ការបរិភោគត្រីប្រហែលជាអាចកាត់បន្ថយនៃឱកាសនៃការកើតជំងឺទឹកនោមផ្អែមប្រភេទទី២បានពាក់កណ្តាលដែរ ។
នេះគឺជាអ្វីដែលគួរអោយភ្ញាក់ផ្អើល និងជាការពិតមួយ ដែលបានមកពីអ្នកស្រាវជ្រាវ ជនជាតិ Dutch នៅឯ វិទ្យាស្ថានសុខភាពសាធារណៈ និងការការពារបរិស្ថានជាតិ ។ ពួកគេបានធ្វើពិសោធន៍លើមនុស្សប្រុសស្រីចំនាស់ៗដែលមានសុខភាពល្អធម្មតាចំនួន ១៧៥នាក់ ដើម្បីប្រាកដថាពួក គេមិនមានជំងឺទឹកនោមផ្អែម និងបញ្ហា Impaired Glucose Tolerance (ជាស្ថានភាពមួយដែលគិតថានឹងមានជំងឺទឹកនោមផ្អែម) ។
បួនឆ្នាំក្រោយមក នៅពេលដែលពួកគេធ្វើតេស្តសារឡើងវិញ ពួកគេបានរកឃើញថា មនុស្សទាំងនោះភាគច្រើនមានបញ្ហា Impaired Glucose Tolerance ប៉ុន្តែអ្វីដែលគួរអោយចាប់អារម្មណ៍នោះគឺ មានចំនួនតែ ២៥ភាគរយប៉ុណ្ណោះនៃអ្នកដែលបរិភោគត្រីទៀងទាត់មានបញ្ហា នេះបើយើងធ្វើការប្រៀបធៀបទៅអ្នកមិនបរិភោគត្រីសោះ មានចំនួន ៤៥ភាគរយ ។
អ្នកស្រាវជ្រាវជាច្រើនបានសន្និដ្ឋានថា បើយើងធ្វើការប្រៀបធៀបរវាងអ្នកដែលចូលចិត្តទទួលទានត្រី និងអ្នកមិនចូលចិត្តទទួលទានត្រី ហើយកើតជំងឺទឹកនោមផ្អែម គឺអ្នកដែលចូលចិត្តទទួលទានត្រីមានឱកាសតែពាក់កណ្តាលប៉ុណ្ណោះ ។ សារដែលកាន់តែច្បាស់នោះគឺថា អ្វីដែលនៅក្នុងសាច់ត្រីដូចជា ប្រភេទខ្លាញ់ Omega-3 ហាក់បីដូចជាជួយការពារសមត្ថភាពរបស់រាងកាយក្នុងការដឹកនាំជាតិស្ករ និងលុបបំបាត់នូវជំងឺទឹកនោមផ្អែមបាន ។ មនុស្សយើងត្រូវការសាច់ត្រីដើម្បីការពាររាងកាយបាន គឺចំនួនតិចតួចប៉ុណ្ណោះ (៣០ក្រាម) ក្នុងមួយថ្ងៃ អាចជាត្រីស្រស់ ឬត្រីកំប៉ុង ។
ប្រការប្រុងប្រយ័ត្នគឺថា ជំងឺទឹកនោមផ្អែមមិនគួរប្រើថ្នាំគ្រាប់ដែលមានជាតិខ្លាញ់ត្រីនោះទេ លើកលែងតែមានបញ្ជាពីគ្រូពេទ្យ ។ គេបានរកឃើញនូវបញ្ហាវិកវក្នុងការរក្សាជាតិស្ករលើជំងឺទឹកនោមផ្អែមមួយចំនួន ។