ចូរកុំភ្លេចជាតិប៉ូតាស្យូមដែលនៅក្នុងបន្លែផ្លែឈើ និងអាហារសមុទ្រអោយសោះ ។ វាក៏ជារូបមន្តថ្នាំសំរាប់អ្នកមានសម្ពាធឈាមខ្ពស់ដ៏ខ្លាំងក្លាមួយផងដែរ ។
ការដាក់បញ្ចូលជាតិប៉ូតាស្យូមនៅក្នុងរបបអាហារអាចជួយបន្ថយសម្ពាធឈាម និងការពារបានយូរអង្វែងដើម្បីកុំអោយឡើងទៀតនៅថ្ងៃក្រោយ ។ យោងទៅតាមភស្តុតាងនៃការធ្វើតេស្ត នៅឯ សាលាសាកលវិទ្យាល័យពេទ្យ Temple ឃើញថា បុរសចំនួន ១០នាក់ដែលមានសម្ពាធឈាមធម្មតា ហើយបានបរិភោគអាហារដែលមានជាតិប៉ូតាស្យូមគ្រប់គ្រាន់ បន្ទាប់មកអោយបរិភោគ អាហារដែលមិនសូវមានជាតិប៉ូតាស្យូមរយៈពេល ៩ថ្ងៃ ។
លទ្ធផលឃើញថា ការខ្វះខាតជាតិប៉ូតាស្យូម ធ្វើអោយបុរសទាំងនោះ មានមធ្យមភាគសម្ពាធឈាមក្នុងសរសៃអាកទែ ទាំង Diastole និង Systole ៤.១ ឡើងដល់ពី ៩០.៩ ទៅ ៩៥ ។ សម្ពាធឈាមរបស់ពួកគេមានការឡើងខ្ពស់ជាងមុន ដោយសារតែក្នុងអាហារសំបូរជាតិសូដ្យូមច្រើនពេក ។ ដូច្នេះ ប៉ូតាស្យូម ក៏ជាអ្នកជួយការពារនៅពេលដែលអ្នកចូលចិត្តបរិភោគអាហារសំបូរជាតិសូដ្យូមដែរ ។ នេះបើតាមសំដីរបស់ អ្នកនិពន្ធ G. Gopal Krishna, M.D. នៃការសិក្សាមួយ ។ គាត់បានបង្កើតទ្រឹស្តីថា កាលណាប៉ូតាស្យូមតិចពេក ធ្វើអោយជាតិ សូដ្យូមកើនឡើងកាន់តែច្រើនដែរ ហើយយូរៗទៅ វាប្រហែលជានឹងធ្វើអោយសម្ពាធ ឈាមឡើងខ្ពស់ ។
ការទទួលទានជាតិប៉ូតាស្យូមគ្រប់គ្រាន់ក៏អាចជួយបន្ថយនូវការប្រើថ្នាំផងដែរ ។ មានការសិក្សាមួយ នៅសាកលវិទ្យាល័យ Naples ក្នុងប្រទេសអ៊ីតាលីបានរកឃើញថា ភាគរយនៃអ្នកជំងឺដែលត្រូវការប្រើថ្នាំសំរាប់គ្រប់គ្រង់ការឡើងសម្ពាធឈាមខ្ពស់ក្នុងកំរិតតែពាក់ កណ្តាល់ ឡើងដល់ ៨១ភាគរយទៅហើយ ក្រោយពីបានប្រើរបបអាហារដែលមានជាតិប៉ូតាស្យូមខ្ពស់រយៈពេលមួយឆ្នាំរួចមក ។
លើសពីនេះទៅទៀត ភាគរយនៃអ្នកជំងឺដែលនិយមបរិភោគអាហារសំបូរទៅដោយប៉ូតាស្យូមខ្ពស់ ហើយអាចបញ្ឈប់ការប្រើប្រាស់ថ្នាំទាំងស្រុងគឺ ៣៨ភាគរយដែរ ។ ពួកគេជាធម្មតាត្រូវទទួលទាន ពី ៣ ទៅ ៦ដងនៃអាហារដែលមានជាតិប៉ូតាស្យូមខ្ពស់ក្នុងមួយថ្ងៃ ហើយមធ្យមភាគក្នុងការទទួលទានគឺ ប្រហែលជា ៦០ភាគរយ ។