ស្បែកគ្រប់ក្បាលលិង្គ គឺជាស្រទាប់ស្បែកដ៏ស្តើងមួយដែលគ្របពីលើក្បាលលិង្គមនុស្សប្រុស។ មិនមែនមនុស្សគ្រប់គ្នាសុទ្ធតែមានស្បែកនេះឡើយ។ បើសិនជាអ្នកបានកាត់ចុងហើយ ស្បែកគ្របក្បាលលិង្គនឹងលែងមានហើយតែវានោលើដងលិង្គវិញ។ អ្នកប្រហែលជាអាចមានសម្លាកបើសិនជាកាត់ស្បែកគ្របក្បាលលិង្គនេះចេញ។ បើសិនជាអ្នកមិនទាន់កាត់ស្បែកគ្របក្បាលលិង្គទេ វាអាចមានបញ្ហាសុខភាពខ្លះដែលកើតឡើងចំពោះវាបើសិណជាអ្នកមិនយកចិត្តទុកដាក់ថែរក្សាទេ។ ខាងក្រោមនេះគឺជាគន្លឹះមួយចំនួនតូចដែលអាចជួយអ្នកចៀសផុតពីការឈឺចាប់ ឬភាពមិនស្រួលចំពោះស្បែកគ្របក្បាលលិង្គនៅថ្ងៃអនាគត់បាន៖

  • ចូរសម្អាតផ្នែកខាងក្រោមស្បែកគ្របក្បាលលិង្គជាទៀងទាត់។ ចូរលាងសម្អាតវាជារៀងរាល់ថ្ងៃជាមួយនឹងទឹកក្តៅឧណ្ហៗ ហើយក៏ត្រូវតែបើកឲ្យដល់សាច់នៅខាងក្រោមស្បែកគ្របក្បាលលិង្គនោះដែរ
  • ចូរចៀសវាងការប្រើផលិតផលអនាម័យដែលមានក្លិនក្រអូប។ សារធាតុក្រអូបបែបនេះអាចធ្វើឲ្យមានប្រតិកម្មអាឡែហ្ស៊ីដល់ស្បែក ហើយក៏ងាយនឹងឲ្យលូតលាស់មេរោគបានដែរ។ ចូរជ្រើសរើសសាប៊ូដុសខ្លួន និងសាប៊ូកក់សក់ដែលមានជាតិកាត់តិចតួចបំផុតតាមតែអាចធ្វើទៅបាន
  • ចូរផ្លាស់ប្តូរខោទ្រនាប់ជាទៀងទាត់។ ខោទ្រនាប់ដែលគគ្រិចអាចជាប់បាក់តេរី ឬសំណើមនៅក្រោមស្បែកគ្រប់លិង្គ និងបង្កជាការរលាក ការបង្ករោគ ឬក្លិនស្អុយបាន។ ចូរផ្លាស់ប្តូរខោទ្រនាប់ថ្មីម្តងក្នុងមួយថ្ងៃ។ បើសិនជាអាចចូរ ស្លៀកខោខ្លីធម្មតាបានហើយ
  • ចូរពាក់ស្រោមអនាម័យការពារនៅពេលរួមភេទ។ បាក់តេរី និងវីរុស អាចរាលដាលចូលទៅក្នុងលិង្គបានបើសិនជាមានការរួមភេទដោយមិនបានការពារ។ ទោះបីជាមិនទាក់ទងនឹងជំងឺកាមរោគក៏វាអាចចូលទៅក្នុងក្រោមស្បែកលិង្គ និងបង្ករោគបានដែរ៕