ការក្អកធ្លាក់ឈាម(hemoptysis )អាចត្រូវបានបណ្តាលមកពីលក្ខខ័ណ្ឌផ្សេងៗដែលប៉ះពាល់ទៅនឹងសួត។ ការក្អកធ្លាក់ឈាមអាចមានទំរង់ផ្សេងៗគ្នាៈឈាមអាចមានពណ៌ក្រហមឆើត ឬពណ៌ផ្កាឈូក និងមានពពុះ ឬវាអាចត្រូវបានលាយឡំជាមួយស្លេសៗ។
ការក្អកធ្លាក់ឈាមគឺជាការប្រកាសអាសន្ឋមួយទោះការធ្លាក់ឈាមនោះមានបរិមាណតិចតួចក៏ដោយ។ ទោះជាយ៉ាងណាក៏ដោយ, ការចេញជាកំហាកដែលមានឈាមពណ៌ក្រហមព្រឿងៗគឺមិនកើតជាទូទៅទេ និងជាធម្មតាវាមិនធ្ងន់ធ្ងរនោះទេ។
មូលហេតុនាំអោយក្អកឈាម
ការក្អកធ្លាក់ឈាមសំដៅទៅលើការក្អកមានឈាមដែលចេញពីផ្នែកណាមួយនៅលើផ្លូវដកដង្ហើម។ ឈាមអាចមកពីកន្លែងផ្សេងៗទៀតផងដែរដូចជា មកពីក្រពះ, ដែលអាចប្រហាក់ប្រហែលទៅនឹងការក្អកធ្លាក់ឈាម។ វាជារឿងសំខាន់សំរាប់គ្រូពេទ្យដើម្បីកំនត់ពីកន្លែងដែលធ្វើអោយហូរឈាម និងបន្ទាប់មកកំនត់ថាហេតុអ្វីបានអ្នកមានក្អកធ្លាក់ឈាម។
មូលហេតុចំបងនៃការក្អកធ្លាក់ឈាមគឺ ការរលាកទងសួតរុំារ៉ៃ(chronic bronchitis) ឬការរីកទងសួត(bronchiectasis)។
មូលហេតុដទៃផ្សេងទៀតនៃការក្អកធ្លាក់ឈាមរួមមានៈ
-ជំងឺត្បៀតទងសួត និងសួតរុំារ៉ៃ(COPD)
- ជំងឺCystic fibrosis
-ប្រើប្រាស់ថ្នាំញៀនដូចជាពពួកកូកាអ៊ីន
-ការមានខ្យល់ក្នុងសួត(Emphysema)
-មានវត្ថុចម្លែកចូលសួត
-បូសសួត
-ជំងឺមហារីកសួត
- ការឆ្លងពពួកមេរោគផ្សិត
-ជំងឺរលាកសួត
-ការស្ទះសរសៃឈាមនៅសួត(Pulmonary embolism)
- ការប៉ះទង្គិចទៅលើទ្រូង
-ជំងឺរបេង
នៅពេលណាដែលអ្នកទៅជួបនឹងគ្រូពេទ្យ
សូមទៅរកគ្រូពេទ្យប្រសិនបើអ្នកមានក្អកធ្លាក់ឈាម។ គាត់អាចកំណត់បានថាតើមូលហេតុគឺស្រាល ឬធ្ងន់។