Join with Health.com.kh on Telegram

តើ​ចង្កោម​រោគ​សញ្ញា​នៃ​ការ​ជិត​មក​រដូវ​គឺជា​អ្វី​?

ចង្កោម​រោគ​សញ្ញា​នៃ​ការ​ជិត​មក​រដូវ​គឺជា​ឈ្មោះ​នៃ​រោគ​សញ្ញា​មួយ​ក្រុម​ដែល​មនុស្ស​ស្រី​មួយ​ចំនួន​ធ្លាប់​មាន​រយៈពេលរហូតដល់​ ១៤​ថ្ងៃមុន​ពេល​ពួក​គេ​មក​រដូវ​ ។​ រោគ​សញ្ញា​ទាំងនេះ​ជា​ធម្មតា​នឹង​បាត់​វិញ​ភ្លាមៗ​ទេ​ ក្រោយ​ពេល​ពី​ការ​មក​រដូវ​ត្រូវ​បាន​ចាប់ផ្តើម​ ។​

មនុស្ស​ស្រី​ភាគច្រើន​មាន​អារម្មណ៍​ដូច​ជា​មិន​ស្រួល​ក្នុង​ខ្លួន​តិចតួច​ មុន​ពេល​មក​រដូវ​ម្តងៗ​ ។​ ប៉ុន្តែ​ប្រសិនបើ​អ្នកមាន​ចង្កោម​រោគ​សញ្ញា​នៃ​ការ​ជិត​មក​រដូវ​ អ្នក​ប្រហែលជា​មាន​អារម្មណ៍​ថា​ ថប់​អារម្មណ៍​ បាក់ទឹកចិត្ត​ ឬ​មិន​ស្រួល​ក្នុង​ខ្លួន​ខ្លាំង​មែនទែន​ ដែល​ធ្វើ​អោយ​អ្នក​មិន​អាច​ការពារ​វា​បាន​ទាំង​នៅផ្ទះ​ ឬ​នៅ​កន្លែងធ្វើការ​ ។​ រោគ​សញ្ញា​មួយ​ចំនួន​នៃ​ចង្កោម​រោគ​សញ្ញា​ជិត​មក​រដូវ​មាន​ដូច​ជា​៖

•​    ​ចេញ​មុន​
•​    ​ឈឺ​ខ្នង​
•​    ​ប៉ោង​ពោះ​
•​    ​មិនសូវ​បរិភោគ​អាហារ​
•​    ​ទលលាមក​
•​    ​បាក់ទឹកចិត្ត​
•​    ​មាន​អារម្មណ៍​ថប់ៗ​
•​    ​អស់កំលាំង​
•​    ​ឈឺក្បាល​
•​    ​ក្រហម​មុខ​
•​    ​ឈឺសន្លាក់​
•​    ​អារម្មណ៍​មិនដឹង​នរ​
•​    ​មិន​មាន​ចំនង​ក្នុង​ការ​រួម​ភេទ​
•​    ​តឹង​ និង​ហើម​ដោះ​
•​    ​ពិបាក​ក្នុង​ការ​ផ្ចងអារម្មណ៍​
•​    ​ពិបាក​ដេក​
•​    ​ហើម​ដៃ​ ហើមជើង​
•​    ​ចង់​នៅ​តែឯង​
•​    ​ឡើង​ទម្ងន់​
រោគ​សញ្ញា​របស់​អ្នក​ប្រហែលជា​នឹង​កាន់តែ​ខ្លាំង​ទៅៗ​ ហើយនឹង​ល្អ​មក​វិញ​ដែរ​ ។​

តើ​ចង្កោម​រោគ​សញ្ញា​នៃ​ការ​ជិត​មក​រដូវ​បង្ក​ឡើង​ដោយសារ​អ្វី​?

