Join with Health.com.kh on Telegram

មនុស្ស​យ៉ាង​តិច​៣៧៥​នាក់​បាន​ស្លាប់​ និង​៧៥៥​នាក់​បាន​រងរបួស​ នៅក្នុង​មហា​សោកនាដកម្ម​ ថ្ងៃ​បុណ្យ​អុំទូក​កាលពី​យប់​ថ្ងៃទី​២២​ខែវិច្ឆិកា​។ ​គ្រូពេទ្យ​បាន​និយាយថា​ ពួកគេ​ស្លាប់​ដោយសារ​ថប់ដង្ហើម​ ​និង​របួស​សរីរាង្គ​ខាងក្នុង ​ដោយសារ​ការ​រត់​ជាន់​ដែល​បណ្តាល ​មកពី​ហ្វូង​មនុស្ស​ដែលភ័​ស្លន់ស្លោរ​។​

​ចំនួន​មនុស្ស​ស្លាប់​អាច​នឹង​កាត់បន្ថយ បើសិនជា​ការ​សង្គ្រោះ​មាន​ប្រសិទ្ឋភាព​ជាង​នេះ​។ ​ការ​ថប់ដង្ហើម​គឺ​បានន័យថា​ មាន​ការខ្វះ​ខ្យល់​អុក​ស៊ី​សហ្សែ​ន​ ដែល​ចាំបាច់​សំរាប់​ខូ​រ​ក្បាល​បេះដូង ​និង​កោសិកា​ផ្សេងទៀត​ដើម្បី​រស់​។ ​បើសិន​ជា​មនុស្ស​គ្រប់គ្នា​នៅ​កន្លែងកើតហេតុ​ពិសេស​កម្លាំង​សមត្ថកិច្ច​ដែល​ប្រចាំការ​នៅ​ទៅនោះ​យល់​ច្បាស់​អំពី​វិធី​សង្គ្រោះ​បឋម​នៅពេល​មាន​ការ​ថប់ដង្ហើម​ពួកគេ​ប្រហែលជា​នឹង​អាច​ជួយសង្គ្រោះ​ជីវិត​មនុស្ស​បាន​ច្រើន​ជាង​នេះ​។​នៅពេលដែល​មាន​ក​រថប់​ដង្ហើម​បែប​នេះ​ការសង្គ្រោះ​ផ្លូវដង្ហើម​និង​បេះដូង​មាន​សារសំខាន់​ណាស់​ដើម្បី​ធានា​ថា​មាន​ខ្យល់​អុកស៊ីសែន​គ្រប់គ្រាន់​ទៅ​ចិញ្ចឹម​កោសិកា​ហើយ​បេះដូង​នៅ​មាន​សមត្ថភាព​ច្របាច់​ឈាម​ដែល​នាំ​អុកស៊ីសែន​ទៅ​ចិញ្ចឹម​ខួរក្បាល​និង​រាងកាយ​។​

​ដើម្បី​ជួយសង្គ្រោះ​ផ្លូវដង្ហើម​របស់​ជនរងគ្រោះ ​នោះ​គេ​ត្រូវ​អនុវត្ត​គោលការណ៍​ABC​។​ អក្សរ​A តំណាង​អោយ​ការពិនិត្យ​ផ្លូវដង្ហើម​។​ អក្សរ​B​តំណាង​អោយ​ការបញ្ចូល​ខ្យល់​និង​អក្សរ ​C​តំណាង​អោយ​ដំណើរ​ឈាម​រត់​។​គេ​អាច​ពិនិត្យមើល​ផ្លូវដង្ហើម​ដោយ​ជំហាន​ដំំ​បូង​គេ​ត្រូវដាក់​ក្បាល​របស់ជ​ន​រងគ្រោះ​ភ្ងើយ​ទៅ​ក្រោយ​ដើម្បី​បើក​ផ្លូវដង្ហើម​រួច​យក​ថ្ពាល់​របស់​អ្នក​សង្គ្រោះ​ដាក់​ជិត​ច្រមុះ​របស់​ជនរង្គ្រោះ​។​បើសិន​ជា​ជនរងគ្រោះ​អាច​ដកដង្ហើម​បាន​នោះ​ជន​អ្នក​សង្គ្រោះ​អាចនឹងទទួល​អារម្មណ៍​ខ្យល់​មក​ប៉ះ​នឹង​ថ្ពាល់​របស់គាត់​។​ប៉ុន្តែ​បើសិនជា​ជនរងគ្រោះ​មិន​ដកដង្ហើម​ទេនោះ​អ្នក​សង្គ្រោះ​ត្រូវតែ​បញ្ចូល​ខ្យល់​ដង្ហើម​ពីរដង​(​ម្តង​មួយ​វិនាទី​)​ដើម្បី​អោយ​ទ្រូ​វ​រីក​។​

​ជំហាន​បន្ទាប់​អ្នក​សង្គ្រោះ​ពិនិត្យ​ជីពចរ​។​បើសិន​ជា​ជនរងគ្រោះ​មាន​ ជីពចរ​ទៀងទាត់​នោះ​មានន័យ​ថា ​បេះដូង​របស់​គាត់​មាន​ដំណើរការ​។​ដូច្នេះ​គេ​ត្រូវ​ប​បន្ត​បញ្ចូល​ខ្យល់​ដង្ហើម​ម្តង​រៀងរាល់​៥​ទៅ​៦​វិនាទី​ទន្ទឹមនឹង​ពិនិត្យ​ជីពចរ​រៀងរាល់​២​នាទី​ម្តង​។​

​ផ្ទុយទៅវិញ​ក្នុង​ករណី​ជនរងគ្រោះ​មិន​មាន​ជីពចរ​ទេនោះ ​វា​មានន័យថា​បេះដូង​របស់​គាត់​មិន​ដំណើរការ​ទេ​។​ ដូច្នេះ​បេះដូង​មិន​អាច​ច្របាច់​ឈាម​ដែល​នាំ​អុកស៊ីសែន​ទៅ​ចិញ្ចឹម​ខួរក្បាល​និង​កោសិកា​បានឡើយ​។​ ម្ល៉ោះហើយ​ការសង្គ្រោះ​បេះដូង​ជារ​ការចាំបាច់​បំផុត​។​

ក្នុង​ស្ថានភាព​នេះ​ការសង្គ្រោះ​ផ្លូវដង្ហើម​និង​បេះដូង​ដែលជា​អ្នកធានា​ ចរន្តឈាម​រត់​ត្រូវតែ​ធ្វើ​ដំណាលគ្នា​។​ អ្នក​សង្គ្រោះ​ត្រូវ​សង្កត់​បេះដូង​ចំនួន​៣០​រួច​ផ្លុំ​ខ្យល់​ចំនួន​២​ដង​។​ បន្ទាប់​មក​ចាប់ផ្តើម​សង្កត់​បេះដូង​៣០​ដង​និង​ផ្លុំ​ខ្យល់​ចំនួន​ពីរ​ដង​ទៀត​។​ ធ្វើ​ដូច្ន​វចុះ​ឡើង​ដើម្បី​សង្កត់​បេះដូង​(​នៅ​ផ្នែក​ខាងឆ្វេង​នៃ​ទ្រូង​)​អោយបាន​១០០​ដង​នៅ​ក្នុង​មួយ​នាទី​។​គេ​ត្រូវធ្វើ​ដូ្ចនេះ​រហូតដល់​ជនរងគ្រោះ​ដឹងខ្លួន​។​