គ្រប់គ្នានរណាក៏ចង់មានស្បែកមុខសរលោងស្រស់ស្អាតគ្មានមុន, ស្នាមជាំអ៊ុចខ្មៅ គួរឲ្យទាក់ទាញដែរ។ (អាន ៖ ដេកមិនលក់នាំអោយឈឺច្រើន! នេះជាដំណោះស្រាយ) ការព្យាបាលបែបទំនើប និងការប្រើប្រាស់ផលិតផលសម្រស់ផ្សេងៗ មិនត្រឹមតែតម្រូវឲ្យអ្នកចំណាយប្រាក់អស់ច្រើនប៉ុណ្ណោះទេ ប៉ុន្តែពេលខ្លះផ្ដល់ប៉ះពាល់ចំពោះសុខភាពទៀតតាមរយៈសារធាតុគីមីដែលផលិតផលទាំងនោះមានផ្ទុក។ កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឲ្យដឹងពីរូបមន្តបែបធម្មជាតិងាយៗមួយចំនួនដោះស្រាយកម្ចាត់បញ្ហាស្នាមជាំអ៊ុចខ្មៅលើផ្ទៃមុខប្រកបដោយប្រសិទ្ធិភាពខ្ពស់ ៖

១. ទឹកក្រូចឆ្មារ 

អ្វីដែលអ្នកត្រូវធ្វើ គឺគ្រាន់តែច្របាច់យកទឹកក្រូចឆ្មារស្រស់ ១ ផ្លែ ហើយប្រើប្រាស់សំឡីជ្រលក់លាប ឬផ្ដិតថ្នមៗលើតំបន់ស្បែកដែលទទួលរងផលប៉ះពាល់ និងទុកចោលសម្រាប់រយៈពេលពី ១ ទៅ ២ ម៉ោងសិន សឹមលាងជាមួយទឹកធម្មតា។ អនុវត្តរូបមន្តនេះ ២ ដងក្នុងមួយថ្ងៃ ហើយត្រូវប្រាកដថាអ្នកមិនចេញក្រៅត្រូវពន្លឺព្រះអាទិត្យក្រោយពីលាបទឹកក្រូចឆ្មាររួច។ សម្រាប់អ្នកដែលមានស្បែកមុខស្ដើងងាយប្រតិកម្ម គួរលាយទឹកផ្កាកុលាបប៉ុន្មានដំណក់ចូលជាមុនសិនសឹមលាបល្បាយលើផ្ទៃមុខ។ រីឯអ្នកដែលមានរបួសលើផ្ទៃមុនមិនគួរអនុវត្តរូបមន្តនេះឡើយ។

២. ដំឡូងបារាំង

អ្វីដែលអ្នកត្រូវធ្វើ គឺបកសំបកដំឡូងបារាំង ១ ផ្លែ រួចកិនវាឲ្យម៉ដ្ឋ ហើយបន្ថែមទឹកឃ្មុំបន្តិចចូល រួចលាបលើផ្ទៃមុខសម្រាប់រយៈពេលពី ២០ ទៅ ៣០ នាទី សឹមលាងចេញជាមួយទឹកធម្មតា។ អនុវត្តរូបមន្តនេះឲ្យបាន ៣ ដង ក្នុងមួយសប្តាហ៍។

៣. ប្រទាលកន្ទុយក្រពើ

អ្វីដែលអ្នកត្រូវធ្វើ គឺយកជែលប្រទាលកន្ទុយក្រពើស្រស់មកលាបលើស្បែកមុខដែលទទួលរងផលប៉ះពាល់ ហើយម៉ាស្សាសម្រាប់រយៈពេលពី ១០ ទៅ ១៥ នាទីសិន សឹមលាងមុខចេញជាមួយទឹកធម្មតា។ អ្នកអាចលាយទឹកក្រូចឆ្មារ ជាមួយម្ស៉ៅរមៀត និងជែលប្រទាលកន្ទុយក្រពើលាបលើផ្ទៃមុខក៏បាន។ អនុវត្តម្ដងក្នុងមួយថ្ងៃ សម្រាប់រយៈពេលពី ២ ទៅ ៣ សប្តាហ៍។

៤. រមៀត

អ្វីដែលអ្នកត្រូវធ្វើ គឺយកម្ស៉ៅរមៀត ១ ស្លាបព្រា លាយជាមួយទឹកក្រូចឆ្មារចំនួនសមល្មម និងទឹកដោះគោស្រស់ កូរឲ្យសព្វចូលគ្នា​ សឹមលាបល្បាយលើតំបន់ស្បែកមុខដែលទទួលរងផលប៉ះពាល់ ហើយទុកចោលរហូតដល់ស្ងួត សឹមលាងសម្អាតចេញជាមួយទឺកធម្មតា។ អនុវត្តម្ដងក្នុងមួយថ្ងៃ សម្រាប់រយៈពេល ១ ខែ។

៥. ផ្លែល្ហុង

អ្វីដែលអ្នកត្រូវធ្វើ គឺគ្រាន់តែយកចំណិតបន្ទះល្ហុងខ្លះមកបិតលើផ្ទៃមុខកន្លែងទទួលរងផលប៉ះពាល់ ហើយម៉ាស្សាសម្រាប់រយៈពេល ១០ នាទី សឹមលាងសម្អាតចេញ។ ឬក៏អ្នកអាចយកល្ហុងមួយចំនួនមកកិនឲ្យម៉ដ្ឋ រួចលាយម្ស៉ៅរមៀត ១ ច្បិច និងទឹកក្រូចឆ្មារស្រស់ចំនួនសមល្មមចូល ហើយកូរឲ្យសព្វ សឹមលាបលើផ្ទៃមុខ រួចទុកចោលរហូតដល់ស្ងួត សឹមលាងចេញជាការស្រេច។ អនុវត្តរូបមន្តនេះ ២ ដងក្នុងមួយសប្តាហ៍៕