ជាមួយនឹងជម្រើសរបៀបរស់នៅជាច្រើន វាពិតជាមិនអាចទៅរួចទេក្នុងការទាយថាមនុស្សម្នាក់អាចនឹងកើតជំងឺអ្វីមួយនៅពេលអនាគតឬអត់ឡើយ។ ដំណោះស្រាយដ៏ល្អបំផុត និងអាចធ្វើបាននោះគឺការញ៉ាំអាហារដែលជួយឱ្យរាងកាយបង្កើនមុខងារប្រព័ន្ធភាពស៊ាំកាន់តែខ្លាំង។
សណ្តែក
ការញ៉ាំសណ្តែកប្រហែលជាជួយកាត់បន្ថយកូឡេស្តេរ៉ុលអាក្រក់ និងបន្ថយការប្រឈមនឹងជំងឺបេះដូងបាន។ សារធាតុកាបូអ៊ីដ្រាតកំផ្លេចរបស់សណ្តែកនឹងជួយឱ្យញ៉ាំឆាប់ឆ្អែត និងល្អបំផុតសម្រាប់សាច់ដុំ។ វាក៏មានជាតិខ្លាញ់ និងសូដ្យូមទាបផងដែរ។
ប្រេងដូង
ប្រេងដូងសម្បូរទៅដោយជាតិខ្លាញ់ Saturated Medium Chain ឬហៅថា Lauric Acid ដែលអាចបង្កើនចំនួនកូឡេស្តេរ៉ុលល្អ និងបញ្ចុះកូឡេស្តេរ៉ុលអាក្រក់បាន។ វាក៏ផ្សំឡើងដោយអាស៊ីតខ្លាញ់ដែលអាចបង្កើនការរំលាយអាហារបានដែរ។ ប្រេងដូងក៏មានអង់ទីអុកស៊ីដង់ដែលអាចដើរតួនាទីជាសារធាតុប្រឆាំងការរលាក ប្រឆាំងនឹងការបង្ករោគ និងឱ្យរបួសជាលឿនដែរ។
ម្នាស់
ម្នាស់ត្រូវបានគេប្រើប្រាស់ជាឱសថច្រើនណាស់សម្រាប់ព្យាបាលជំងឺមហារីក និងជំងឺហឺត។ សារធាតុ Bromelain ដែលមានក្នុងផ្លែម្នាស់គឺជាអង់ស៊ីមរំលាយប្រូតេអ៊ីនតែម្តង៕
