Join with Health.com.kh on Telegram

​ក្នុងនាម​ជា​ស្វាមី​ល្អ​ម្នាក់ អ្នក​គួរតែ​ចេះ​ធ្វើ​ឱ្យ​ប្រពន្ធ​ខ្លួន​មាន​សុភមង្គល នោះ​អាពាហ៍ពិពាហ៍​អ្នក​ទើប​អាច​រក្សា​បាន​យូរ ដូចនេះ​តើ​មាន​សកម្មភាព​អ្វី​ខ្លះ​ដែល​អាច​ធ្វើឱ្យ​ប្រពន្ធ​អ្នក​មាន​សុភមង្គល​នោះ​?

​ឱប​ប្រពន្ធ​ដោយ​គ្មាន​មូលហេតុ​
ការ​ឱប​មិន​ចាំបាច់​មាន​មូលហេតុ​ឡើយ នៅពេល​ដែល​អ្នក​ឱប​គេ គេ​នឹង​គិត​ថា​អ្នក​នៅ​តែ​ស្រលាញ់​គេ ហើយ​យកចិត្តទុកដាក់​ចំពោះ​គេ ដូចនេះ​គេ​នឹង​ព្រម​ធ្វើ​គ្រប់យ៉ាង​ដើម្បី​អ្នក ដោយសារតែ​មនុស្ស​ស្រី​ជា​មនុស្ស​ដែល​ឆាប់​រំភើប​ខ្លាំងណាស់​។​

ទោះបីជា​ឈ្លោះ​គ្នា ប៉ុន្តែ​នៅពេលដែល​ឆ្លងផ្លូវ​កុំ​ភ្លេច​កាន់​ដៃ​គេ​
ការឈ្លោះគ្នា​គ្រាន់តែ​ជាការ​សម្តែង​ពី​ការយកចិត្តទុកដាក់​ចំពោះ​គ្នា​ប៉ុណ្ណោះ ដូចនេះ​ទោះបីជា​ឈ្លោះ​ក៏ដោយ​ក៏​អ្នក​មិនត្រូវ​ភ្លេច​ថា​គេ​ជា​ប្រពន្ធ​អ្នក ហើយ​កុំ​ភ្លេច​កាន់​ដៃ​របស់​គេ ព្រោះ​អ្នក​ទាំង​ពីរ​ត្រូវការ​កាន់​ដៃ​គ្នា​ដើរ​ដល់​ទីបញ្ចប់​នៃ​ជីវិត​។​

ដាក់​រូបថត​របស់​គេ​ក្នុង​កាបូប​អ្នក​
កាបូប​គឺជា​របស់​ដែល​នៅ​ជិត​ខ្លួន​អ្នក​បំផុត ដូចនេះ​នៅពេល​ដែល​អ្នក​ដាក់​រូប​ថត​អ្នក​ទាំង​ពីរ ឬ​រូបថត​របស់​គេ​នៅ​ក្នុង​កាបូប​អ្នក នោះ​បញ្ជាក់ថា​អ្នក​ស្រលាញ់​គេ​ខ្លាំង​ណាស់ ដូចនេះ​នៅពេលដែល​គេ​ឃើញ គេ​នឹង​សប្បាយចិត្ត​ជាមិនខាន​។​

មិន​ត្រូវ​នៅ​ចំពោះ​មុខ​គេ​មើល​ស្រី​ផ្សេង​ឡើយ​
អ្នក​មិន​ត្រូវ​នៅ​ចំពោះមុខ​គេ​សម្លឹងមើល​ស្រី​ផ្សេង​ដោយ​មិន​ដាក់​ភ្នែក​ឡើយ ព្រោះ​វា​អាច​ធ្វើឱ្យ​គេ​មិន​សប្បាយ​ចិត្ត​ជា​ខ្លាំង ដោយ​គិត​ថា​ខ្លួនឯង​មិន​ស្អាត​ដូច​ពីមុន ហើយ​ថែមទាំង​អាច​ធ្វើឱ្យ​អ្នក​ទាំង​ពីរ​ឈ្លោះ​គ្នា​ទៀតផង​។​

ល្អ​ចំពោះ​គេ​គ្រប់ពេល​
នៅ​ចំពោះមុខ​មិត្ត​របស់គេ អ្នក​ត្រូវ​តែ​សម្តែង​ពី​ការយកចិត្តទុកដាក់រ​បស់​អ្នក​ចំពោះ​គេ ដោយ​មិន​ត្រូវ​អង្គុយ​ធ្វើ​ព្រងើយកណ្តើយ​ឡើយ ដើម្បី​ឱ្យ​មិត្ត​គេ​យល់​ថា​គេ​ជ្រើសរើស​អ្នក​ជា​ស្វាមី​ពិតជា​ត្រូវ​ខ្លាំងណាស់​។​

លួច​ថើប​
អ្នក​អាច​លួច​ថើប​ថ្ងាស​របស់​គេ​នៅ​ពេល​ដែល​គេ​មិនដឹង​ខ្លួន ឬ​លួច​ថើប​ថ្ពាល់​របស់គេ​នៅពេលដែល​គេ​ពិបាកចិត្ត ដើម្បីឱ្យ​គេ​គិត​ថា​អ្នក​នៅ​តែ​យកចិត្តទុកដាក់​ចំពោះ​គេ ហើយ​គេ​មិនមែន​រស់នៅ​តែ​ឯក​កោរ​ឡើយ គេ​នៅ​មាន​អ្នក​ដែល​ស្រលាញ់​គេ និង​យកចិត្តទុកដាក់​ចំពោះ​គេ​៕