ​ជា​ជំងឺ​ប្រមេះទឹកបាយ​    ​មាន​ហូរ​ឈាម​ក្នុង​ចន្លោះ​ពេល​មក​រដូវ​ និង​មានការ​លេច​នោម​ឯងៗ​
មាន​ពពុះ​លឿងៗ​ ឬ​បៃតង​ រួម​ទាំង​ក្លិនស្អុយ​ :   ​ជា​ជំងឺ​ Trichomoniasis​    ​ឈឺ​ និង​រមាស់​ក្នុង​ពេល​បត់ជើងតូច​
ព័​ណ​ផ្កាឈូក​ :   ​ជា​ការ​ធ្លាក់​នៃ​ភ្នាស​ខាងក្នុង​របស់​ស្បូន​ក្រោយ​ពេល​សំរាលកូន​រួច​    ​
ខាប់ៗ​ ព័​ណ​សរ​ ក្លិន​ដូច​ហ្វ្រូ​ម៉ា​  :  ​ជំងឺផ្សិត​    ​ហើម​ និង​ឈឺ​ជុំវិញ​ប​បេ​របស់​ទ្វា​មាស​ រមាស់​ ឈឺ​ខ្លាំង​ក្នុង​ពេល​រួម​ភេទ​
ពណ៌​សរ​ ប្រផេះ​ ឬ​លឿង​រួម​ ទាំង​ក្លិន​ដូច​ឆ្អាប​ត្រី​ :   ​ជា​ជំងឺ​ Bacterial​ Vaginosis​    ​រមាស់​ ឬ​ក្រហាយ​ ក្រហម​ ហើយ​ហើម​ទ្វារមាស​ ឬ​ប​បេ​
តើ​គ្រូពេទ្យ​ធ្វើ​រោគវិនិច្ឆ័យ​ដូច​ម្តេចទៅ​លើ​ការ​ធ្លាក់ស​តាម​ទ្វារមាស​ខុស​ពី​ធម្មតា​ ?​
គ្រូពេទ្យ​នឹង​ចាប់ផ្តើម​ធ្វើ​តាម​រយៈ​ការ​សាកសួរ​ពី​ប្រវត្តិ​សុខភាព​ និង​រោគ​សញ្ញា​របស់​អ្នក​ ។​ ហើយ​គ្រូពេទ្យ​អាច​នឹង​សួរ​សំនួរ​ដូច​ជា​៖
•​    ​តើ​ពេល​ណា​ដែល​អ្នក​ចាប់ផ្តើម​មានការ​ធ្លាក់ស​មិនធម្មតា​នេះ​មក​?
•​    ​តើ​វា​មាន​ពណ៌​ដូច​ម្តេច​?
•​    ​តើ​វា​មាន​ក្លិន​ដែរ​ឬទេ​?
•​    ​តើ​អ្នកមាន​រមាស់​ ឈឺ​ ឬ​ក្រហាយ​ នៅ​ជុំវិញ​ទ្វារមាស​ដែរ​ឬទេ​?
•​    ​តើ​អ្នកមាន​ដៃគូរ​រួម​ភេទ​ច្រើន​ដែរ​ឬទេ​?
•​    ​តើ​អ្នក​ដែល​ធ្វើការ​សំអាត​ទ្វារមាស​របស់​អ្នក​ដែរ​ឬទេ​?
គ្រូពេទ្យ​ប្រហែលជា​ផ្តិត​យក​ទឹក​ដែល​ហៀរ​ចេញ​ ឬ​ធ្វើ​ Pap​ Test​ ដើម្បី​ប្រមូល​យក​កោសិការ​ ពី​មាត់ស្បូន​ សំរាប់​ធ្វើការ​ពិនិត្យ​ ។​
តើ​ការ​ធ្លាក់ស​តាម​ទ្វា​មាស​មិនធម្មតា​ត្រូវ​បាន​ព្យាបាល​យ៉ាងដូចម្តេច​?
ចូរ​ទូរ​សព្ទ័​ដើម្បី​ណាត់​ជួន​ជាមួយ​គ្រូពេទ្យ​ ប្រសិនបើ​អ្នក​គិត​ថា​មានការ​ធ្លាក់ស​មិនធម្មតា​ពី​ទ្វារមាស​របស់​អ្នក​ ។​ របៀបរបប​នៃ​ការ​ព្យាបាល​វា​អាស្រ័យ​ទៅ​លើ​ស្ថានភាព​ដែល​ធ្វើ​អោយ​អ្នកមាន​បញ្ហា​ ។​ ឧទាហរណ៍​ ជំងឺផ្សិត​ ជា​ធម្មតា​ត្រូវ​បាន​ព្យាបាល​ដោយ​ប្រើ​ថ្នាំ​ Antifungus​ ជា​លក្ខណៈ​ជែ​ល​ ឬ​ក្រែ​ម​ សំរាប់​សុល​ទៅ​ក្នុង​ទ្វា​មាស​ ។​ ចំពោះ​ជំងឺ​ Bacterial​ Vaginosis​ ត្រូវ​បាន​ព្យាបាល​ដោយ​ថ្នាំ​ antibiotic​ ជា​គ្រាប់​ ឬ​ក្រែ​ម​ ។​ ជំងឺ​ Trichomoniasis​ ជា​ធម្មតា​ព្យាបាល​ដោយ​ថ្នាំ​ Metronidazole​ (Flagyl)​ ឬ​ Tinidazole​ (Tindamax)​ ។​
នេះ​ជា​មធ្យោបាយ​មួយ​ចំនួន​ សំរាប់​បង្កា​ជំងឺ​នៅ​ក្នុង​ទ្វា​មាស​ដែល​ធ្វើ​អោយទៅ​ជា​ធ្លាក់ស​មិនធម្មតា​៖
•​    ​សំអាត​ទ្វារមាស​អោយ​បាន​ស្អាត​ល្អ​ ដោយ​ប្រើ​សាប៊ូ​ និង​ទឹក​ក្តៅ​អ៊ុ​នៗ​ដុះ​ថ្នមៗ​
•​    ​មិន​ត្រូវ​ប្រើ​សាប៊ូ​ណា​ដែល​មាន​ជាតិ​ទឹកអប់​នោះ​ទេ​ ។​ ហើយ​ក៏​មិន​ត្រូវ​ប្រើ​ស្ប៉ា​យ​បាញ់​ និង​ប្រើ​របស់​អ្វី​ដែល​ធ្វើ​អោយ​មាន​ពពុះ​ច្រើន​ដែរ​ ។​
•​    ​បន្ទាប់​ពី​ងូតទឹក​រួច​ ត្រូវ​ជូត​សំអាត​ពីមុខ​ទៅ​ក្រោយ​ដើម្បី​កុំអោយ​បាក់តេរី​ដែល​ចេញ​ ពី​រន្ធ​គូថ​ចូល​ទៅ​ក្នុង​ទ្វារមាស​ដើម្បី​បង្ក​ជំងឺ​បាន​ ។​
•​    ​ប្រើ​សំឡី​អនាម័យ​ដែល​ធ្វើ​ពី​ Cotton​ 100%​ និង​មិន​ត្រូវ​ស្លៀក​សំលៀក​បំពាក់​តឹង​ពេក​នោះ​ទេ​ ។​