មិន​មាន​នរណា​ម្នាក់​ដឹង​អោយ​ប្រាកដ​ថា​អ្វី​ទៅ​ជា​មូលហេតុ​របស់​ចង្កោម​រោគ​សញ្ញា​នៃ​ការ​ជិត​មក​រដូវ​នៅឡើយ​ទេ​ ។​ វា​ហាក់បីដូចជា​មានការ​ពាក់ព័ន្ធ​នឹង​ការ​បំរែបំរួល​កំរិត​អ័រម៉ូន​ក្នុងអំឡុងពេល​វ​ដ្ឋ​រដូវ​ ។​ ចង្កោម​រោគ​សញ្ញា​នៃ​ការ​ជិត​មក​រដូវ​មិនមែន​បង្ក​ឡើង​ដោយ​ការ​ Stress​ ឬ​បញ្ហា​ផ្លូវចិត្ត​នោះ​ទេ​ ប៉ុន្តែ​កត្តា​ទាំងនេះ​ប្រហែលជា​ធ្វើ​អោយ​រោគ​សញ្ញា​នៃ​ចង្កោម​រោគ​សញ្ញា​នៃ​ការ​ជិត​មក​រដូវ​កាន់តែ​ខ្លាំង​ទៅៗ​ ទៅ​វិញ​ទេ​ ។​

តើ​ចង្កោម​រោគ​សញ្ញា​នៃ​ការ​ជិត​មក​រដូវ​មានការ​ដាក់​រោគវិនិច្ឆ័យ​យ៉ាងដូច​ម្តេចទៅ​?

គ្រូពេទ្យ​នឹង​អោយ​អ្នក​តាមដាន​នូវ​រោគ​សញ្ញា​ដែល​អ្នកមាន​តាម​កាលបរិច្ឆេទ​ ។​ ប្រសិនបើ​រោគ​សញ្ញា​ទាំងនោះ​កើតឡើង​ដូចៗ​គ្នា​ជា​រៀង​រាល់​ខែ​ អ្នក​ប្រហែលជា​មាន​បញ្ហា​ ចង្កោម​រោគ​សញ្ញា​នៃ​ការ​ជិត​មក​រដូវ​ហើយ​ ។​
គ្រូពេទ្យ​ប្រហែលជា​នឹង​ពិនិត្យ​លើ​បញ្ហា​របស់​អ្នក​ និង​ធ្វើតេស្ត​មួយ​ចំនួន​ដើម្បី​ទាត់​ចោល​នូវ​បញ្ហា​ដែល​ស្រ​ដៀងៗ​គ្នា​ចេញ​ ។​ គាត់​ក៏​ប្រហែលជា​ចង់​និយាយ​ជាមួយ​អ្នក​អំពី​ទំលាប់​នៃ​ការ​ហូប​ចុក​ ការ​ហាត់ប្រាណ​ ការងារ​ និង​គ្រួសារ​របស់​អ្នក​ ។​

តើ​ចង្កោម​រោគ​សញ្ញា​នៃ​ការ​ជិត​មក​រដូវ​មានការ​ព្យាបាល​យ៉ាងដូច​ម្តេចទៅ​?

