Join with Health.com.kh on Telegram

ក្នុងនាម​ជា​ភរិយា កុំ​ចេះតែទាមទារអ្វីគ្រប់យ៉ាងពីស្វាមី បើ​មិន​ដូច្នេះ​ទេ​អ្នក​ច្បាស់​ជា​ឱ្យ​ប្តី​របស់​អ្នក​ទៅ​នារី​ផ្សេង​ហើយ​។​

​ប្រពន្ធ​សំខាន់​ជាង​ម្តាយ​

​មនុស្ស​ស្រី​មិនគួរ​ល្ងង់​ដល់​ថ្នាក់​បង្ខំ​ប្ដី​ឱ្យ​ជ្រើសរើស​រវាង​ខ្លួន​និង​ម្ដាយ​របស់ខ្លួន​ឡើយ​។ បើទោះជា​ទំនាក់ទំនង​ម្តាយក្មេក​មិន​រលូន​ក៏ដោយ កុំ​សុំឱ្យ​ប្តី​ជ្រើសរើស​រវាង​អ្នក​ទាំងពីរ​។ ព្រោះ​វា​អាត្មានិយម​។​

​កុំ​មើល​ស្រី​ផ្សេង​

​នារី​ដែល​ស្រស់ស្អាត ស៊ិ​ច​ស៊ី ឬ​សាមញ្ញ ក៏​អាច​ទាក់ទាញ​ភ្នែក​មនុស្ស​គ្រប់រូប មិន​ត្រឹមតែ​បុរស​ប៉ុណ្ណោះ​ទេ សូម្បីតែ​មនុស្ស​ស្រី​ដូចគ្នា​ក៏​ចាប់អារម្មណ៍​ដែរ​។ ទាំង​បុរស​មិនទាន់​រៀបការ និង​បុរស​ដែល​រៀបការ​រួច មាន​សភាវគតិ​ធម្មជាតិ​ក្នុង​ការមើល​នារី​ដែល​ទាក់ទាញ​។​
​ភ្នែក​របស់គេ​ឆ្លុះបញ្ចាំង​ពី​សភាវគតិ មិនមែន​ដោយ​ចេតនា​ចង់​ចែចង់​អ្វី​ឡើយ​។ ដូច្នេះ​កុំ​រញ៉េរញ៉ៃ​ពេល​ឃើញ​ប្តី​មើល​ស្រី​ផ្សេង​។​

​រារាំង​គាត់​មិនឱ្យ​ជួប​មិត្តភក្តិ​

​មិន​ថា​អ្នកជា​នរណា​ទេ អ្នក​ត្រូវមាន​ទំនាក់ទំនង​ក្នុងសង្គម​។ ប្តី​ក៏ដោយ ប្រពន្ធ​ក៏ដោយ គឺ​ត្រូវការ​មិត្ត​ភ័ក្តិ​។ បើ​ប្រពន្ធ​បង្ខំ​ប្តី​ឱ្យ​កាត់​រាល់​ទំនាក់ទំនង​នឹងធ្វើ​ឱ្យ​គាត់​មិន​សប្បាយចិត្ត និង​សោកសៅ​។​

​បង្ខំ​ប្តី​​ឱ្យ​ធ្វើ​អ្វី​គ្រប់យ៉ាង​តាម​ការចូល​ចិត្ត​របស់​អ្នក​

​កុំ​បង្ខំ​ប្តី​ឱ្យធ្វើ​គ្រប់យ៉ាង​ជាមួយ​ប្រពន្ធ សូម្បីតែ​រឿង​ដែល​គាត់​មិន​ពេញចិត្ត និង​មិន​ចាប់អារម្មណ៍​។​មនុស្ស​គ្រប់រូប​មាន​ចំណង់​ចំណូលចិត្ត​ផ្ទាល់ខ្លួន​។​

​បង្ខំ​ប្តី​ឱ្យនៅ​ខាង​ប្រពន្ធ​គ្រប់​ស្ថានភាព​

​ប្ដី​ប្រពន្ធ​ត្រូវ​យល់ព្រម​ស្រលាញ់គ្នា​។ ប៉ុន្តែ​នោះ​មិន​មានន័យថា គាត់​នឹងត្រូវ​យល់ព្រម​ជាមួយ​ប្រពន្ធ​លើ​អ្វី​គ្រប់យ៉ាង​នោះទេ​។ ស្ត្រី​តែងតែមាន​អារម្មណ៍​អស់សង្ឃឹម​នៅពេលដែល​ស្វាមី​របស់​ពួកគេ​មិន​នៅ​ខាង​ខ្លួន​ក្នុង​ករណីខ្លះ ប៉ុន្តែ​នេះ​គឺជា​រឿង​ធម្មតា ព្រោះ​ប្រពន្ធ​មិនមែន​តែងតែ​ត្រឹមត្រូវ​ទេ​៕​