Join with Health.com.kh on Telegram

ឥឡូវ​ចូរ​យើង​ពិនិត្យ​មើល​ម្តង​អំពី​គ​ន្លឺះ​មាស​នៅ​ក្នុង​ការ​បញ្ឈប់​ការ​ជក់បារី​។​

ចូរ​អ្នកដឹង​អំពី​វិធី​ទាំង​អស់នេះ​ដើម្បី​ជីវិត​យូរអង្វែង​និង​សុខភាព​កូន​របស់​អ្នក​។​
-​ បោះបង់​ការ​ជក់បារី​ គឺជា​រឿង​មួយ​ដ៏​ល្អ​ប្រពៃ​បំផុត​សំរាប់​លើកកំពស់​សុខភាព​ និង​ រូបរាង​កាយ​របស់​អ្នក​ ។​
-​ ត្រូវ​បញ្ឈប់​ការ​ជក់បារី​អោយ​បាន​ ៣​ ខែ​ មុន​នឹង​ចង់​មាន​បុត្រ​ធីតា​ ។​
-​ សូមកុំ​ជក់បារី​អោយ​សោះ​ក្នុងអំឡុងពេល​អ្នកមាន​ផ្ទៃពោះ​ ។​
-​ បារី​ គឺជា​ផ្លូវ​ដឹកនាំ​អ្នក​អោយ​ប្រើប្រាស់​ថ្នាំ​ខុសច្បាប់​ផ្សេងៗ​ទៀត​ ។​
-​ អ្នក​ដែល​ចូល​ចិត្ត​ជក់បារី​មិន​គួរ​នៅ​ក្បែរ​ ឬ​ បីត្រកង​ទារក​,​ ក្មេងៗ​តូចៗ​ឡើយ​ ពីព្រោះ​វា​អាច​ធ្វើ​អោយ​ក្មេងៗ​ទាំងនោះ​ប្រឈម​មុខ​ទៅ​នឹង​គ្រោះថ្នាក់​ដោយសារ​ផ្សែង​ ឬ​ ជាតិ​បារី​ដែល​នៅ​ជាប់​នឹង​អ្នក​ជក់បារី​នោះ​ ។​
-​ សូមកុំ​ជក់បារី​ដែល​មាន​ជាតិ​ជ័រ​ខ្ពស់​ (high-tar​ cigarettes)​ ។​
-​ ប្រសិនបើ​អ្នក​ចង់​ជក់បារី​,​ សូមកុំ​ជក់​ទៅ​ដល់​កន្ទុយ​តំរង​បារី​ (filter)​ អោយ​សោះ​ ពីព្រោះ​វា​ជា​កន្លែង​ដែល​សារធាតុ​គីមី​នៃ​ជំងឺមហារីក​ (cancer​ chemicals)​ ប្រមូលផ្តុំ​គ្នា​ ។​
-​ ប្រសិនបើ​មិន​អត់​បារី​បាន​,​ អ្នក​គួរតែ​ជក់​មិន​អោយ​លើស​ពី​ ៥​ ដើម​ឡើយ​ក្នុង​មួយ​ថ្ងៃ​ ។​
-​ សូមកុំ​ជក់បារី​នៅ​ពេល​អ្នក​ផឹក​គ្រឿង​ស្រវឹង​ ទោះបីជា​អ្នក​យល់​ថា​ក្នុង​ចំនោម​ពីរ​នេះ​ អ្នក​មិន​អាច​អត់​មាន​មួយ​ណា​បាន​ក៏​ដោយ​ ។​
-​ មនុស្ស​ភាគច្រើន​យល់​ថា​ ការ​ឈប់​ជក់បារី​មាន​ភាព​ងាយស្រួល​ជាង​អ្វី​ដែល​ពួក​គេ​បាន​គិត​ពី​ដំបូង​ និង​ សង្ឃឹមថា​ពួក​គេ​អាច​ធ្វើ​វា​បាន​យ៉ាង​លឿន​ ។​
-​ ប្រសិនបើ​អ្នក​ស្ថិត​ក្នុង​គ្រួសារ​ដែល​មាន​សមាជិក​ក្មេងៗ​,​ អាយុ​តិចៗ​,​ អ្នក​តែ​គួរ​រក​កន្លែង​ជក់​នៅ​ខាងក្រៅ​ផ្ទះ​ ។​
-​ ការ​បង្ហុយផ្សែងៗ​បារី​ ហើយ​ប៉ះពាល់​ទៅ​ដល់​អ្នក​ដទៃ​ដែល​នៅ​ក្បែរ​នោះ​ គឺជា​អំពើ​ប្រឆាំង​នឹង​សង្គម​ (antisocial)​ ។​

បញ្ឈប់​ការ​ជក់បារី
ការ​ញៀន​នឹង​បារី​គឺជា​រឿង​សាមញ្ញ​មួយ​ និង​ ស្របច្បាប់​សំរាប់​ប្រជាជន​ស្ទើរ​គ្រប់​ប្រទេស​,​ ប៉ុន្តែ​វា​ជា​បញ្ហា​មួយ​ដ៏​កាច​សា​ហាច​ និង​ ពិបាក​បញ្ឈប់​ជាង​ការ​ញៀន​ហេ​រ៉ូ​អ៊ី​ន​ (heroin)​ ទៅ​ទៀត​ ។​