វា​មិន​មាន​អ្វី​សំរាប់​ព្យាបាល​ទៅ​លើ​ចង្កោម​រោគ​សញ្ញា​នៃ​ការ​ជិត​មក​រដូវ​នោះ​ទេ​ ប៉ុន្តែ​ការ​បរិភោគ​នូវ​របប​អាហារ​ដែល​មាន​សុខភាព​ ការ​ហាត់ប្រាណ​ជា​ទៀងទាត​ និង​ការ​ប្រើ​ថ្នាំ​ប្រហែលជា​អាច​ជួយ​អ្នក​បាន​ ។​គ្រូពេទ្យ​និង​ប្រាប់​អ្នក​អំពី​ពេល​ណា​ដែល​អ្នក​ត្រូវ​ផ្លាស់​ប្តូរ​របប​អាហារ​របស់​អ្នក​ និង​ការ​ហាត់ប្រាណ​ ។​ គាត់​ក៏​ប្រហែល​ចេញ​វេជ្ជបញ្ជា​ជា​ថ្នាំ​អោយ​អ្នក​ប្រើ​ ដោយ​យោង​ទៅ​តាម​រោគ​សញ្ញា​ដែល​អ្នកមាន​ និង​ភាព​ធ្ងន់ធ្ងរ​របស់​វា​ ។​
អ្នក​ប្រហែលជា​ត្រូវការ​ប្រើ​ថ្នាំ​លើស​ពី​មួយ​មុខ​ដើម្បី​រក​អោយ​បាន​នូវ​ការ​ព្យាបាល​ប្រភេទ​ណា​ដែល​ល្អ​បំផុត​សំរាប់​អ្នក​ ។​ មាន​ថ្នាំ​ជា​ច្រើន​ដែល​អាច​ប្រើ​បាន​ដូច​ជា​ថ្នាំ​ដោយ​មិនបាច់​មាន​វេជ្ជបញ្ជា​ ប៉ុន្តែ​ថ្នាំ​ផ្សេងៗ​ក្រៅពី​នេះ​ត្រូវ​តែ​មាន​វេជ្ជបញ្ជា​ពី​គ្រូពេទ្យ​ទើប​អាច​ប្រើប្រាស់​បាន​ ។​ ថ្នាំ​ដែល​អាច​អោយ​មាន​វេជ្ជបញ្ជា​ចេញ​បាន​មាន​ដូច​ជា​ ថ្នាំ​បញ្ចុះ​ទឹកនោម​ ថ្នាំ​ប្រឆាំង​ការ​បាក់ទឹកចិត្ត​ និង​ថ្នាំ​ពន្យា​កំនើត​ ។​ ថ្មីៗ​នេះ​ថ្នាំ​ផ្សេងៗ​ទៀត​ សំរាប់​ប្រើ​លើ​ចង្កោម​រោគ​សញ្ញា​នៃ​ការ​ជិត​មក​រដូវ​ កំពុង​ត្រូវ​បាន​សិក្សា​នៅ​ឡើង​ ។​

តើ​ថ្នាំ​បញ្ចុះ​ទឹកនោម​គឺជា​អ្វី​?

ថ្នាំ​បញ្ចុះ​ទឹកនោម​គឹ​ជា​ថ្នាំ​ដែល​ជួយ​ធ្វើ​អោយ​រាង​កាយ​របស់​អ្នក​កុំអោយ​មាន​ជាតិ​ទឹក​ និង​ជាតិ​សូ​ដ្យូ​ម​បន្ថែម​ទៀត​ ។​ ថ្នាំ​នេះ​អាច​ជួយ​លុប​បំបាត់​ការ​ហើមពោះ​ ឡើង​ទំងន់​ ការ​ឈឺ​ដោះ​ និង​ឈឺពោះ​បាន​ ។​ ថ្នាំ​បញ្ចុះ​ទឹកនោម​ជា​ធម្មតា​ត្រូវ​បាន​ប្រើ​មុន​ដែល​អ្នកមាន​រោគ​សញ្ញា​ធម្មតាៗ​ទាំងនេះ​ក្នុង​វត្ត​រដូវ​របស់​អ្នក​ ។​

តើ​ថ្នាំ​ប្រឆាំង​ការ​បាក់ទឹកចិត្ត​ជួយ​បាន​ទេ​?

ថ្នាំ​ប្រឆាំង​ការ​បាក់ទឹកចិត្ត​អាច​ជួយ​បំបាត់​ការ​ឈឺចាប់​ ការ​បាក់ទឹកចិត្ត​ និង​ការ​ថប់​អារម្មណ៍​ដែល​ធ្ងន់ធ្ងរ​ ។​ ថ្នាំ​ទាំងនេះ​ជា​ធម្មតា​ត្រូវ​តែ​ប្រើ​ជា​រៀងរាល់ថ្ងៃ​ ។​

តើ​អ្វី​ទៅ​ជា​ថ្នាំ​ពន្យា​កំណើត​?

