ការ មកឈាមរដូវចាប់ផ្ដើមកើតមាន ពិព្រោះអ័រមនចេញពីក្រពេញនៅក្នុងខួរក្បាល បានប្រាប់ដល់ក្រពេញ អូវ៉ែរអោយផលិតអ័រមនភេទស្ដ្រី គឺអឺស្ដ្រូសែន និងប្រូសេ ស្ដេរ៉ូន។
ក្រពេញអូវ៉ែរចាប់ផ្ដើមផលិតកោសិការ បន្ដពូជញី មួយដែលហៅថាអូវុលជារៀងរាល់ ខែហើយអ្នកក៏ចាប់ផ្ដើមមានឈានរដូវ។
ទោះបីជាការមកឈាមរដូវ ជាទូទៅច្រើនកើតមាននៅអាយុប្រហែល ១២ឆ្នាំក្ដី ការមកឈាមរដូវនៅចន្លោះ អាយុពី៨ឆ្នាំទៅ១៦ឆ្នាំជារឿងធម្មតា។ សូម្បីតែនៅពេលមុនមកឈាម រដូវជាលើកដំបូងក្ដី អ្នកក៏អាចមាន កូនបានដែរ បើសិនជាអ្នករួមភេទដោយមិន បានការពារ។ ស្ដ្រីនឹងលែងមានឈាមរដូវ នៅក្នុងអាយុប្រហែលជា៥១ ឆ្នាំ។
ការឈឺចាប់នៅពេលមានឈាមរដូវកើតមាន យ៉ាងញឹកញាប់។ ប៉ុន្ដែបើសិនជាមានការឈឺចាប់ ខ្លាំងពេកពិបាក ទ្រាំនោះ អ្នកត្រូវទៅជួប គ្រូពេទ្យ។ ដោយគណនាចាប់ពីថ្ងៃទីមួយនៃការ ធ្លាក់ឈាមរដូវទៅនោះ វដ្ដនៃការធ្លាក់ឈាមរដូវមាន រយៈពេលប្រហែល២៨ថ្ងៃ។
អ័រម៉នបញ្ជាអោយក្រពេញអូវែរ ផលិតកោសិកាបន្ដពូជញីហើយ ស្រទាប់សាច់ស្បូនរីកលូតលាស់។ កោសិកាបន្ដពូជញីនោះ ធ្វើដំណើរទៅកាន់ស្បូន តាមរយៈដៃស្បូន។ បើសិនជាកោសិកាញីនោះ មិនជួបកោសិកាបន្ដពូជ ឈ្មោល ដែលហៅថាស្ប៉ែម៉ាតូសូអ៊ីតទេនោះ វានឹងរលាយជាមួយនឹងស្រទាប់សាច់ស្បូន។
- ថ្ងៃទី ១ដល់ថ្ងៃទី៥: ការមកឈាមរដូវកើតមាន។ ស្រទាប់សាច់ដុំស្បូនរលាយ និងធ្វើដំណើរមកក្រៅតាមរន្ដយោនី។
- ថ្ងៃទី១ដល់ថ្ងៃទី១២: អ័រម៉នចេញពីខួរក្បាល បញ្ជាការរីកលូតលាស់នៃហ្វូលេគីលកោសិ កាបន្ដពូជញី (អូវុល)។ អ័រម៉នអឺស្ដ្រូសែនចេញពីក្រពេញ អូវែរបណ្ដាលអោយស្រទាប់សាច់ ដុំស្បូនឡើងក្រាស់។
- ថ្ងៃទី១២ដល់ថ្ងៃទី១៦: ការបញ្ចេញកោសិកាបន្ដពូជញីឬអូវុល។ កោសិកាបន្ដពូជញីមួយនឹងត្រូវ បញ្ចេញមក។ ចំណែកក្រពេញអូវែរចាប់ផ្ដើមផលិតអ័រមនប្រូសេស្ដេរ៉ូន។
- ថ្ងៃទី១៧ដល់ថ្ងៃទី២៤: កោសិកាបន្ដពូជញី ឬអូវុលនោះ នឹងធ្វើដំណើរតាមដៃស្បូនមករកស្បូន។
- ថ្ងៃទី២៤ដល់ថ្ងៃទី២៨: បើសិនជាមិនមានការបង្កកំណើតទេ ក្រពេញអូវ៉ែរនឹងលែងផលិត អ័រមន អឺស្ដ្រូសែនហើយ បណ្ដាលអោយកកើតជាការមកឈាមរដូវ។
