ឥឡូវនេះ ឥទ្ធិពលរបស់ជំងឺស្ត្រេសត្រូវបានគេស្គាល់ និងដឹងយ៉ាងច្បាស់តាមរយៈប្រព័ន្ធផ្សព្វផ្សាយ និងអ៊ីនធើណេត។
បើយើងនិយាយអំពីអ៊ីនធើណេតវិញ វាមាននាទីផ្តល់ជាគេហទំព័រដ៏ធំទូលំទូលាយដែលទាក់ទងនឹងព័ត៌មានសុខភាព ដោយផ្តល់សំខាន់ទៅលើការជម្រុញអោយមនុស្សយើងរស់នៅមានសុខភាពល្អ។ ប៉ុន្តែវាហាក់បីដូចជា ធ្វើអោយយើងដឹងអំពីឥទ្ធិពលនៃជំងឺស្ត្រេសរ៉ាំរ៉ៃ ដែលវាមិនត្រឹមតែធ្វើអោយមនុស្សយើងឡើងសម្ពាធឈាម និងឈឺក្បាលនោះទេ តែវានឹងមានរឿងរ៉ាវជាច្រើនទៀតនៅពីក្នុងរឿងនេះ។
តាមការសិក្សាមួយដែលធ្វើឡើងដោយក្រុមអ្នកស្រាវជ្រាមួយក្រុម ដឹកនាំដោយសាស្ត្រាចារ្យ ត្រាស៊ី បាល (Professor Tracy Bale) នៅឯសាកលវិទ្យាល័យ ប៉េនស៊ីលវាននៀ (University of Pennsylvania) បានអោយដឹងថា ស្ត្រេសប្រហែលជាមានឥទ្ធពលដ៏ខ្លាំងក្លាមួយទៅលើការផលិតមេជីវិតឈ្មោលរបស់មេជីវិតឈ្មោល ហើយក៏អាចប៉ះពាល់ដល់សុខភាពផ្លូវចិត្តក្នុងការធ្វើអោយមានកូនបានដែរ។
បើយោងទោតាមការសិក្សា ជំងឺស្ត្រេសរ៉ាំរ៉ៃលើមនុស្សពេញវ័យ, វ័យជំទង ឬកូនក្មេងក៏ដោយ ប្រហែលជាអាចបណ្តាលអោយមានការផ្លាស់ប្តូរហ្សែននៅក្នុងមេជីវិតឈ្មោលរបស់បុរសជាប់រហូត។ អ្នកស្រាវជ្រាវបានបញ្ជាក់ថា រឿងនេះគឺជាលើកទីមួយដែលដែលមានទំនាក់ទំនងដ៏ច្បាស់លាស់មួយដែលត្រូវបានបញ្ជាក់រវាងជំងឺស្ត្រេសរ៉ាំរ៉ៃ និងជំងឺដែលជាឥទ្ធិពលរបស់វាកំពុងតែកើតឡើងទៅលើមនុស្សជំនាន់ក្រោយ។
ការសិក្សាមួយនេះបានចុះផ្សាយនៅក្នុងសារព័ត៌មាន Neuroscience ដែលបានធ្វើទៅសត្វកណ្តុរឈ្មោល។ កណ្តុរទាំងនេះត្រូវបានគេដាក់អោយវាប្រឈមមុខនឹងភាពស្ត្រេស (ប៉ះពាល់នឹងក្លិនសត្វដែលចង់សម្លាប់វា, ប្តូរពីទ្រុងមួយទៅទ្រុងមួយទៀត, ស្តាប់សម្លេង ។ល។) រយៈពេល ៦សប្តាហ៍មុនពេលធ្វើការបង្កាត់ពូជ។ ជំងឺស្ត្រេសដ៏រ៉ាំរ៉ៃនេះត្រូវបានរកឃើញថា ធ្វើអោយមានការប្រែប្រួលហ្សែនក្នុងមេជីវិតឈ្មោលរបស់សត្វកណ្តុរយ៉ាងខ្លាំង បន្ទាប់មកវានឹងផ្លាស់ប្តូរផ្នែកណាមួយនៃខួរក្បាលកូនដែលចាប់កំណើត។
សាស្ត្រាចារ្យ បាល បានបញ្ជាក់ថា “វាមិនមានបញ្ហាអ្វីទេបើសិនជាបញ្ហាស្ត្រេសឪពុកជាច្រើននោះកំពុងតែស្ថិតក្នុងស្ថានភាពពេញវ័យ ឬមនុស្សវ័យជំទង់មុនពេលមានដៃគូ។ យើងបាននៅទីនេះជាលើកដំបូងថា ស្ត្រេសអាចធ្វើអោយមាន ការផ្លាស់ប្តូរមេជីវិតឈ្មោលរយៈពេលយូរអង្វែង ដែលអាចកែប្រែលក្ខណៈខួរក្បាលកូនដែលចាប់កំណើតទៀត។ ការរកឃើញទាំងនេះបានប្រាប់ដល់ឪពុកដែលមានប្រឈមនឹងបញ្ហាស្ត្រេសនោះ ប្រហែលជាមានជាប់ពាក់ព័ន្ធនឹងជំងឺចិត្តសាស្ត្រសរសៃប្រសាទទៀតផង”៕