គ្រូពេទ្យ​ប្រហែលជា​ប្រាប់​អ្នក​អោយ​ប្រើ​ថ្នាំ​ពន្យា​កំណើត​ ដើម្បី​ជួយ​បំបាត់​នូវ​រោគ​សញ្ញា​របស់​ចង្កោម​រោគ​សញ្ញា​នៃ​ការ​ជិត​មក​រដូវ​ ។​ ថ្នាំ​គ្រាប់​ពន្យា​កំណើត​អាច​ជួយ​បាន​ទោះបីជា​មាន​អ័រម៉ូន​ចេញ​ច្រើន​ក្នុង​ដំណើរ​វ​ដ្ឋ​រដូវ​របស់​អ្នក​ក៏​ដោយ​ ។​ រោគ​សញ្ញា​នៃ​ចង្កោម​រោគ​សញ្ញា​របស់​មនុស្ស​ស្រី​មួយ​ចំនួន​អាច​មាន​លក្ខណៈ​ល្អ​ច្រើន​នៅ​ពេល​ដែល​ពួក​គេ​បាន​ប្រើ​ថ្នាំ​គ្រាប់​ពន្យា​កំណើត​ហើយ​ ។​ ទោះជា​យ៉ាងណា​ក៏​ដោយ​ ថ្នាំ​គ្រាប់​ប្រភេទ​នេះ​ក៏​អាច​ធ្វើ​អោយ​មាន​ផល​ប៉ះពាល់​របស់​វា​ដែរ​ ហើយ​វា​មិនកើត​ទៅ​លើ​មនុស្ស​ស្រី​គ្រប់​គ្នា​នោះ​ទេ​ ។​

តើ​ថ្នាំ​អ្វីខ្លះ​ដែល​ខ្ញុំ​អាច​ទិញ​បាន​ដោយ​មិនបាច់​មាន​វេជ្ជបញ្ជា​?

អ្នក​អាច​ទិញ​ថ្នាំ​ដោយ​មិនបាច់​មាន​វេជ្ជបញ្ជា​បាន​ដើម្បី​ជួយ​សំរួល​ដល់​រោគ​សញ្ញា​នៃ​ចង្កោម​រោគ​សញ្ញា​នៃ​ការ​ជិត​មក​រដូវ​របស់​អ្នក​ ។​ ថ្នាំ​ទាំងនេះ​ជា​ធម្មតា​ត្រូវ​ប្រើ​រួម​គ្នា​ជាមួយ​ថ្នាំ​ Aspirin​ ឬ​ Acetaminophen​ ជាមួយនឹង​ Caffeine,​ antihistamines​ ឬ​ ថ្នាំ​បញ្ចុះ​ទឹកនោម​ ។​ ថ្នាំ​ខ្លះ​ទៀត​សំរាប់​ប្រើ​លើ​ចង្កោម​រោគ​សញ្ញា​នៃ​ការ​ជិត​មក​រដូវ​មាន​ Midol,​ Pamprin​ and​ Presyn​ PMS​ ។​
ថ្នាំ​បំបាត់​ការ​ឈឺចាប់​ដោយ​មិន​មាន​វេជ្ជបញ្ជា​ក៏​អាច​ប្រើ​បាន​ដែរ​ ។​ ថ្នាំ​ទាំងនេះ​រួម​មាន​ Ibuprofen​ (Advil,​ Motrin,​ Nuprin)​ Ketoprofen​ (Orudis​ KT)​ និង​ Naproxen​ (Aleve)​ ។​
ថ្នាំ​ទាំងនេះ​អាច​មាន​ប្រសិទ្ធភាព​យ៉ាង​ល្អ​សំរាប់​បញ្ហា​ចង្កោម​រោគ​សញ្ញា​នៃ​ការ​ជិត​មក​រដូវ​ជា​លក្ខណៈ​ល្មម​ ឬ​មធ្យម​ ។​ ចូរ​ពិគ្រោះ​ជាមួយ​គ្រូពេទ្យ​សិន​ចាំ​ចាប់ផ្តើម​ប្រើ​ថ្នាំ​ទាំងនេះ​ ។​

តើ​ខ្ញុំ​អាច​ធ្វើ​អ្វី​បាន​ខ្លះទៅ​ដើម្បី​បំបាត់រោគ​សញ្ញា​របស់ខ្ញុំ​?