បញ្ឈប់​ការ​ជក់បារី​ គឺជា​រឿង​មួយ​ដ៏​សំខាន់​ និង​ បាន​ផ្តល់​ផលប្រយោជន៍​រយៈពេល​ខ្លី​ និង​ រយៈពេល​វែង​ជា​ច្រើន​លើសលុប​សំរាប់​សុខភាព​របស់​អ្នក​ ។​

ខាងក្រោម​នេះ​គឺជា​រឿង​គ្រោះថ្នាក់​នៃ​បារី
-​ មាន​ធាតុគីមី​ដែល​ប្រកប​ទៅ​ដោយ​គ្រោះថ្នាក់​ចំនួន​ ៣០០០​ មុខ​នៅ​ក្នុង​បារី​តែ​មួយ​ដើម​ប៉ុណ្ណោះ​ ។​
-​ មាន​ជាតិ​កាបូន​មូ​ណូ​អុកស៊ីត​ (carbon​ monoxide)​ រហូត​ទៅ​ដល់​ ៥​ ភាគរយ​,​ ដែល​ដូច​គ្នា​ទៅ​នឹង​ការ​ស្លាប់​ដោយសារ​ឧស្ម័ន​ (gas)​ នៅ​ក្នុង​រថយន្ត​ ¬-​ ហើយ​វា​បាន​បញ្ឈប់​ឈាម​របស់​អ្នក​ពី​ការ​ស្រូប​យក​អុក​ស៊ី​សែន​ ។​
-​ ជាតិ​ជ័រកៅស៊ូ​ (tar)​ ដែល​គេ​យក​មក​ក្រាល​នៅ​លើ​ផ្លូវថ្នល់​ដូច​គ្នា​នឹង​ជាតិ​កៅស៊ូ​ដែល​គេ​យក​មក​ធ្វើ​ជា​បារី​,​ ហើយ​វា​អាច​បណ្តាល​អោយ​មាន​ជំងឺមហារីក​ (cancer)​ ។​
-​ ជាតិ​ជ័រកៅស៊ូ​ដែល​គ្រោះថ្នាក់​បំផុត​។​
-​ សារធាតុ​គីមី​ដទៃ​ទៀត​ដែល​យើង​ស្រូប​ចូល​តាម​រយៈ​ផ្សេងៗ​បារី​មាន​ដូច​ជា​ អា​ម៉ូ​នី​ញ៉ា​ (ammonia​ ជា​សារធាតុ​ដែល​គេ​បាន​រក​ឃើញ​នៅ​ក្នុង​គ្រាប់រំសេវ​ផ្ទុះ​,​ ថ្នាំ​ធ្វើ​អោយ​ស្បែក​ស​ និង​ ទឹក​លាង​បង្គន់​);​ cyanide​ (​ថ្នាំ​បំពុល​មនុស្ស​អោយ​ស្លាប់​);​ ហ្វេ​ណុ​ល​ (phenols​ ជា​សារធាតុ​រក​ឃើញ​នៅ​ក្នុង​ថ្នាំលាប​ពណ៌​ (paint​ stripper)​ ។​
ខាងក្រោម​នេះ​គឺជា​ហេតុផល​មួយ​ចំនួន​ដែល​ធ្វើ​អោយ​មនុស្ស​ជក់បារី
-​ នៅ​ពេល​ដែល​ជាតិ​នី​កូ​ទិន​ (nicotine)​ បាន​រត់​មក​ដល់​ខួរក្បាល​,​ វា​ធ្វើ​អោយ​ក្បាល​របស់​អ្នក​វិល​ ហើយនឹង​មាន​អារម្មណ៍​ភ្ញាក់​,​ រំញោច​ និង​ ដឹងខ្លួន​ភ្លាម​ ។​
-​ ជាតិ​នីកូទីន​ធ្វើ​អោយ​បេះដូង​ដើរ​ញាប់​ (heart​ beat​ faster),​ ដូច្នេះ​វា​ធ្វើ​អោយ​ចរន្តឈាម​រត់​ពេញ​ដងខ្លួន​ក្នុង​មួយ​នាទីៗ​ ហើយ​មនុស្ស​នឹង​មាន​អារម្មណ៍​ថា​ពួក​គេ​ត្រៀមខ្លួន​រួច​ជា​ស្រេច​ដើម្បី​ក្រោក​ឡើង​ ហើយ​ចាប់ផ្តើម​ដើរទៅ​មុខ​បន្ត​ទៀត​ ។​
-​ ជាតិ​នីកូទីន​ (nicotine)​ ជួយ​កាត់​បន្ថយ​ការ​តឹង​សាច់​ (tension​ in​ muscles)​ ដែល​ធ្វើ​អោយ​មនុស្ស​បាន​ធូរស្រាល​ពី​ការ​ឈឺចាប់​ និង​ ហើម​ ។​
-​ ជាតិ​នីកូទីន​ (nicotine)​ ជួយ​បន្ធូរបន្ថយ​រោគ​តប់ប្រមល់​,​ ខ្វល់ខ្វាយ​ និង​ ស្ត្រេ​ស​ ។​
-​ ជាតិ​នីកូទីន​ (nicotine)​ ហាក់ដូចជា​បាន​ជួយ​មនុស្ស​បំបាត់​ភាព​អផ្សុក​ និង​ អស់កំលាំង​ ។​    ​