Join with Health.com.kh on Telegram

​ទាំងនេះ​គឺជា​អាហារ​ដែលមាន​សុខ​ភាពល្អ​បំផុត​ដែល​អ្នក​គួរ​ទទួលទាន​។

​ត្រប់វែង​

​ផ្លែ​ត្រប់វែង​សម្បូរ​ទៅដោយ​សារធាតុចិញ្ចឹម មាន​ប្រូតេអ៊ីន ខ្លាញ់ កាបូ​អ៊ី​ដ្រា​ត វីតាមីន កាល់ស្យូម ផូស្វ័រ ជាតិ​ដែក និង​សារធាតុចិញ្ចឹម​ផ្សេងៗ​។ អាហារ​នេះ​អាច​បង្កើន​ភាព​ស្អិត​ជាប់​រវាង​កោសិកា​មនុស្ស បង្កើន​ភាពបត់បែន​នៃ​សរសៃឈាម កាត់បន្ថយ​ភាពផុយស្រួយ និង​ការ​ជ្រាបចូល និង​ការពារ​ការ​ដាច់​រលាត់​នៃ​សរសៃឈាម និង​ការ​ហូរឈាម​។ លើសពីនេះ​ទៀត​ត្រប់វែង ក៏​អាច​រារាំង​ការរីក​សាយ​នៃ​កោសិកា​ដុំ​សាច់​ក្រពះ​ពោះវៀន​ផងដែរ​។​

​ក្រៅពីនេះ ត្រប់វែង គឺ​សម្បូរ​ទៅដោយ alkaloids និង cucurbitacin គឺជា​សារធាតុ​ប្រឆាំង​មហារីក​។ ជាការ​ពិត នៅក្នុង​ការពិសោធន៍​គ្លីនិក ឱសថ​ដ៏​ល្អ​សម្រាប់​ព្យាបាល​ជំងឺមហារីក​ក្រពះ និង​មហារីក​មាត់ស្បូន ត្រូវបាន​ចម្រាញ់​ចេញពី​ផ្លែ​ត្រប់វែង​។​

​ម្ទេស​ខ្ចី​

​ម្ទេស​ខ្ចី​សម្បូរ​ទៅដោយ​វីតាមីន C, A, និង B complex (B6 និង B9) ។ អាហារ​នេះ​ជួយ​ការពារ​ការ​កកឈាម ដែលជា​មូលហេតុ​ចម្បង​នៃ​បញ្ហា​សរសៃឈាម​បេះដូង ដូច​ជាការ​គាំងបេះដូង និង​ជំងឺ​ដាច់​សរសៃឈាម​ក្នុង​បេះដូង​។ មិន​ត្រឹមតែ​ប៉ុណ្ណឹង​ទេ ម្ទេស​ខ្ចី​ក៏​ជួយ​ការពារ​ការរីក​រាលដាល​នៃ​ជំងឺមហារីក​ទៅកាន់​ពោះវៀនធំ សួត និង​ក្រពេញ​ប្រូ​ស្តា​ត​ផងដែរ​។​

​សារធាតុចិញ្ចឹម​សំខាន់ៗ​ដូចជា​វីតាមីន C និង B6 នៅក្នុង​ម្ទេស​ខ្ចី​ជួយ​ពង្រឹង​ភាពស៊ាំ​របស់​រាងកាយ​ក្នុងការ​ប្រយុទ្ធ​ប្រឆាំងនឹង​ជំងឺ​។ លើសពីនេះ​ទៀត capsaicin នៅក្នុង​ម្ទេស​ខ្ចី​បញ្ចេញ​សារធាតុ endorphins ដ៏​ល្អ និង​ដើរតួ​ជា​ថ្នាំ​ប្រឆាំងនឹង​ជំងឺ​ធ្លាក់​ទឹកចិត្ត រក្សា​អារម្មណ៍​វិជ្ជមាន​។​

​ជីរវ៉ាន់ស៊ុយ​

​យោងតាម​ឱសថ​បូព៌ា ស្លឹក​ជីរវ៉ាន់ស៊ុយ​មាន​រសជាតិ​ហឹរ លក្ខណៈសម្បត្តិ​ក្តៅ ជួយ​ជំរុញ​ការរំលាយ​អាហារ និង​ប៉ូវ​កំលាំង​។ បន្លែ​នេះ​មាន​ប្រសិទ្ធភាព​ប្រឆាំង​ការ​ហើមពោះ ពង្រឹង​ក្រពះ បង្កើន​ទិន្នផល​ទឹកនោម និង​កាត់បន្ថយ​គ្រុនក្តៅ ព្យាបាល​ផ្តាសាយ ផ្តាសាយធំ ឈឺក្បាល ហៀរ​សំបោរ និង​តឹង​ច្រមុះ​។ ជាពិសេស ស្លឹក និង​គ្រាប់​របស់​វា​មាន​ផ្ទុក​នូវ​ប្រេង​សំខាន់ៗ ដែល​ជួយ​ជំរុញ​ដល់​ប្រព័ន្ធ​ប្រសាទ ដែល​ត្រូវបាន​គេ​ប្រើ​សម្រាប់​ព្យាបាល​ភាពទន់ខ្សោយ​ខាង​សរីរវិទ្យា​។​

