Join with Health.com.kh on Telegram

​នៅពេល​ដែល​អ្នក​មាន​ផ្ទៃពោះ អ្នក​អាច​ចែក​អាហារ​៣​ពេល​របស់​អ្នក​មក​ជា​អាហារ​៥​ទៅ​៦​ពេល ដើម្បី​ឱ្យ​ក្រពះ​អ្នក​ងាយស្រួល​រំលាយ​អាហារ ហើយ​នៅពេល​ដែល​អ្នក​ពិសារ អ្នក​មិន​ត្រូវ​ពិសារ​ច្រើនជាង​ពេល​ដែល​អ្នក​មិន​ទាន់​មាន​ផ្ទៃពោះ​ឡើយ អ្នក​អាច​បរិភោគ​លើស​តែ​១០%​គឺ​បាន​ហើយ​។

ខាងក្រោម​នេះ​យើងខ្ញុំ​នឹង​ប្រាប់​អ្នក​ពី​អាហា​រទាំង​៥​ប្រភេទ​ដែល​ល្អ​ចំពោះ​សុខភាព​អ្នក និង​កូន​ប្រសិន​ជា​អ្នក​ដាក់​បញ្ចូល​ទៅ​របប​អាហារ​ប្រចាំថ្ងៃ​។ តើ​មាន​អ្វី​ខ្លះ​ទៅ​?

ផ្លែ​ប័រ​
នៅក្នុង​ផ្លែឈើ​ភាគច្រើន​សុទ្ធតែ​មាន​សារធាតុចិញ្ចឹម​ច្រើន ដែល​ល្អ​ចំពោះ​សុខភាព​ម្តាយ និង​ទារក​ដែល​នៅក្នុង​ផ្ទៃ​ណាស់ ជាពិសេស​គឺ​ផ្លែ​ប័រ វា​មាន​omega-3 ដែល​អាច​ជួយ​ខួរក្បាល​របស់​កូន​លូតលាស់​បានល្អ​។​

គ្រាប់​ជី​
នៅក្នុង​គ្រាប់​ជី​មាន​សារធាតុ​ជាច្រើន​ដែល​ជួយ​ដល់​សុខភាព​ស្ត្រី​មាន​ផ្ទៃពោះ​ណាស់ ដោយ​វា​អាច​ជួយ​ធ្វើឱ្យ​អ្នក​បាត់​នូវ​អារម្មណ៍​ដែល​ភ័យខ្លាច​ច្រើន​នៅ​ដំណាក់កាល​មាន​ផ្ទៃពោះ ថែម​ទាំង​ជួយ​ទប់​រាងកាយ​អ្នក​មិន​ឱ្យ​ស្រូប​យក​ជាតិ​ស្ករ​ច្រើន​ហួស​កម្រិត​ទៀត​ផង​។​

សាច់មាន់​
នៅក្នុង​សាច់មាន់​មាន​ប្រូតេអ៊ីន ដូចនេះ​អ្នក​អាច​បរិភោគ​វា​បាន​ដើម្បី​ទ្រទ្រង់​រាងកាយ​អ្នក ហើយ​វា​ក៏​ជា​អាហារ​ដែល​ធ្វើឱ្យ​អ្នក​ឆាប់​មាន​អារម្មណ៍​ថា​ឆ្អែត​ដែរ ដូចនេះ​អ្នក​នឹងមិន​ពិសារ​ច្រើន​ឡើយ ហើយ​ពេល​ដែល​អ្នក​បរិភោគ អ្នក​មិន​ត្រូវ​ទទួល​ទាន​ទាំង​ស្បែក​វា​ទេ ព្រោះ​វា​មាន​ខ្លាញ់​ច្រើន ដែល​អាច​ធ្វើឱ្យ​អ្នក​លើស​ជាតិ​ខ្លាញ់​ក្រោយពេល​ដែល​អ្នក​ពិសារ​ច្រើន​រួច​។​

ពុទ្ធ្រា​ខ្មៅ​
នៅ​ដំណាក់កាល​ដែល​អ្នកមាន​ផ្ទៃពោះ ពោះវៀន និង​ក្រពះ​អ្នក​មិន​សូវ​មាន​កម្លាំង​រំលាយ​អាហារ​បាន​លឿន​ដូច​ពី​មុន​ឡើយ ជា​ហេតុ​ដែល​អាច​ធ្វើឱ្យ​អ្នក​ប្រឈមមុខ​នឹង​ជំងឺ​ទល់លាមក ដូចនេះ​អ្នក​អាច​ពិសារ​ពុទ្ធ្រា​ខ្មៅ​បាន នោះ​វា​នឹង​ជួយ​ឱ្យ​ពោះវៀន និង​ក្រពះ​អ្នក​រំលាយ​អាហារ​បានល្អ​ជាង​មុន​។​

ស្ពែ​អេពី​ណារ​
ក្នុង​អាហារ​ប្រចាំថ្ងៃ​របស់​អ្នក អ្នក​គួរតែ​បរិភោគ​បន្លែ​ឱ្យបាន​៥​មុខ​ជា​រៀងរាល់ថ្ងៃ ដើម្បី​ទទួលបាន​សារធាតុចិញ្ចឹម​បាន​គ្រប់គ្រាន់ ហើយ​ក្នុង​បន្លែ​៥​មុខ​នេះ ត្រូវតែ​មាន​ស្ពៃ​អេពី​ណារ ព្រោះ​វា​មាន​វីតាមីន​B រួម​ជាមួយ​សារធាតុ​ម្យ៉ាង​ដែល​អាច​ជួយ​ការពារ​សរសៃ​ប្រាសាទ​កូន​ក្នុង​ផ្ទៃ​ឱ្យ​លូតលាស់​បានល្អ​៕