ចូរ​ដឹង​អំពី​អ្វី​ទៅ​ដែល​ជា​រោគ​សញ្ញា​នៃ​ចង្កោម​រោគ​សញ្ញា​នៃ​ការ​ជិត​មក​រដូវ​ ហើយ​ពេល​ណា​ដែល​វា​កើត​មាន​ ។​ បន្ទាប់​មក​អ្នក​អាច​ផ្លាស់​ប្តូរ​របប​អាហារ​ ហាត់ប្រាណ​ និង​រៀបចំ​កាលវិភាគ​ ដើម្បី​ធ្វើ​ការងារ​ទាំងនេះ​ជា​រៀង​រាល់​ខែ​អោយ​បាន​ឆាប់​តាមតែ​អាច​ធ្វើ​បាន​ ។​

អ្នក​មិន​ត្រូវ​លះបង់​ការ​ធ្វើ​ដូច​ខាងលើ​ ហើយ​បែរជា​ងាក​មក​រក​ការ​ប្រើ​ថ្នាំ​ជំនួយ​វិញ​នោះ​ទេ​ ។​ ជំរើស​នៃ​ការ​ព្យាបាល​មានការ​ប្រែប្រួល​ពី​មនុស្ស​ម្នាក់​ទៅ​មនុស្ស​ម្នាក់​ទៀត​ ។​ គ្រូពេទ្យ​អាច​នឹង​ជួយ​អ្នក​ស្វែងរក​នូវ​ការ​ព្យាបាល​ដែល​ត្រឹមត្រូវ​សំរាប់​អ្នក​បាន​ ។​

មធ្យោបាយ​នៃ​ការ​គ្រប់​គ្រង់​លើ​ចង្កោម​រោគ​សញ្ញា​នៃ​ការ​ជិត​មក​រដូវ​

•​    ​ត្រូវ​បរិភោគ​អាហារ​ដែល​មាន​ជាតិ​ Carbohydrates​ ចំរុះ​ដូច​ជា​ គ្រាប់​ធុញ្ញ​ជាតិ​គ្រប់​ប្រភេទ​ អាហារ​សំបូរ​ជាតិ​សរសៃ​ និង​ប្រូតេអ៊ីន​ ។​ ចូរ​កាត់​បន្ថយ​នូវ​ការ​ទទួលទាន​ជាតិ​ស្ករ​ និង​ខ្លាញ់​
•​    ​ចូរ​ចៀសវាង​ជាតិ​ប្រៃ​រយៈពេល​ពីរ​បី​ថ្ងៃ​ មុន​ពេល​មក​រដូវ​ ដើម្បី​កាត់​បន្ថយ​នៃ​ការ​ហើមពោះ​ និង​ការ​ច្រាល​ជាតិ​ទឹក​ច្រើន​ ។​
•​    ​កាត់​បន្ថយ​ការ​ប្រើ​ជាតិ​ Caffeine​ ដើម្បី​កុំអោយ​សូវ​មាន​អារម្មណ៍មិនល្អ​ និង​លុប​បំបាត់​ការ​ឈឺ​ដោះ​
•​    ​ឈឺ​ផឹកស្រា​ ។​ អ្នក​អាច​ផឹក​បាន​មុន​ពេល​ពេល​ការ​មក​រដូវ​របស់​អ្នក​ធ្វើ​អោយ​មានការ​បាក់ទឹកចិត្ត​ខ្លាំង​
•​    ​ចូរ​ព្យាយាម​បរិភោគ​អាហារ​អោយ​បាន​ ៦​ពេល​ក្នុង​មួយ​ថ្ងៃ​ ឬ​ ៣​ពេល​ក្នុង​មួយ​ថៃ្ង​តែ​អោយ​បាន​ច្រើនៗ​
•​    ​ហាត់ប្រាណ​ អោយ​បាន​ ៣០​នាទី​ ក្នុង​ពេល​ និង​ត្រូវ​ហាត់​អោយ​បាន​ ៤​ ទៅ​ ៦​ដង​ក្នុង​មួ​យស​ប្តា​ហ៍​
•​    ​សំរាក​អោយ​បាន​ច្រើន​ប្រហែលជា​ ៨​ម៉ោង​នៅ​ពេល​យប់​
•​    ​បរិភោគ​អាហារ​អោយ​ទៀងពេល​
•​    ​ចូរ​ធ្វើ​កាលវិភាគ​ដើម្បី​បំបាត់​ការ​ Stress​ បន្ទាប់​ពី​មក​រដូវ​ហើយ​ ។​