​យោងតាម​ឱសថ​ទំនើប ជីរវ៉ាន់ស៊ុយ​មាន​ផ្ទុក​វីតាមីន A, C, B1, B2 និង​ជាតិ​ដែក​។ លើសពីនេះ សារធាតុ​សកម្ម​ក្នុង ជីរវ៉ាន់ស៊ុយ​មាន​ប្រសិទ្ធភាព​ប្រឆាំងនឹង​ការ​រលាក កាត់បន្ថយ​កូ​លេ​ស្តេ​រ៉ុល​ក្នុង​ឈាម កំចាត់​មេរោគ​ក្នុង​បំពង់​រំលាយ​អាហារ ប្រឆាំងនឹង​ការ​រលាក​ក្នុង​មាត់​…​។​

​បច្ចុប្បន្ននេះ ស្លឹក​ជីរវ៉ាន់ស៊ុយ​ត្រូវបាន​គេ​ចាត់ទុកថា​ជា​រុក្ខជាតិ​ឱសថ​ដែលមាន​សារធាតុ​ប្រឆាំង​អុកស៊ីតកម្ម ជួយ​ព្យាបាល​ជម្ងឺ​រ៉ាំរ៉ៃ​មួយចំនួន​…​។​

ផ្សិត

​អាហារ​នេះ​មាន​ជាតិ​ប្រូតេអ៊ីន​ខ្ពស់ ជាតិ​ខ្លាញ់​ទាប ប៉ូ​លី​ស្ក​ឃែ​រ អាស៊ីត​អា​មី​ណូ និង​វីតាមីន​ចម្រុះ​ជាច្រើន​ប្រភេទ ជួយ​ពង្រឹង​មុខងារ​ប្រព័ន្ធ​ភាពស៊ាំ ពន្យា​ភាព​ចាស់ ការពារ​មហារីក ប្រឆាំង​មហារីក បន្ថយ​សម្ពាធ​ឈាម បន្ថយ​ជាតិ​ខ្លាញ់​ក្នុង​ឈាម បន្ថយ​កូ​ឡេ​ស្តេ​រ៉ុល​។​

​ក្រៅពីនេះ​ផ្សិត​មាន​ប្រសិទ្ធភាព​ព្យាបាល​ជំងឺ​ទឹកនោមផ្អែម របេង រលាក​ថ្លើម រលាក​សរសៃប្រសាទ​… អ្នក​អាច​ប្រើ​ផ្សិត​ដើម្បី​ព្យាបាល​ការរំលាយ​អាហារ ទល់លាមក​… អាស៊ីត nucleic នៅក្នុង​ផ្សិត​ក៏មាន​មុខងារ​ការពារ និង​ព្យាបាល​ជំងឺអេដស៍​ផងដែរ​។​

ម្រះ​

​ម្រះ​មាន​ផ្ទុក​សារធាតុ​អាល់​កា​ឡូ​អ៊ី​ត ដែលជា​សារធាតុ​ជូរចត់​ដែល​ផ្តល់ឱ្យ​ផ្លែ​ម្រះ​មាន​រសជាតិ​ប្លែក​របស់​វា​។ មនុស្ស​ជាច្រើន​មិន​ចូលចិត្ត​រសជាតិ​ល្វីង​នេះ​ទេ ប៉ុន្តែ​គ្រូពេទ្យ​ពេញចិត្ត​ចំពោះ​តម្លៃ​អាហារូបត្ថម្ភ​របស់​ផ្លែ​ម្រះ​។ រសជាតិ​ល្វីង​នេះ​ក៏មាន​ឥទ្ធិពល​ជួយ​ភ្ញោ​ច​រសជាតិ បង្កើន​ចំណង់​អាហារ​។​

​អ្នកស្រាវជ្រាវ​បាន​និយាយថា ផ្លែ​ម្រះ​អាចមាន​សកម្មភាព​ប្រឆាំង​មេរោគ ការពារ​មេរោគ​មិនឱ្យ​ឆ្លងទៅ​កោសិកា​មនុស្ស ដែល​អាចជួយ​គ្រប់គ្រង​ដំណើរការ​នៃ​ជំងឺ​។​

​ការទទួល​ទាន​ផ្លែ​ម្រះ​ជា​ទៀងទាត់​ជួយ​គ្រប់គ្រង​ការខូចខាត​អុកស៊ីតកម្ម​ព្រោះ​វា​អាច​ការពារ​ការប្រមូល​ផ្តុំ​ជាតិ​ខ្លាញ់ និង​យន្តការ​នៃ​ការបញ្ចេញ​ជាតិ​ខ្លាញ់ កាត់បន្ថយ​ការស្លាប់​កោសិកា​ដែល​បណ្តាលមកពី​ការ​រលាក​នៅក្នុង​ថ្លើម​។​

​លើសពីនេះ វា​ក៏​ពង្រឹង​ប្រព័ន្ធ​ប្រឆាំង​អុកស៊ីតកម្ម​របស់​រាង​កាយ ពោលគឺ​អង់ស៊ីម​ខាងក្នុង​ដូចជា catalase និង superoxide dismutase ។ សារធាតុ​ចម្រាញ់​ពី​ផ្លែ​ម្រះ​អាច​ការពារ​ការខូចខាត​ថ្លើម​ដែល​បណ្តាលមកពី​ការទទួល​ទាន​គ្រឿង​ស្រវឹង​រ៉ាំរ៉ៃ​៕​