ជំងឺទឹកនោមផ្អែមមានប៉ុន្មានប្រភេទ?
ជំងឺទឹកនោមផ្អែមបានក្លាយទៅជាជំងឺដែលកើតមានយ៉ាងច្រើននៅក្នុងប្រទេសកម្ពុជាយើង។នៅពេលដែលយើងនិយាយអំពីជំងឺទឹកនោមផ្អែមនៅកម្ពុជាយើង គេច្រើននិយាយយោងដល់ជំងឺទឹកនោមផ្អែមប្រភេទពីរដែលកើតមានញឹកញាប់ជាងគេ។
ជំងឺទឹកនោមផ្អែមមានបីប្រភេទសំខាន់គឺទឹកនោមផ្អែមប្រភេទ១ ទឹកនោមផ្អែមប្រភេទ២និងទឹកនោមផ្អែមពេលមានផ្តៃពោះ។ជំងឺទឹកនោមផ្អែមទាំងបីនេះមានមូលហេតុខុសគ្នា។
ជំងឺទឹកនោមផ្អែមប្រភេទ១ (type 1 diabetes)
ជំងឺទឹកនោមផ្អែមប្រភេទ១ កើតឡើងដោយសារប្រព័ន្ធភាពស៊ាំរបស់អ្នកធ្វើការវាយប្រហារ និងបំផ្លាញកោសិការសំរាប់ផលិត Insulin នៅក្នុងលំពែង ។ ការបំផ្លាញបែបនេះធ្វើអោយការផលិតជាតិ Insulin របស់អ្នកមានការថយចុះ ឬមិនអាចផលិតបានតទៅទៀត ដែលវាជាហេតុធ្វើអោយគ្នាននរណាជួយនាំជាតិស្ករចូលទៅក្នុងកោសិការបាន ហើយធ្វើអោយជាតិស្ករទាំងនោះផ្តុំគ្នាច្រើននៅក្នុងចរន្តឈាម ។
គេគិតថា ជំងឺទឹកនោមផ្អែមប្រភេទទី១ ត្រូវបានបង្កឡើងដោយភាពផ្សំគ្នាគ្នានៃបញ្ហាតំនរពូជ និងកត្តាបរិដ្ឋាន ហើយកត្តាទាំងអស់នោះគេមិនបានដឹងច្បាស់នៅឡើយទេ ។ ជំងឺនេះច្រើនកើតមានតាំងពីកុមារភាពឬវ័យជំទង់។
ដំណាក់កាលត្រៀមទឹកនោមផ្អែម( Prediabetes) និង ជំងឺទឹកនោមផ្អែមប្រភេទទី២ (type 2 diabetes)
ដំណាក់កាលត្រៀមទឹកនោមផ្អែម (Prediabetes) អាចវិវត្តន៍ទៅជាជំងឺទឹកនោមផ្អែមប្រភេទ២បាន ហើយ ជំងឺទឹកនោមផ្អែមប្រភេទ២នេះដែរ កើតឡើងដោយសារកោសិការជាច្រើននៅក្នុងខ្លួនរបស់អ្នក មានភាពស៊ាំនឹងសកម្មភាពរបស់ Insulin នោះទេ ហើយលំពែងក៏មិនអាចផលិត Insulin បានគ្រប់គ្រាន់ក្នុងការបំបាត់នៃការស៊ាំ ទាំងនោះដែរ ។
ដោយសារតែជាតិស្ករមិនអាចចូលទៅក្នុងកោសិការបាន ធ្វើអោយស្ករទាំងនោះផ្តុំគ្នាច្រើននៅក្នុងចរន្តឈាម ។ មូលហេតុច្បាស់លាស់នៃដំនើរការមួយនេះ មិនទាន់ដឹងនៅឡើងទេ ។ប៉ុន្តែដូចជាជំងឺទឹកនោមផ្អែមប្រភេទ១ដែរ គេជឿថាបញ្ហាតំនរពូជ និងកត្តាបរិស្ថានដើរតួក្នុងការវិត្តន៍ទៅជាប្រភេទ២បន្ថែមទៀត ។ ការធាត់ខ្លាំងពេក គឺមានការទាក់ទងគ្នាយ៉ាងខ្លាំងនឹងការវិត្តន៍ទៅជាជំងឺទឹកនោមផ្អែមប្រភេទទី២ ដែរ ប៉ុន្តែមិនមែនមានន័យថាអ្នកធាត់ខ្លាំងទាំងអស់សុទ្ធតែនឹងមានជំងឺទឹកនោមផ្អែមប្រភេទ២ទាំងអស់គ្នានោះទេ ហើយក៏មិនមែនន័យថាអ្នកទឹកនោមផ្អែមទាំងងស់សុទ្ឋតែធាត់លើសទម្ងន់នោះដែរ។
ជំងឺទឹកនោមផ្អែមពេលមានផ្ទៃពោះ( Gestational Diabetes )
ក្នុងពេលដែលមានផ្ទៃពោះ ទងសុកធ្វើការផលិតអ័រមូនជាច្រើនសំរាប់ថៃរក្សាគភ៌របស់អ្នក។ អ័រម៉ូនទាំងនេះធ្វើអោយកោសិការមានភាពស៊ាំកាន់តែខ្លាំងនឹង អ័រម៉ូន Insulin ។ នៅពេលដែលទងសុកមានការលូតលាសកាន់តែធំទៅៗ ក្នុងត្រីមាសទី២ និង ទី៣ វាក៏បញ្ចេញអ័រម៉ូនទាំងនេះកាន់តែច្រើន ដែលវាជាហេតុធ្វើអោយ Insulin ពិបាកក្នុងការបំពេញមុខងាររបស់វា ។
ជាធម្មតា លំពែងរបស់អ្នកមាននាទីផលិត Insulin បន្ថែមដើម្បីបំបាត់នូវាភាពស៊ាំដែលបានមកពីការមានផ្ទៃពោះ ។ ប៉ុន្តែពេលខ្លះលំពែងរបស់អ្នកមិនអាចធ្វើការងារនេះបានទេ ។ ដូច្នេះហេតុការណ៍នេះកើតឡើង ធ្វើអោយកំរិតជាតិស្ករដែលត្រូវចូលទៅក្នុងកោសិការមានចំនួនតិច ហើយបែរជាសល់ស្ករច្រើននៅក្នុងឈាមទៅវិញ ។ ព្រិត្តិការណ៍ទាំងនេះហៅថាទឹកនោមផ្អែមពេលមានផ្ទៃពោះ( Gestational Diabetes )។