ស្ត្រីជាច្រើននៅក្នុងពិភពលោកបាន បាត់បង់ជីវិតដោយសារតែជម្ងឺ មហារីកដោះ។
ដូច្នេះការថែទាំសុខភាពដោះមាន សារសំខាន់ណាស់ សំរាប់ស្ត្រីគ្រប់រូប ដើម្បីចៀសវាង ការស្លាប់ដោយសារតែ ជម្ងឺនេះ។ វាមិនមានអ្វីស្មុគ្រស្មាញ ទេនៅក្នុងការពិនិត្យសុដន់។ ចូរអ្នកអនុវត្តន៍វិធីសាមញ្ញៗ ដូចខាងក្រោមនេះ។
១. ឆ្លុះកញ្ចក់ពិនិត្យរូបរាង និងទំហំដោះ
ឈរនៅមុខកញ្ចក់។ ជាដំបូងអ្នកដាក់ដៃនៅលើឆ្អឹងត្រកៀក និងក្រោយមកនៅលើ ក្បាលដើម្បីងាយពិនិត្យរូបរាង និងទំហំដោះរបស់អ្នក។ តើដោះរបស់អ្នកហើម ,ឈឺ,ឡើងក្រាស់,ឡើងពណ៌ក្រហមដែររឺទេ? តើក្បាលដោះរបស់អ្នកចូល ក្នុងរឺលានចេញក្រៅ?តើមានការហូរចេញ ទឹកដោះដែររឺទេ? បើមានការហូរមែននោះ តើវាជាសារធាតុរាវ,ថ្លា,ជាទឹក ,រឺក៏មាន ឈាម?
២. ស្ទាបរកមើលដុំសាច់មិនប្រក្រតីនៅលើសុដន់
ដៃម្ខាងដាក់នៅលើក្បាល និងយកម្រាមដៃម្ខាងទៀត ដែលលាបប្រេង សង្កត់ដោះថ្នមៗ។ អ្នកត្រូវរុញម្រាមដៃលើដោះ ពីលើចុះ មកស្នាមផ្នត់ខាងក្រោមដោះ ។ចូរអ្នកយកចិត្តទុកដាក់នៅ ម្តុំក្បាលដោះ ។ តើវាមានអ្វីចម្លែកនិងប្រែប្រួលដែររឺទេ?
៣.ដេកស្ទាបពិនិត្យដោះម្តងទៀត
ជាដំបូងដាក់កន្សែងបត់ក្រោមស្មារបស់អ្នក រួចហើយប្រើបាតដែជាជាងចុងម្រាមដើម្បីពិនិត្រយដោះចេញ ពីឃ្លាកទៅឆ្អឹងជំនីរខាងក្រោម ដោះនិងពីឆ្អឹងកខាងមុខទៅរកពោះ។ ដោះភាគច្រើន មានដុំនិងគ្រាប់។
ដូច្នេះចូរអ្នកចាំអ្វីដែលជាលក្ខណះធម្មតាសំរាប់អ្នក។
