Join with Health.com.kh on Telegram

​ការ​បំបៅកូន​ដោយ​ទឹកដោះ គឺជា​ពេលវេលា​ដ៏​ពិសេស​សំរាប់​អ្នក​ទាំង​ពីរ ដែល​ជា​ម្តាយ និង ទារក ហើយ​វា​ក៏​មាន​លក្ខណៈ​ល្អប្រសើរ​សំរាប់​សុខភាព​មា្តយ និង​ទារក​ផងដែរ​។

ខាងក្រោម​នេះ គឺជា​អត្ថប្រយោជន៍​ដែល​ស្ត្រី ជា​ម្តាយ នឹង​ទទួលបាន​ពី​ការ​បំបៅ​ដោះ​ដល់​ទារក​ខ្លួន​៖

  • អ្នក​មិន​ចាំបាច់​ចំណាយ​អ្វី​ទាំងអស់ ហើយ​វា​ក៏​មិន​ចាំបាច់​ត្រូវការ​ពេលវេលា​សំរាប់​រៀបចំ​នោះទេ​។​
  • វា​អាច​ជួយ​បង្កើន​ភាពជិតស្និទ្ធ រវាង​អ្នក និង ទារក​របស់​អ្នក ។ ការដាក់​ទារក​អោយ​ជាប់​នឹង​ស្បែក​របស់​អ្នក​
    ​គឺ​មាន​សារៈប្រយោជន៍ ទាំង​ការ​បំបៅ ក៏ដូចជា​ការរីកលូតលាស់​នៃ​ចំណង​ចងរឹត​របស់​អ្នក​ទាំង​ពីរ​។​
  • វា​អាច​ជួយ​អោយ​ខ្លួនប្រាណ​របស់​អ្នក ត្រលប់​មក​រក​សភាព​ធម្មតា​វិញ​បាន​យ៉ាង​ឆាប់រហ័ស បន្ទាប់​ពី​ការ​សម្រាល​បុត្រ​រួច​។​
  • វា​អាច​ជួយ​ការពារ​អ្នក ប្រឆាំង​នឹង​ជំងឺ​មួយចំនួន​ដូចជា មហារីក​សុដន់ ឬ អូ​វែ និង ជំងឺ​ពុក​ឆ្អឹង ។​

​ទោះបីជា​ការ​បំបៅកូន​ដោយ​ទឹកដោះ ជា​វិធី​ដ៏​សាមញ្ញ​ក្នុង​ការចិញ្ចឹម​ទារក​អ្នក ភាគច្រើន​នៃ​ពួកយើង​ទាំងអស់គ្នា​ត្រូវ​ចេះ​ពី វិធី​នៃ​ការ​បំបៅ​នេះ​។ កំឡុង​ពេល​ពីរ ឬ​បី​សប្តាហ៍​ដំបូង គឺជា​ពេលវេលា​សំរាប់​មាតាបិតា និង ទារក​រៀន​ពី របៀប​រស់នៅ​ជាមួយគ្នា ដូច្នេះ​អ្នក​ប្រហែល​នឹង​ត្រូវការ ព្យាយាម​សាកល្បង​គំនិត​ផ្សេងៗ និង​ទទួលយក​ជំនួយ​មួយ​ចំនួន មុនពេល​ដែល​រឿង​ទាំងនោះ​ចាប់ផ្តើម​កើតមាន ៕