តើ​វីតាមីន​ និង​ថ្នាំ​សំរាប់​ប្រើ​នៅផ្ទះ​មាន​អ្វី​ខ្លះទៅ​?

អ្នក​ប្រហែលជា​បាន​អាន​អំពី​ថ្នាំ​វីតាមីន​មួយ​ចំនួន​ និង​អាហា​បំប៉ន​ខ្លះ​ហើយ​ដូច​ជា​ វិ​តា​មីន​ B6​ វីតាមីន​ E​ ម៉ា​ញ៉េ​ស្យូ​ម​ ម៉​ង​កា​នែ​ស​ និង​ Tryptophan​ អាច​ជួយ​បំបាត់​អាកា​រៈ​នៃ​ចង្កោម​រោគ​សញ្ញា​នៃ​ការ​ជិត​មក​រដូវ​បាន​ដែរ​ ។​ វា​មិន​មានការ​សិក្សា​ច្រើន​អំពី​ការ​ព្យាបាល​ទាំងនេះ​ទេ​ ហើយ​វា​ក៏​អាច​កើតឡើង​ដែល​ថា​ភាព​គ្រោះថ្នាក់​របស់​វា​គឺ​ច្រើន​ជាង​អត្ថប្រយោជន៍​ ។​ ឧទាហរណ៍​ វីតាមីន​ B6​ និង​ វីតាមីន​ E​ អាច​មាន​ផល​ប៉ះពាល់​ដែរ​ ប្រសិនបើ​អ្នក​ប្រើ​វា​ច្រើន​ពេក​ ។​ ចូរ​និយាយ​ជាមួយ​គ្រូពេទ្យ​ប្រសិនបើ​អ្នក​កំពុង​គិត​ថា​ចង់​ប្រើ​វិ​តា​មីន​ និង​ថ្នាំ​បំប៉ន​អស់ទាំង​នេះ​ ។​

ម្យ៉ាងវិញទៀត​ ការ​ប្រើ​ថ្នាំ​គ្រាប់​កាល់ស្យូម​ ប្រហែលជា​កាត់​បន្ថយ​រោគ​សញ្ញា​នៃ​ការ​ច្រាល​ជាតិ​ទឹក​ ការ​រមួល​សាច់ដុំ​ និង​ការ​ឈឺ​ខ្នង​ ។​ ចូរ​ប្រើ​កាលស្យូម​នេះ​តែ​ ១០០០​មី​លី​ក្រាម​ក្នុង​មួយ​ថ្ងៃ​បាន​ហើយ​ ទើប​មិន​មាន​បង្ក​គ្រោះថ្នាក់​ ជា​ពិសេស​ដោយសារ​តែ​កាលស្យូម​មាន​អត្ថប្រយោជន៍​ច្រើន​ប្រភេទ​ដូច​ជា​ធ្វើ​អោយ​ឆ្អឹង​របស់​អ្នកមាន​ភាពរឹងមាំ​ល្អ​ ។